طرد السراب - طرح جدّي
 

مساء / صباح

الخيرات والمسرات


بسيطه عسى ان تنآل اعجابكم



[poem=font=",6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
رفرفي ياراية التوحيد من فوق السحاب = والله إنه ماخلق منهو يمسك بالقشر
دونك ندوس العدا ونشوش ونطش الرقاب = ما حسبنا في حما التوحيد للموت الحمر
يالله الوالي عسى عندك دعائي مستجاب = ياكريم الوجه ياعالم بما يخف الصدر
قامت الدنيا على يعرب تذعذع بالخراب = والعروش ينوشها من شعبها ضيم وكدر
قايد الثوره مع المخلوع ما ساق الركاب = شيّد جنوده على شعبه وبالآيه كفر
يابنى يعرب على وضح النقا وجه الغراب = سود الله الوجيه السود في يوم الحشر
تسلب حقوق الضعايف شام من شيب وشباب= ولا صمدتوا كود بحشود التظاهر في مصر
وثالث البيتين ماحرر من يدين الكلاب = كيف تنداس المبادي ياكثيرين الفخر
خيم الصمت وسكن مابين صفحات الكتاب = والقلم لو يكتب المكنون ماحوله حبر
بين مكتوب السطور الواضحه ضاع الجواب = مثل ماضاع التكاتف بين يعرب في سطر
في صريح القول لا دارت على كشف الحجاب = إنقلاب الطاوله يعكس تصاريح الخطر
مير صيّاح الضحى له قرن ماحوله مجاب = وريس الماسه على كرسي شرف بطنه ظهر
منشغل في ضربة الثوره وعلم الأنتخاب = طال حكمه مانظر في سطوت بلاد الفجر
لو رئيس الغرب في ظرب المثال أذن وتاب = مايجيك الشرق في تحرير قدسه بالخبر
الأسود الواقفه بين الثعالب والذئاب = نارهم بين الحنايا مايطفيها بحر
آه وافوح الصدور اللي بها زاد الصواب = إنكشف عار العروبه في متاهات العمر
الرجال أبطال مير الخوف في حضرة جناب = ساد مضمونه على الأسياد في شمس الظهر
إفتحوا كل المعابر ما حسبنا للصعاب = كم قدحنا النار والبارود في يومٍ عسر
التجاهل تحت ظل العلم زاد الاكتئاب= والعجل في فزعة المضيوم دافع للنصر
بس مفهوم الحكي يعكس معاناة العذاب = ينفطر قلبك من المشهود في مد النظر
بين طعنات الزمن وأسباب حزني والمصاب = فار دم القلب مابين انتظاري والصبر
عادة الأيام تجبرنا على طرد السراب = في مطاف العمر واهات التوجد والقهر
شف خطاوينا من الحاصل على وجهه التراب = طابعه بترابها ماناشها طول الدهر
يشهد التاريخ كم دسنا على روس الصعاب = كم وكم في معركة حطين والا في بدر
في سبيل أمجادنا ماهمنا طعن الحراب = كم نبيع ارواحنا لجل الكرامه والنصر
لاكن الماضي تحول ياكثيرين العتاب = الحقيقه واضحه بمقدم الفعل الودر
كيف ترضون المذله في قوانين المهاب = كيف يهتك للملا عرض العروبه يابشر
يافهد لا عاد تنشدني عن أسباب الغياب = خلني مابين طعناتي وحزني والسفر
وقعي يا باقي سنيني عقود الاغتراب = والله انه ما غفت عيني على كف السهر
من تصاريف الزمان الشين يالله الثواب = راضيه نفسي عن المكتوب في لوح القدر [/poem]



القصيده اطول ولاكن نكتفي ... نرجوا المعذره


علي بن معلي الدملوكي

رد: طرد السراب - طرح جدّي
 

الشاعر/ على معلي السلمي

صح لسانك وسلم بنانك والطيب عنوانك

قصيده عن قصائد تحكي واقع العرب المرير

و اختلافات وجهات نظرهم حول قضاياهم المصيريه

لقد اجدت وافدت وتالقت في المعنى والمبنى


فالك التوفيق و دمت ودام قلمك الرائع

تحياتي وتقديري

رد: طرد السراب - طرح جدّي
 

رد: طرد السراب - طرح جدّي
 

رد: طرد السراب - طرح جدّي
 

رد: طرد السراب - طرح جدّي
 

رد: طرد السراب - طرح جدّي
 

الشاعر / علي بن معلى الدملوكي

صح لسانك على القصيده الشامخه التي اخذت فيها ما اصاب الشرق الاوسط من مظاهرات ومشاكل دائره فيها ..

قصيده منبع فخر وشجاعه


تقبل اجمل التحايا

دمت ودام قلمك في طاعه الله