منتدى سليم - قصيدة المرجله للشاعر عبدالله الزعبي (( مقطع فيديو))

منتدى سليم (http://www.solaim.com/vb/index.php)

- منتدى صوتيات ومرئيات الشعر (http://www.solaim.com/vb/forumdisplay.php?f=35)

قصيدة المرجله للشاعر عبدالله الزعبي (( مقطع فيديو))

بسم الله الرحمن الرحيم

السلام عليكم ورحمة الله وبركاته

أخواني أعضاء المنتدى

بعد ماتلقيت طلبات من الأعضاء بشأن قصيدة المرجله للشاعر عبدالله الزعبي

حبيت أنزلها لكم فيديو + الكلمات

وأما باقي القصائد فهي في شريط المرجله للشاعر عبدالله الزعبي

(المرجلــــه)

يالله ياللي تفرض العسـر والليـن
باسمك يارب الناس تحمـي وطنـا
يامقدر الاقـدار بالزيـن والشيـن
في ظل عفـوك يرفـع الغـم عنـا
يالواحد اللي ماعلى يدينـك ايديـن
ياخالـق الثقليـن انسـأ وجـنـا
ياالمستعان اللي يصـف العناويـن
غنت هجوس الفكر والقلـب غنـا
المرجلـه صنعـه رجـالأ رزينيـن
بالمال معه الحـظ واحسـان ظنـا
فيه الصلاه اللي بها القلب والعيـن
من خشيه الرحمـن هـن يدمعنـا
والوصل وصل الرزق مافيه ثنتيـن
دينـأ علينـا نسـدده ويـن كنـا
والجار حقه فـي رفيـع الموازيـن
حقـأ علينـا نحفـظ الجـار حنـا
والضيف ضيف الله ورب الكريميـن
لاجاء يجـي لـه واجبـه ماتونـا
والرفقـه العليـا زبـاد ورياحيـن
اللي على وضـح النقـاء ماتدنـا
ترى النميمه من طبـاع الشريريـن
اضعـوف نفسـأ للمشاكـل تعنـا
تفرح اذا قالوا علـى فـلان هميـن
وتزعـل اذا قالـوا سعيـد وتهنـا
وراعي الحسد لو كان يملك ملايين
اتـزول لـو انهـا بروجـأ تبنـا
والكـبـر لله والاوادم مساكـيـن
وتـرى العواقـب منـه مايحمدنـا
والزله ليا جت من الربـع الادنيـن
ادمـح لهـم فالاولـه واستكـنـا
خلك مع ربعك وعـون الضعيفيـن
ومن شذ في النيران ماشـاف جنـا
وترى الردى راعيه يندم بعد حيـن
وان ماندم في دنيتـه مـا اطمئنـا
والحق شرع الله ترى الصبر به زين
يجيـك حقـك والمدايـح يجـنـا
والصدق يرقى بالرجـال الوفييـن
والكـذب ينـزل كلـمـا يعتلـنـا
واذا لفى اللي عاسرٍ فقـر او ديـن
جزل العطايـا واحتسـب اجرهنـا
خير العطا بالسر والنـاس لاهيـن
والمعطـي الله لاعطـى مايمـنـا
والتجربه قد قيـل خيـر البراهيـن
ولو لا العبـر ماكـان حنـا فطنـا

من هــــنـــا تحميل المقطع

ياليت تسمعونها كامله لأنها مقسومه أربع أقسام على النحو التالي:-

قصيده ثم إنشاد ثم قصيده ثم إنشاد

أتمنى أن أكون أرضيتكم يآرب

أخوكم: عبدالله الزعبي