منتدى سليم - قصيدة إمرآه

هذه القصيدة كتبتها إمراة طاعنة في السن بعد ما أودعها إبنها وللأسف في دار المسنين

يامسندي قلبي على الدوم طاريك ,,,

ماغبت عن عيني وطيفك سمايا

هذي ثلاث سنين والعين تبكيك ,,,

ماشفت زولك زاير ياضنايا

تذكر حياتي يوم أشيلك وأداريك ,,,

والأعبك دايم وتمشي ورايا

ترقد على صوتي وحضني يدفيك ,,,

ما غيرك أحد ساكن في حشايا

ياما رحت أسهر بقربك وأداريك ،،،

ما ذقت طعم النوم صبحي ومسايا

ياما عطيتك من حناني وأبعطيك ,,,

تكبر وتكبر بالعمل يامنايا

لكن خسارة بعتني اليوم وش فيك ,,,

وأخلصت للزوجة وأنا لي شقايا

أنا أدري أنها قاسية ما تخليك ،،،

قالت عجوز ما أبيها معايا

وخليتني وسط المصحة أنا أرجيك ,,,

هذا جزاء المعروف وهذا جزايا

ياليتني خدامة بين أياديك ,,,

منشان أشوفك كل يوم برضايا

مشكور ياوليدي وتشكر مساعيك ،،،

وأدعيلك الله دايم بالهدايــــــا

حمدان ياحمدان أمك توصيك ,,,

أخاف وأنت الحق تشوف الوصايا

أوصيت دكتور المصحة بيعطيك ,,,

رسالتي وحروفا من بكايا

وأن لاتبخل على بدعاويك ,,,

وأطلب لي الغفران وهذا رجايا

أنطر تراب القبر بدموع عينيك ,,,

ما عاد ينفعك الندم والنعايا
بصراحه قصيدة محزنه تحاكي عن معناة أم تركها ولدها في دار المسنين
وتحياتي
ماجد المطردي