منتدى سليم - (بعد الحزن)

منتدى سليم (http://www.solaim.com/vb/index.php)

- روائع الشعر الشعبي (http://www.solaim.com/vb/forumdisplay.php?f=40)

- - (بعد الحزن) (http://www.solaim.com/vb/showthread.php?t=45073)

(بعد الحزن)

بمناسبة خروج الرحيم الغالي وابن العم
أحمد بن علي النجاري
من الأسر وعودته سالماً معافى لأهله وذويه
كانت هذه الابيات المتواضعه واللتي اتمنى ان تحوز على رضاكم واستحسانكم

الحمد لله والشكر والثناء له
الواحد المعبود جزل العطايا
ما خيّب قلوبِ تمنت وصاله
ترجيه بأوقات الرخاء والبلايا
هذاك بارك في حلاله وماله
هذا مسح عنّه رصيد الخطايا
والآخر أهداه الحسن في خصاله
محال ينزل في دروب الدنايا
واللي أبتلاه بهم صعب أحتماله
قلبه ورى ضلوع الحنايا شظايا
ماهو عقابٍ له لزومٍ يناله
لكن وربي من جميل السوايا
لو ما يحبه كان دوّر بداله
يصبر وعقب الصبر فوز وهدايا
وأنته ياولد العم فيك الدلاله
أختارك اللي عالمٍ بالخفايا
بعد الحزن جاك الفرح وأحتفاله
أسمع صدى صوته بكل الزوايا

وسلامتكم

رد: (بعد الحزن)

اسمع صدى صوته بكل الزوايا

الله الله عليك يا احمد شاعر ملهم نعم وهذه قصيدة موقف

اتت تحاكي الواقع والحدث الذي حرك شاعرية شاعرها

الف مبروك لكم خروج ابن عمكم من ------

وصح لسانك ملاييييين

تقبل مروري وتقديري

رد: (بعد الحزن)

بعد الحزن جاك الفرح وأحتفاله
أسمع صدى صوته بكل الزوايا

الحمد لله له الفضل والمنه على رجوع ابن عمك الى كنف والده ووالدته وإلى ذويه وكل من يحبه

ابدعت يا احمد في هذه القصيدة والتي تحاكي الموقف

فكانت تنسكب من فاهك كماء المطر حتى أكتملت

بيض الله وجهك وصح لسانك ملياااااااار

تقبل مروري وتقديري

ولك مني أرق التحايا

رد: (بعد الحزن)

صح لسانك ملاااييين
قصيدهه شإمخهه بـآلفعل وكلمإتهآ
بمعاني عذبة وقوية تنسكب من قلب ٍ طاهرٍ شامخ
فـ لقلبك أطيب الأماني الصادقة ولحرفك أرق التحايا العاطرة

تقديري و احترامي ..
صمت الملاك مرت من هنإ ...

رد: (بعد الحزن)

صح السانك قصيدة معبره

رد: (بعد الحزن)

الاخ الشاعر \ احمد النجاري

اولاً الحمد لله على سلامة الاخ \ احمد علي النجاري

وصح لسانك على هذه القصيده الحزله في معناها

ومبناها قصيده فيها نبرة الحزن والفرح مختلطه

قصيدة موقف صح لسانك وبيض الله وجهك

رد: (بعد الحزن)

وانت سالم وغانم يابو خالد وصح لسانك مليون انااشهد ان ابوعلي يستاهل ومثلك يقدر وزود بيض الله وجهك

رد: (بعد الحزن)

عزيزي الغالي
احمد النجاري السلمي

احمد الله على خروج ولد عمك
وعودته والف مبرووك

وانت لك بياض الوجه يالوفي

وصح لسااانك مدد بلياا عدد

على هالشاامخه في مبناها ومغزاها

تحياااتي

رد: (بعد الحزن)