منتدى سليم - رب البيت حاميك

رب البيت حاميك
قصيدة للأستاذ مقبول مبارك العرابي 1-12-1435هـ
1- ياقبلة وقلعة الإسلام رب البيت حاميك = من ساير أعداك والحساد وأصحاب الضغينة
2- من كان بالله كان الله معه مافيه تشكيك = ومن كان لإبليس عبد أرداه.ذا شيْ خابرينه
3- ياقبلة وقلعة الإسلام بالأرواح نفديك = بالحال والمال ذاه أقل شيْ تستاهلينه
4- أبناك يا الغالية زأراتهم دونك تكفيك = والليث لا من زأر من هو يقرب من عرينه
5- وإن كان خبل(ن)بعد جاه النذر قرًب حواليك = لا والله إلا تعشته الأسود وحان حينه
6- ياكم عطينا العبر مير الخبر فات الصعاليك = نار(ن)ليا جا حطبها أصبح رماد لْحاطبينه
7- ياراس الإفعى ذنبك اللي حوالينا يباريك = إنتي وهو لو تحرك بإذن ربي قاطعينه
8- نحيا بعز ونموت بعز. عهد أسد(ن)يعديك = ما للدنس يا الدنس طمعات فالدار الزبينة
9- الدار جنة ونار ومن يبي هذي وهذيك = يختار واللي مع الله دايم إن الله يعينه
10- يادار أبو متعب الغالي جميع أبناك تغليك = والكل روحه بكفه دون عزك يا الحصينة