منتدى سليم - قصيده لابن فطيس

قصيده جميله للمبدع ابن فطيس اتمنى ان تنال على اعجابكم اترككم مع القصيده

تعبت من ممشى على غير مشهاي
وتعبت من صبر على غير غايه
طاحت عزومي ليين قلت نـــــــواياي
وابعدت من مبداي صوب النهايه
مغير اهوجس واضرب الراي بالـــراي
واثر المغربل مايخلصه رايــــــــه
الوقت ذا هو هو بطبعه وانا ايــــــــــاي
انا صدوق وذا الزمان الدعـــــــايه
يالله تعاوني على كبر بلـــــــــواي
ويالله تقديني طريق الهدايـــــــــــــه
اشكي من الماضي وخوفي من الجاي
ولي في ملمات الليالي درايـــــــــــه
لوكنت اعرف دواي ماخفت من داي
اخير من طب الطبيب الوقايــــــــه
سبحان من يعرف مقاسيم دنياي
في صفحة ماتنعرض للقرايــــــه
الى غدى وقتي جزوع من حكاي
ادوي بهاجوسي على كل مايـــه
وليا كسرني هاجسي صوب مركاي
فايه جبرني نخوة دموعي آيــــه
وان شفت همي مانقص من تشكواي
اخترت من نطح الهموم القفايــه
وقت غدى كنه علي اكبر عداي
يفرح علي مجمعين الوشــــايه
صادمت صكات الزمن فاول صباي
وصادمت قد شيبي بوجه المرايه
لا الين نبات الارض غارس ورواي
وشوك السلم ماخذ على اسمي وصايه
اعدغلطاتي واحسب خطاياي
لاني بمن دل ولاني بتايـــــــــــــه
ايس وتيبس عقب ماايس شفاياي
وامّل وبعض آمال عمري غوايه
لا اسوم انا وجهي ولا امد يمناي
ثنتين تحسب للمذله لدايــــــه
بلقي هموم الليــــــــــــــالي مقفاي
لين اقلب آخر صفحةً للروايــــــه
ارضى بمقسومي على طية رشاي
لاعاد لي شفً ولالي غوايــــه
مالي جدى الاونة القلب ودعاي
وعناية الله ماوراها عنايـــــــه
بسكت وسري ساجنه في حناياي
الين تروي المقبلات الحكايــه

وسلامتكم واعذروني على الاطاله