الوقت دوره والليالي تجاريب
 

[poem=font="times new roman,6,black,normal,italic" bkcolor="transparent" bkimage="" border="none,4," type=2 line=0 align=center use=ex num="0,black""]
الـوقـت دوره والليـالـي تجـاريـب=فيها وفيها من صـدوف اللجاجـي
ايــام تقـفـا ايــام وتبـيـد وتغـيـب=والـلـي تقـافـا مايـجـي بدّراجي
صكاتها تدّمي الجروح المعاطيب=ويبقـا اثرهـا بـدّت العـمـر لاجــي
مــاودي ابـيّــح بـســد الـدوالـيـب=من خوف يلحقني عنا وانّزعاجي
هذا وانا مابان في راسي الشيـب=لـكـن امـيـزهـا وهـــذا انتـهـاجـي
احدن رقا فيهـا بـروس المراقيـب=ماينزل الا . فوق عاجـي وعاجـي
متّعـود الجـزلـه بـكـل المكاسـيـب=ليا نصيته عن عنا الوقت حاجـي
له فزعتن جوف الليال المجاديـب=والله على ايدينه يجيـب انفراجـي
يفّرح ليا جيتـه ويثنـي التراحيـب=وتشوف غرت فرحته فالحجاجـي
مثل قـراح المـاء عديـم العذاريـب=يفّرق بطعمه عن شراب الهماجي
واحـدن يغـرك بالنمـك والاكاذيـب=ويزين علومه بليـا انحـراجـي
بــارع ومتعـلـم بـكــل الاسـالـيـب=حميـم فـي قولـه طليـق انبـلاجـي
من هرجته تسّتر والخاطر يطيب=مير البلا ياعقاب فيه انعواجي
ينمّـق الكلمـه بحـسّـن التراكـيـب=ون جيت يحّصلـه تحـوّل مفاجـي
واحدن تزله . لا . لفتك النواشيب=مالـك بتقديمـه صـلاح وخـراجـي
لو . زيّن علومـه يـزلّ المطالـيـب=ماهو من اللـي يقّعـدون المزاجـي
ليا سكت ماله مـع النـاس تثّريـب=وليا هرج هرّجه سماط وسماجي
يعني على ماقيـل مالـه مضاريـب=عديـم راي وكــل حـالـه هجـاجـي
واحـدن معديهـا ولايـقّـدر يجـيـب=هلباج من نوع الوجيه الهباجي
ماهو هذاك اللي عليه المحاسيب=لـو زان بعقالـه سـوات الدجاجـي
متساويـه بينـه وبيـن الرعابـيـب=عايش حيـاة ام الهـدب بندماجـي
ماله عـزوم ولايعـرّف المواجيـب=قلبه عطيب ومثل نـوع الزجاجـي
سهل انكساره في يدين اللواعيب=وليا انكسر يصّعب عليه العلاجي
هـذا نمـوذج مـن كبـار الهلابـيـب=وباقي كثير من الوجيـه الدباجي
دنيا تلاطم مثل ضـرّب المحاديـب=بين القـراح وبيـن ملحـن اجاجـي
مايعلـم الا عـالـم الـسّـر والغـيـب=مـتـى نهايتـهـا ويــوم الـمـلاجـي
ليا اصبحت كل الجبال المناصيب=صفّصـاف قـاع وكلبوهـا فجاجـي[/poem]

رد: الوقت دوره والليالي تجاريب
 

رد: الوقت دوره والليالي تجاريب
 

صح لسانكـ
ويعطيكـ العافية على القصيدة المميزة
وأتمنى المزيد من القصائد المميزة
...
ابن عمكـ/عبدالله العبيدي

رد: الوقت دوره والليالي تجاريب
 

رد: الوقت دوره والليالي تجاريب
 

صح لسانك ملياااااااااااااار

مبدع ومتألق في كل ما تكتب

بيض الله وجهك

وفقك الله واسعدك في الدارين

رد: الوقت دوره والليالي تجاريب
 

الله الله الله

بيض الله وجهك يا كاسب النوماس

وانشهد انك أوفيت وكفيت

قصيدة اتخذت افعال الرجال نهج لها الطيب والبطال

ولا يبقى إلا فعل الطيب مثل فعلك وشرواك ياخالد

تقبل مروري وتقديري واحترامي

ودمت بهذا العطاء الباذخ

رد: الوقت دوره والليالي تجاريب
 

رد: الوقت دوره والليالي تجاريب
 

رد: الوقت دوره والليالي تجاريب
 

سفير حرب المبدع والشاعر المتميز خالد مبيريك الحربي

صح الله لسانك ملاييين

قصيدة تفووق الوصف والتعبير عنها

لن اقول لك سوى

صح الله لسانك واعتلا شانك

تحياتي لك

اخوك


ابراهيم السلمي

رد: الوقت دوره والليالي تجاريب
 

نعم إنه شعر الحكماء وتجارب العظماء لله درك

ذكّرتني بشعر بديوي الوقداني والشريف بركات

شعر راقي من شاعر راقي

شعر وشعور ومشاعر صادقة تحمل إحساس صادق في قصيدة ذهبية (*****)

من شاعر متمكن ومتألق لا يرضى إلا بالصدارة . أسأل الله لك التوفيق

صح لسانك وسلم بنانك والطيب والتميز والتألق والإبداع طبعك وعنوانك .

كتبت وأبدعت وتألقت وأمتعت بإحتراف راقي فلله درك وفالك التوفيق دائماً .

نسأل الله أن يرزقنا وإياكم الإخلاص في القول والعمل . فالك الفردوس الأعلى .

دمت بكل الحب أخاً وصديقاً مبدعاً ومتميزاً ومتألقاً في حفظ الرحمن