منتدى سليم - هذي حياتك..وانت حر بحياتك

منتدى سليم (http://www.solaim.com/vb/index.php)

- منتدى القصائد المنقولة (http://www.solaim.com/vb/forumdisplay.php?f=82)

- - هذي حياتك..وانت حر بحياتك (http://www.solaim.com/vb/showthread.php?t=34573)

هذي حياتك..وانت حر بحياتك

لـــِ مُحبيْن ثآمْر شَبِيْب .قصْيدَه للشْآعَر ثآمْر شَبِيْب

ـ

http://www.solaim.net/up//uploads/im...0a8b6da9d5.jpg

لحظه قبل لا تطلب البعد و تغيب
وتنهي معايّه مرحله من حياتك

أخذ الهدايا و الصور و المكاتيب
دامي خسرتك ما أبي ذكرياتك

يمكن يكون فراقنا رأي ٍ مصيب
خيره .. كتبها الله جتني و جاتك

مع اني ادري انت ما عنك تجنيب
كنك موصيني و قاضب و صاتك

رح و اترك بـ قلبي لك أربع معازيب
معزتك /طاريك /حبك /غلاتك

و إن شفتني أجمع شتاتي .. ماهو عيب
باكر مع الأيام تجمع شتاتك

و إن شفتني شايل جروح ٍ معاطيب
باكر يصير الجرح أبرز صفاتك

أكبر مصيبه في زمان العذاريب
إنّي أحبك و أنت حبك لـ ذاتك

الطيب لو إنك تجازيه بالطيب
ماكان تالي الوقت هذي سواتك

يا صاحبي لا صرت أغلى الأصاحيب
لا تزعل بكيفك و تطلب رضاتك

أنا حبيبك مبعد الشوح مانيب
من ضيّع جهاته .. يدور جهاتك

إن كان ماعديت روس المراقيب
ماني كفو أصلاً أنام فــ عباتك !!

شفني مقدر عند عكف الأشانيب
مانيب من تومي عليه بعصاتك

رح للفراق إللي تركنا مصاويب
شمّت اعداتي قبل تشمّت أعداتك

الله معك .. رح وين ماودك تغيب
هذي حياتك .. وأنت حر بحياتك