يارعد الشمال
رعد الشمال
قصيدة للأستاذ مقبول مبارك العرابي 5-5-1437هـ 1- إيه يارعد الشمال اضرب بكف(ن)من حديد = اضرب الارهاب وأسياده ومن ياقف معه 2- تاجر الأقزام بالاسلام وإبليس المريد = استغل الوضع وأخفى في حماهم مطمعه 3- امتطاهم واتخذ منهم لمشروعه عبيد = وكل مجرم ريس الاجرام حوله جمعه 4- وزمرة الاجرام من إجرامهم شاب الوليد = نارهم فالأبريا في كل صوب مولعة 5- وما حصل فالشام غير وكل يوم(ن)في مزيد = القبور تجظ والملهوف ما حد يسمعه 6- استباح الدار وأهل الدار بالباس الشديد = زمرة الإجرام والإرهاب مع كل امعه 7- وبعد طفح الكيل والتحذير عيا لا يفيد = فز للميقاف حر العز يبرى مطلعه 8- قال سلمان الفخر ما للحديد الا الحديد = مايفيد الطيب فالمكار مهما تقنعه 9- فز سلمان الفخر بالحزم والسيف الحديد = وفزوا الأحرار حوله ساع ما أشر باصبعه 10- إيه حنا المسلمين بحق والله مانحيد = عن كتاب الله ومن يقرب حمانا نردعه 11- كم صبرنا وانتظرنا العدل والراي السديد = مالقينا من على أشلانا تكدر مضجعه 12- إيه يارعد الشمال اضرب بكف(ن)من حديد = رد شيْ من عزنا واكشف جميع الأقنعة |
رد: يارعد الشمال
ياسلام صح لسانك ي مقبول العرابي الله ينصر الإسلام ويحفظ لنا قادتنا وأمننا
|
رد: يارعد الشمال
صح لسانك يالعرابي
لا عدمناك |
رد: يارعد الشمال
https://imagizer.imageshack.com/img921/8398/659A1N.jpg
صح الله لسآنك |
الساعة الآن 08:40 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
كل الآراء المنشورة ( مواضيع ومشاركات ) تمثل رأي كاتبها و لا تعبر بالضرورة عن رأي القائمين على الموقع