منتدى سليم - ( طال المبيت ) من روائع عبدالخالق

[poem=font="traditional arabic,6,darkred,normal,normal" bkcolor="transparent" bkimage="" border="solid,1,darkred" type=0 line=1 align=center use=ex num="0,black"]
من بعد ماهوّد مـن الليـل ثلثيـن=دن الخفـوق وبيـر عينـي رويّـة
دنّه كما نجـرٍ بـه البـن شكليـن=قاع الهونـد البـن تسمـع حطيّـه
وابري حالي يامـلا يـوم الاثنيـن=جتني هجوسـي تلعـب السامريّـة
في حينها وقّع على رمشـي البيـن=لا ياغـراب البيـن وخّـر شويّـة
لاتمتحنـي نعنبـو فالـك الشـيـن=ماهـي بعيـدة دنــة الهاشمـيّـة
اخذت لي مع سجة الفكر شوطيـن=واطرا علي اللي رضي بالخطيّـة
ياهالعرب وش لون ضاعت فلسطين=عـام الثمانـي واربعيـن الرزيّـة
القدس راحت بين الاقصى والادنين=طاحت مثل ماطاح جـال الركيّـة
لاوين في غبر المشاريـه ماشيـن=والقدس تلعب بـه حتـوف المنيّـة
بينه وبين المـوت قفلـة وشبريـن=ومالـه علـى رد العـدو مقدريّـة
ستين عامٍ والغني ماقضـى الديـن=يامصـبـر الـدّيـان ياسامعـيّـة
وانتم على الشرهات ومقابل الزيـن=والقوم تنهـش فاللحـوم الغضيّـة
في ردهة الرمان والخوخ والتيـن=قومية الاعـراب راحـت ضحيّـة
رقابنا تمشـي علـى حـد سكيـن=ياللـي تلحفهـا تـراهـا جلـيّـة
وياهالعرب لبنان لبنان مـع ميـن؟=ياللي تركتوتها تحـت نـاب حيّـة
والا العراق اللي بلي عام الالفيـن=سنـة وشيعـة بينـهـم مهمهـيّـة
بعد العشا في مجلسي شفت بنتيـن=شقن ثياب الستر والشمـس حيّـة
وحدة تصيح تقول يانـاس لاويـن=متى تخضـب مـن دماهـم يديّـة
يحق لك يابنـت الاجـواد تبكيـن=جـودي بدمـع اليـاس يالراعبيّـة
والثانية تنطق عن شفاههـا العيـن=ضاعت حميتنـا ومـا مـن حميّـة
في (عينها اليمنى) تذكّرت حطيـن=تنخى صلاح الديـن راع الحميّـة
في (عينها اليسرى) قهر ظلم طاغين=من بعد صـارت فالديـار اجنبيّـة
قمت اتوجد وانكسر فـي ضلعيـن=واونست فـي قلبـي ثمانيـن كيّـة
صليت وتري تالي الليـل وتريـن=وفكري غدابي بين روحـة وجيّـة
الحـق بيّـن والدعـاوي موازيـن=وش حليتك ياللـي شنتـك الدعيّـة
عندي سؤال ومن يجاوب على سين=ويعطينـي الزبـدة بـلا شربكيّـة
الى متى حنا بـدل صـف صفيـن=والى متى حنا تحـت نـاب سيّـة
والى متى نصبر وللصبـر بابيـن=واحقادنا طيـة تحـت جـال طيّـة
الى متـى بالقبـر ندفـن شهيديـن=ضاقت علينا الارض ظهر وخفّيـة
متى نرد الصـاع للظلـم صاعيـن=متـى نورّدهـم حيـاض المنـيّـة
اوضاعنـا تحتـاج وقفـة وتقنيـن=ماهي سوالـف جمعـة الشاذليّـة
ماراح بالقـوة ماياتـي بـه الليـن=والطيب مـا ينفـع مـع العنجهيّـة
قوميـة الاعـراب ياليـل ياعيـن=ماظنهـا تقـدر تجـهّـز سـريّـة
طال المبيت ويومنـا صـار ليليـن=ماعـاد بـه شمـسٍ ولاعـاد فيّـه [/poem]