منتدى سليم - مكر الاقارب

منتدى سليم (http://www.solaim.com/vb/index.php)

- ميدان الشعر الشعبي (http://www.solaim.com/vb/forumdisplay.php?f=68)

- - مكر الاقارب (http://www.solaim.com/vb/showthread.php?t=46449)

مكر الاقارب

الي يبيعك .. لا قضى حاجته منك
بيعه .. عسى يفداك يا صاح.. بيعه

الي ليا زانت .. معه ..ابتعــد عنك
وشلون صيـفـه .. لا غـدربك ربيـعه

ياكم ناس(ن) تبتسم لك ..وتلعنك
اهل المكر .. واهل البلا والخديعه

مكر الاقارب ياعرب .. قمة الضـنك
والا البعيد ..اشوى ..تخف الفجيعه

لن البعيد ان هو نوى لو نوى الفنك
اقـدر ..ارد الي صنـع .. مـن صـنيـعه

لكن قريب الناس .. لن طاح يحزنك
قتله رخـامه .. وان تركـته .. شنيعـه

ماني بماكر .. لن نويتك .. ابا اعلنك
لن المكر .. عـادة ضعـاف الـوسيعـه

رد: مكر الاقارب

اشكر اطرائك الراقي على ماكتبت .. نعم هم مأسآة الزمان ..

دمت بحفظ المولى ..

رد: مكر الاقارب

جميلة وراقية من شاعر انا معجب بشعره الهادف

وجمال افكاره

ونامل التفاعل مع قصايد الشعراء

لان الرد والتفاعل في مصلحة الشاعر

تقديري واحترامي

رد: مكر الاقارب

مشعل عوض

صح لسانك ابيات تحكي بعض

السلبيات في المجتمع وخصوصا

الاقارب والواجب على الشعراء

والمفكرين معالجة هذه السلبيات

على ضو الكتاب والسنه واقوال السلف الصالح

وتركها تنتشر في المجتمع هو اكبر خطاء

رد: مكر الاقارب

اقتباس:

المشاركة الأصلية كتبت بواسطة مشعل عوض المريني (المشاركة 371380)

الاخ الشاعر \ مشعل المريني

صح لسانك على هذه القصيده

الجزله في معناها ومبناها

قصيده تحكي واقع ملموس

الله يصلح الحال والله يعين

سلمت وسلم منطوقك

رد: مكر الاقارب

استاذي عبد الله العطافي .. شاكر لك امتداحك ورقي كلماتك .. والرد على قصائد الشعراء الاخرين ضمن اهدافي .. لك مودتي ..

الاخ عبد الرجمن المبطي .. صح بدنك .. اشكر لك تفاعلك لما كتبت .. تقبل احترامي..

الشاعر حمدان بن مقحص الشكري .. رعاك المولى وصح بدنك يا غالي .. لك جل احترامي ..

دمتم في الف خير ...