|
طيور شلوووووى
السلام عليكم ورحمة الله وبركاته
مساء الخير وصباح الخير متواضعه عساها تجمل ناظمها إحذر صديق إن حال به حول ينساك تراه راعي مصلحه وش تبابه راعي نظاره وإن قنع منك خلاك وطبع الحصاني ماتخاوي الذيابه وإحذر تظيف اللي ليا جيت يشناك ومن لايحسبك لاتحسب حسابه تلقاه عابس وأنت مبلج محياك موصي عياله مايفكون بابه ماهو جليسٍ لك ولا من حلاياك في مجلسه تلقى الطفش والكأبه مايدري إنه لو تجمل وعشاك ربي يعوضه مانقص من زهابه ولو مر بك في درب راح وتعداك مايدري إنك ماتبي من جرابه (عيه) يدور عثرتك وإيتبلواك مافيه درب من الردى مامشابه وعليك باللي يعتزي عند ملفاك مطلق حجاجه شيخ حضرة جنابه له مجلسٍ ماينشرب فيه تنباك ماغير عود أزرق ضيوفه حسابه مجلس يشوقك مجلسك فيه يزهاك والكيف جوفه يطربك في شراااابه شيخ لعشيره لاوعدك يتحراك الله جعل له عند خلقه مهابه قدام تزهم راعي البيت ينصاك ويقول قلط فالسعه والرحابه وفنجال بريه يسوقه ليمناك وتشبه تراحيبه ب نو السحابه ومن بعد ساعه قلطك فوق مقراك أنا أشهد أن طيور شلوى تشابه ويدرج معك في خطوته عند ممشاك بابه مشرع ما قفل يوم بابه وعز الله أن الرجل لاجاك عناك والظفر حطه فوق راسك عصابه ويالمستمع كل المشاكيل شرواك العلم جبته لك وأبرهن صوابه ( بقلمي) نفاع الربيقي |
رد: طيور شلوووووى
جمل الله حالك وبيض الله وجهك ..
جميل قلمك وصح لسانك ابا ثامر .. تحيتيـ .. |
رد: طيور شلوووووى
اقتباس:
حالك مجمل ووجهك أبيض وحضورك أجمل وصح الله بدنك أبا فزاع مانعدمك يالغالي الف شكر |
رد: طيور شلوووووى
صح لسانك أبا ثامر وسلم منطوقك
المشرف سليم الربيقي صح الله بدنك أبا سامر سلمت |
رد: طيور شلوووووى
المشرف القدير والشاعر المتألق
نفاع الربيقي صح لسانك وبيض الله وجهك ابيات حكمة وجزالة معنى انا اشهد ان طيور شلوى تشابه صدقت فيما قلت تقديري واحترامي وتقييمي للنص ***** |
رد: طيور شلوووووى
صح الله لسانك
قصيده رااائعه تحياتي لك |
رد: طيور شلوووووى
الاستاذ الشاعر القدير نفاع الربيقي ابدعت في القصيده الجزله اخذت فيها الكثير من اصناف الرجال اوضحت فيها اوصاف الرجال الطيب الكريم والعكس صح لسسانك ي شاعرنا وبيض الله وجهك
|
رد: طيور شلوووووى
اقتباس:
صح الله لسانك وجهك أبيض شرفني حضوركم وتقييمكم المعتبر مانعدمكم يالغلي سلمت بارك الله فيك |
رد: طيور شلوووووى
اقتباس:
صح الله بدنك حضورك أروع يالغالي الف شكر |
رد: طيور شلوووووى
اقتباس:
الف شكر على التفضل والمرور صح الله لسانك ورفع الله قدرك وجهك أبيض مانعدمك يالغالي الف تحيه |
| الساعة الآن 03:02 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
كل الآراء المنشورة ( مواضيع ومشاركات ) تمثل رأي كاتبها و لا تعبر بالضرورة عن رأي القائمين على الموقع