~~~ ... الــــحــــــياة كــــــفـــــــاح ...~~~
 

السلام عليكم ورحمة الله وبركاته

إليـكم مع التحيـة ,,

( الـــحــــيـــاة كــــفـــاح)

متواضعة جديدة , أتمنى أن تنال رضاكم واستحسانكم ,

[poem=font=",7,darkblue,normal,normal" bkcolor="transparent" bkimage="" border="none,4," type=3 line=0 align=center use=ex num="0,black""]


الطلب غالي وجزل الشعر من حرفي سراجه=والشكر لهل الوفا اللي بالمواقف شجعتني
خافقي يذكر هل المعروف ويزيد ابتهاجه=الصداقه والعلاقه مع هل الطيب اسعدتني
والتسامح والتواضع عند لحظات المواجه=والأماني مهرها غالي وغصباً صافحتني
اعتبر كسر الخواطر يشبه لكسر الزجاجه=ونظرة الرجل الحكيم بفضل ربي ماعصتني
علمتني صنعة الحداد والنجار حاجه=قبلهاكن التجارب يافهدماعلمتني
شوف يانواف عمك عاقل ويعرف خراجه=العماره جننت غيري وانا ماجننتني
ابتسم لمقاول المبنى ولا اعكرمزاجه=وانصحه واوجهه لوشفت حاجه ضايقتني
والله ان حالي مثل جندي بيد مجرم خواجه=اتلطف واتودد واللغه ماساعدتني
والمترجم فارسي هرجه سماجه في سماجه=مستحيل اكلمه لو المنيه داهمتني
الحياه كفاح بعد الصبر لابد انفراجه=والصلاه ودعوة امي باذن ربي منجيتني
ادري ان الظل الاعوج من غصن فيه انعواجه=وادري ان اهل الحسد عدوان لي لو امدحتني
فرق شاسع بين فرخ الصقر وفروخ الدجاجه=المسمى فرخ والاوصاف في الصقر اذهلتني
نعرف العد القراح ونعرف عدود الهماجه=والحمول الكايده من ثقلها ماكَلْ متني
ماطلبت الناس حاجه لوعقد وقتي حجاجه=القناعه كنز وانا رحمة الله واسعتني
اجتهادات البخاري واجتهادات ابن ماجه=خلدتهم ليت لي ياعناد حسنه خلدتني
الطلب غالي وجزل الشعر من حرفي سراجه= والأماني مهرها غالي وغصباً صافحتني


[/poem]

ودي وتقديري

دمتم بكل الحب في حفظ الرحمن

رد: ~~~ ... الــــحــــــياة كــــــفـــــــاح ...~~~
 

الشاعر القدير والاديب

هلال الشعر

صح لسانك ونبظك

الطلب غالي وجزل الشعر من حرفـي سراجـه
والشكـر لهـل الوفـا اللـي بالمواقـف شجعتـنـي
خافقـي يـذكـر هــل المـعـروف ويـزيـد ابتهـاجـه
الصداقـه والعلاقـه مـع هـل الطيـب اسعدتـنـي

شكرا لمن استهاض قريحة شاعرنا المبدع حتى اكرمنا بهذه الدرر المطرزه بالزبرجد والياقوت
شاعر لك من الابيات ما يجعلك مدرسه مستقله بذاتها

والتسـامـح والتـواضـع عـنـد لحـظـات الـمـواجـه
والأمانـي مهرهـا غـالـي وغصـبـاً صافحتـنـي
اعتبـر كسـر الخواطـر يشبـه لكـسـر الزجـاجـه
ونظرة الرجل الحكيم بفضـل ربـي ماعصتنـي

من طبعك التسامح والتواضع ايها الشاعر والاديب الخلوق وانت راعي المواقف وصاحب
الايادي البيضاء

علمـتـنـي صـنـعـة الـحــداد والـنـجــار حــاجــه
قـبـلــهــاكــن الــتـــجـــارب يـافـهـدمـاعـلـمـتـنـي
شـوف يـانـواف عـمـك عـاقـل ويـعـرف خـراجـه
الـعـمـاره جـنـنــت غــيــري وانــــا ماجنـنـتـنـي
