منتدى سليم

منتدى سليم (http://www.solaim.com/vb/index.php)
-   دواوين شعراء بني سليم (http://www.solaim.com/vb/forumdisplay.php?f=75)
-   -   ديوان عبدالرحمن العطاوي (http://www.solaim.com/vb/showthread.php?t=24502)

عبدالرحمن العطاوي 03-07-2010 01:19 AM

ديوان عبدالرحمن العطاوي
 
لم يكن الشعر في حياتي إلا متنفسًا ألجأ إليه كلما مللت من ضغوط الحياة

ولم أكن اعتقد انني سأكتب بيتا واحدا رغم أن قلبي كان يتحرك مع الشعر المفعم عذوبة والراقص لحنا ..


واليوم ها أنا أنقل لكم ما أملانيه ذلك القلب الرهيف , ولو لم يكن كما تحبون لكنه هو هكذا كما يحب قلبي . . .

فاعذروني وتقبلوا تحياتي مع كل خربشاتي

عبدالرحمن العطاوي 03-07-2010 01:54 PM

رد: ديوان عبدالرحمن العطاوي
 
http://www.bbc.co.uk/arabic/specials...32249_last.jpg





[poem=font="Times New Roman,6,black,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]
ياحمامة مع هديلك ترجع الذكرى القديمـة= واذكر ايـام الشقـاوة والنقاوة والطفولـة
يومها كنا نعيـش الصـدق والنيـة سليمـة=قبل يبنى للتحاسد في قلوب النـاس دولـه
لكن اليـوم انهزمنـا وارتضينـا بالهزيمـة =ارتضينـا بالهزيمـة ماسعينـا للبطـولـة
اختلفنا بالنوايـا صـار ابـو نيـة بهيمـة=من صفى للناس قلبه احقروه ولا صفولـه
والرجل من دون قرشه قيل رجل بدون قيمة= والردي لن زاد ماله قيل نعم(ن) بالرجولـه
التجـارب علمتنـا وكـل دقـة بتعليـمـة=الحسد بين الرفاقه يقطـع حبـال الحمولـة
من نشر بين الاقارب هرج غيبة مع نميمـة=مثل حية ينشر السم بالكـلام اللـي يقولـه
اتهمنا ذا الزمان وكـل تهمـه لـه ظليمـة=الزمن مثل البعير اللي ثقيلاتن حمولـه
آآه منك ياحمامة وينهـا الذكـرى القديمـة=وينها ايـام الشقاوة والنقـاوة والطفولـة
[/poem]

عبدالرحمن العطاوي 03-11-2010 03:31 PM

رد: ديوان عبدالرحمن العطاوي
 
http://a52.g.akamaitech.net/f/52/827...leiades_04.jpg





((( سكون الليـل )))


[poem=font=",6,blue,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""] سكون الليـل يغتالـه خيالـك يـا أمـل عمـري=وبعدك ليل ماله فجـر , وليلـي ينتظـر فجـرك
يطول الليل ولا أدري متى يخضع تحـت امـري=سألت الحزن كم عمرك وجاوبنـي مثـل عمـرك
تعبت امن الحزن والليـل ولحافـن غـدا قبـري= تعبت اسهر على طيفك تعبت اصبر على هجـرك
سجنت الشوق في صدري ومل الشوق من صدري=زبن صدري على صبري واثر صبري نفذ بامرك
امانة طالبـك تكفيـن تعالـي واجبـري كسـري=تعالي وانشري مدك تـرى مليـت مـن جـزرك
امانـة طالبـك سوقـي هماليلـك علـى قفـري=وهلي فيضك الصافي يغيـث اللـي شكـا دهـرك [/poem]

عبدالرحمن العطاوي 03-15-2010 03:22 PM

رد: ديوان عبدالرحمن العطاوي
 
قالت حبيبي وش كثر مشتاق لي؟
كثر النجوم او كثر حبات الرمل؟!

قلت السؤال بحد ذاتـه راق لـي
بس الإجابة مستحيل انْها تحل!!

لو قمت اعدد كل نجـمٍ واق لـي
كان انتهي والشوق باقي لم يـزل

كل الصحاري طفتها وش باقي لي
قدام شوقي كـل صحـرا تضمحـل

شوقي تعدا كل رقـم انسـاق لـي
مافيه قلبٍ كثـر شوقـي يحتمـل

قالت حبيبي كثـر ماتشتـاق لـي
اشتاقلك وازود منْه ماهـو باقـل

عبدالرحمن العطاوي 03-24-2010 01:23 AM

رد: ديوان عبدالرحمن العطاوي
 
( ثورة اشواقي )



كذا هي ثورة اشواقي
تجـي فجـأة بـلا ميعـاد
تجـي وتبعـثـر اوراقــي
وتعـلـن للـحـزن مـيـلاد
كذا هي تحكم وثاقـي
وتكتب لي جروح جداد
اسج بفكـري وساقـي
ادور لـلـجـروح ضــمــاد
ادور داخـــل اعـمـاقـي
وادور مــن بـلـد لـبــلاد
انـا عطشـان ياساقـي
ولابــه غيـركـم مـيــراد
عيونك تـروي احداقـي
وصوتك يسقي المرتاد
تعـال وروض اشـواقـي
ابعـلـن للـفـرح مـيـعـاد

عبدالرحمن العطاوي 03-28-2010 12:51 PM

رد: ديوان عبدالرحمن العطاوي
 
http://www.dardasha.ps/photopost/data/567/moon14.jpg




شفتي وشلون القمر في ذا المسا

شفتي نوره كيف بدد هالظلام

انتي مثله نوري بليل الأسى
تبهجين العمر يا بدر التمام

كل همن دامك بجنبي يخسا
وكل حظن في وجودك لي قام

يابعد هالكون وقتي لى قسا

ذوبيه ببسمة هيام وغرام

عبدالرحمن العطاوي 04-09-2010 03:58 PM

رد: ديوان عبدالرحمن العطاوي
 
من أشد الطعنات ألمًا أن تشتاق ثم تشتاق ثم تشتاق ,, ثم تطعن بسؤال كهذا !!


