|
الوداع
قسمة الله حايلة بيني وبينك وانت غايب
كنك اللي وسط سجن غونتنامو طال ليله اتحرى طلتك والصبر جاني بالغصايب ان دفعت الصبر مااقوى وان بلعته حنظليله لوها بالكيف عرضت المحبة للهبايب واعتزلناها وطير اهل الهوى مخلي سبيله مير في حلو المنام القاك وتشب الشبايب يوم تضحك لي وقلبي بالعنا ياويل ويله واصبح وحملي عطب كتفي وياكبر النوايب فوق همك صكة الدنيا لها نهج ووسيله وسط خلق الله واجامل لين صار القلب ذايب والبشر ماترحم المحزون والدنيا مهيله اه ياكم رقم هاتف ماحسبناله حسايب دقته باليوم والليلة ولامنها حصيله في غيابك قمت ازم الهم وجروح عطايب لين عيني للدموع الجارية صارت حليلة اتخيل خدك البراق ياسيد الحبايب في مكانك مايسد الا انت لوتحضر قبيلة كل مافكري رحل يمك بلحظة عاد خايب منكسر والله يعلم في غيابه كم يبيله الوداع وقصتي وياك من ضمن العجايب نادرات امثالها في شهر زاد والف ليلة انسني باقولها لك عقب حملت الحقايب عن غرامك ناوي الترحال والرحلة طويلة |
رد: الوداع
\7
|
رد: الوداع
الله عليك ياشاعرنا قصيده رائعه بكل معنى سكن بينها اهنيك علي هذا الاحساس الرائع الذي تمتلكه صح لسانك مليون ولايكفون ولاهنت علي هالابيات المميزه في معانيها راقت لي كثيرا شكرا لك تحياتي صَمْتْ اَلْمَلَاَكْ مَرَّتْ مِنْ هٌنَإَ ... |
رد: الوداع
لوها بالكيف عرضت المحبة للهبايب
واعتزلناها وطير اهل الهوى مخلي سبيله مير في حلو المنام القاك وتشب الشبايب يوم تضحك لي وقلبي بالعنا ياويل ويله ما شاء الله تبارك الله ما هذا الجمال الذي اطربنا بحق لله درك من شاعر كتبت وابدعت وامتعت بهذه المنظومه الشعريه الغراء ناصر بن متعب صح لسانك حتى ترضى واذا رضيت وبعد الرضى تقبل مروري وتقديري لسموا شخصك الكريم ودمت بهذا الحضور المتالق |
رد: الوداع
الله عليك ياشاعرنا
قصيده رائعه بكل معنى سكن بينها اهنيك علي هذا الاحساس الرائع الذي تمتلكه صح لسانك مليون |
رد: الوداع
عبدالله العطافي صمت الملاك خالد العلوي غانم النجاري
لست مستكثرا على كل واحد منكم ان ارد عليه بصفحة منفردة ولكن لاني لن اجد ما اقول لكم فقد اخجلتموني كثيرا لذلك ساقول لكل واحد منكم (شكرا شكرا مليون وبيض الله وجيهكم على ماكتبتم وكان الله في عوني فقد وصفتموني بما لا استحق شعريا) |
رد: الوداع
اقتباس:
الاخ الشاعر \ ناصر متعب صح لسانك على هذا النص الجميل المفعم بالصور الشعريه الراقيه وعذوبة الكلمه سلمت وسلم منطوقك |
رد: الوداع
يابعدهم والله كفوووووو
وبيض الله وجهك قصيده تستاهل اكثر من صح لسااانك لكن صح لسااانك ملايييين ان صح لي التعبير احترامي وتقديري لك يالنشمي |
رد: الوداع
فيصل السلمي حمدان بن مقحص
صحت ابدانكم وبيض الله وجيهكم وشهادتكم والله انها نسعدني وتشرفني |
رد: الوداع
اخي
بيض الله وجهك قصيه حزله من شاعر جزل تقيل تحياتي وتقديري |
| الساعة الآن 11:45 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
كل الآراء المنشورة ( مواضيع ومشاركات ) تمثل رأي كاتبها و لا تعبر بالضرورة عن رأي القائمين على الموقع