ابـتــســم لـمــقــاول الـمـبـنــى ولا اعـكـرمــزاجــه
وانصحـه واوجـهـه لوشـفـت حـاجـه ضايقتـنـي
والله ان حالي مثـل جنـدي بيـد مجـرم خواجـه
اتـلــطــف واتــــــودد والــلــغــه مـاسـاعـدتـنــي

نسئل الله لك التوفيق في التعمير الجديد وجعله الله من بيوت السعاده ورزقك بقصر من العاج
في الفردوس الاعلى

ايها الشاعر المبدع لا نستطيع ان نعلق على هذه المعلقه التي جمعت العديد من تجارب الحياة
في عقد لؤلو

ما نقول الا بيض الله وجهك لقد نورت صفحة الشعر الشعبي بهذه الباذخه

تقبل مروري وتقديدري

ولك من ارق التحايا

رد: ~~~ ... الــــحــــــياة كــــــفـــــــاح ...~~~
 

الله الله على هذي الدرر الثمينه يا شاعر هليل صح لسانك وبيض الله وجهك قصيده حاكت واقع ومعاناه وتجارب الله يعطيك الصحه والعافيه ويعينك على العمران وعمالته تيسر يابو عناد الله يسهلك طبت سالم

رد: ~~~ ... الــــحــــــياة كــــــفـــــــاح ...~~~
 

حجز درجة ممتازة لحين العودة ان شاء الله

رد: ~~~ ... الــــحــــــياة كــــــفـــــــاح ...~~~
 

نــعــرف الــعــد الــقــراح ونــعــرف عـــــدود الـهـمـاجــه
والــحــمـــول الــكــايـــده مـــــــن ثـقــلــهــا مـــاكَــــلْ مــتـــنـــي


الله عليك يا استاذ هليل شاعر مذهل في قصايدك تغيب وتاتي بواحده ذهبيه ماتصعب عليك كتابه النص الجميل مبروك العماره منزل الهناء واعانك الله على المقاول وطلباته والبركه في عناد ان شاء الله

قصيده جزله ابداع في ابياتها والصياغه الرائعه اسجل اعجابي

دمت وادام قلمك في طاعه الله

رد: ~~~ ... الــــحــــــياة كــــــفـــــــاح ...~~~
 

نعـرف الــعــد الــقــراح ونــعــرف عـــــدود الـهـمـاجــه
والــحــمـــول الــكــايـــده مـــــــن ثـقــلــهــا مـــاكَــــلْ مــتـــنـــي

والنعم فيك يابو عناد وبيض الله وجهك

شاعر متمكن ومتمرس دائما ما يطربنا بنثر الابداع والجمال

صح الله لسانك ملايين

رد: ~~~ ... الــــحــــــياة كــــــفـــــــاح ...~~~
 

ابوعناد صح لسانك على هذه القصيدة التي ابدعت في نظمها واعتقد من وجهه نظري إن مازاد من جمالها وقوةابياتهاهوالموقف الذي يقف به الشاعر ويصف معاناته مع المقاول والمترجم .
اخيراً
اقول لابوعناد اعانك الله توك في البداية سوف تحتاج لمترجمين واجد.
دمت بحفظ الرحمن

رد: ~~~ ... الــــحــــــياة كــــــفـــــــاح ...~~~
 

الله الله عليك ابا عناد , صح لسانك وسلمت يدك ورفع الله قدركـ ..

دائماً لك نهجك الخاص وآسلوبك المميز , واعانك الله فيما انت فيه ..

تحيتيـ ..

رد: ~~~ ... الــــحــــــياة كــــــفـــــــاح ...~~~
 

رد: ~~~ ... الــــحــــــياة كــــــفـــــــاح ...~~~
 

الاخ الشاعروالمشرف \ هليل العطافي



صح لسانك على هذه القصيده المعبره عن


المعاناه مع التعمير ونشكر من استنهض


مشاعرك الشعريه سلمت وسلم منطوقك