يعني قصدك ضاعت اشواقي سدى ........ تسألـيـنـي لــيــه قـلـبــك مـايـحــن !!
مـــــا لـمـحـتــي حـالــتــي زادت ردا ........ مـــاسـألـتــي لــيــش أنـفـاســي تــــون


والشحـوب اللـي علـى وجهـي بــدا ........ العـيـون الـلـي غــدت مـثـل الـمـزن

والأنيـن الـلـي سمعـتـي لــه صــدى ........ والـقـصـيـد الــلــي مـلـيـتـه بـالـحــزن

والـمـسـافـات الـبـعـيــدات الــمـــدى ........ لــيــه لا جــيــت نـتـقـابـل يـقــصــرن
ليـه اجيـب الـكـون كـلـه لــك فــدا........ وان طلبتـي شـي جبتـه بــاي ثـمـن

يـــا غـلاتــي كـــان قـلـبــك مــاصــدا ........ كــان قلـبـك داخـلــه حـبــي مـكــن

لاتـعـيـدي هـالـسـؤال الـلــي غــــدا ........ مـثـل خنـجـر يطـعـن بقلـبـي طـعــن


عبدالرحمن العطاوي 04-21-2010 12:56 AM

رد: ديوان عبدالرحمن العطاوي
 
http://www.htoof.com/up/uploads/imag...a4f57bb03f.jpg




[poem=font="traditional arabic,7,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
انا قلبي تعلق في ثلاث اشيا وابلشني=الاول مالكم به خص وانا ماودي اقوله
وثانيها اخاف اكشف عن اسمه ثم يطفشني=اخاف الكبر يدخل راسه وللكبر مفعوله
وثالثها ابقوله قبل لا احد يطنشني=هذاك اللي ماشفته غير فـ (مباراه منقوله)
فريقن يلعب بتكتيك ولعبه دوم يدهشني=كتب في صفحة التاريخ مجدن محدن يطوله
جماهيره ليا غنت يقول الخصم تربشني=جماهير الشعاع اللي تهز الملعب بطوله
فريق يكسب بلعبه مهو من قوم غششني=مهو مثل اللي يصنع مجده بحكام مخذوله
هذاك النصر في حبه مابي احدن يناقشني=احبه كيف ما أدري احبه مدري وشهوله
[/poem]

عبدالرحمن العطاوي 04-25-2010 05:25 PM

رد: ديوان عبدالرحمن العطاوي
 
آهات خرجت مني أبياتا أتمنى أن ترقى لذوائقكم




ظلام وبرد ونــارن ماتدفيـنـي
**********وقلبن بـه مشاعـر حيـل عطشانـه


عجزت ادفى واسكّن رعشـة يدينـي
**********اشب الضـو واحـس النـار بردانـه


رحمني طيـف خلـي والتفـت فينـي
**********دعانـي للدفـا فـي جنـة احضانـه


قبل لا اقـوم وقبـل ادفـاه يحوينـي
**********نسيـب البـرد ورجفاتـه ونيـرانـه



قبـل لا اقـوم قـام الحلـم يغرينـي
**********سقيت احـلام كانـت حيـل ذبلانـه


وجيت اقوم .. وغاب الطيف عن عيني
**********ومات الحلـم وهـو مافتّـح اعيانـه


وطاح الدمـع وطفّـا نـار تضوينـي
**********وشبـت نـار فـي قلبـي وشريانـه


ابـي لحظـه دفـا وحـده وتكفينـي
**********ابـي لمسـت وفـا بيديـن ولهـانـه


ظلام وبرد ونــارن ماتدفيـنـي
********** ولا قلبـن بـه الاشـواق عطشـانـه


وسلامتكم ــ
</b></i>

عبدالرحمن العطاوي 04-29-2010 12:25 AM

رد: ديوان عبدالرحمن العطاوي
 
كل على همه يشيل المواويل
___________ وكلن ليا غنى تبيح سدوده
احدن تعلق بالرموش المظاليل
___________ دمعه على ماقيل مغرق خدوده
واحدن قصيده فيه هم وغرابيل
___________ يشكي من اطعون الزمان وجحوده
واحدن لقاله فالمطايا تعاليل
___________ يوصف خصايلها ويفخر بذوده
واحدن قصيده فالرجال المشاكيل
___________ يمدح فعايلهم ويرقى سنوده
واحدن قصيده خالط القال والقيل
___________ نار الحسد يم الردية تقوده
هذي حوال الشعر واهله بتفصيل
___________ يقولها اللي ماتجاوز حدوده


الساعة الآن 08:59 PM.

Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
كل الآراء المنشورة ( مواضيع ومشاركات ) تمثل رأي كاتبها و لا تعبر بالضرورة عن رأي القائمين على الموقع



دعم وتطوير استضافة تعاون