منتدى سليم - ديرة سليم من الظبيه للمحاني

منتدى سليم (http://www.solaim.com/vb/index.php)

- روائع الشعر الشعبي (http://www.solaim.com/vb/forumdisplay.php?f=40)

- - ديرة سليم من الظبيه للمحاني (http://www.solaim.com/vb/showthread.php?t=47406)

ديرة سليم من الظبيه للمحاني

يوم هيض خاطري بالشعروقفت المطيه
قلت ماكسر خاطر الهاجوس يوم الشعرجاني

ثم اخذت من البيوت أنقى وأدرجها شويه
كل ماحثت خطاها قمت اقصر فالعنان

خفت لاتركض ومن كثر الركض تصعب عليه
قمت ادورها هنا و هناك والليل يحداني

مار ربي جابها لين امتلت منها يديه
بعد ماجتني باوسقها على صهوت حصاني

مهرة في لونها كنه مزون العقربيه
يوم جابتها هبوب الريح ترعد جبخاني

ثم هلت وأمطرت واسترت العين الشقيه
واصبحت ديرة سليم من الظبيه للمحاني

كنها فالقيض لندن غير لهجتها عربيه
ليش ماعنيبها دام القوافي من لساني

ديرتي فيها الرجال أهل الكرم وأهل الحميه
مكرمين الظيف والطرقي ومزبنت العواني

تعرف دروب المراجل من عصور الجاهليه
ماتغير هقوة اهل العرف في كل المعاني

والقبايل ماعليها زود ماحاشت رديه
كل ديره حقها فيها على طول الزماني

ياديار العز ياديرة هلي حقك عليه
كل ماجا عيد عايتك بعد شهر إرمضاني

إن بغيت الكامل افرقله على درب الثنيه
وإن بغيت ستاره افرق من يسارأسفل غراني

كلها فيها ربوعي من حبش ولا فتيه
لالفيت امسي على كيفاً وتقفاه السماني

أقطف ورود الزهور وللعروس أجمل هديه
من معزتها في قلبي حبها فيه ابتلاني

يابحور الشعر طيعيني ترا الطرقه عضيه
ماخبرت اللي باسوقه بالعصى قام يعصاني

نفاع بن عواص الربيقي السلمي