منتدى سليم - محمود و شوك الجنينة

منتدى سليم (http://www.solaim.com/vb/index.php)

- ميدان الشعر الشعبي (http://www.solaim.com/vb/forumdisplay.php?f=68)

- - محمود و شوك الجنينة (http://www.solaim.com/vb/showthread.php?t=49163)

محمود و شوك الجنينة

قصيدة الشاعر / عايض العتيبي

http://www.solaim.com/vb/showthread....884#post388884

وهذه مجاراتي لقصيدة عايض

إيه نذكر من يقول الشعر وأهدانا ثمينه

ميّزه وأغلاه واقبل به على صهوة جواه

شاعرٍ ما يكتب إلا الجزل حنا عارفينه
صاحب الإبداع راع الجزل عندي له شهادة

والله انه ما يجيب الا الفريدة والسمينة
وشاعرٍ مثله متى ما راد في رأسه إرادة

صح فكره صحت ابدأنه وتسلم لي يميته
وبيض الله وجه من يكتب بتفكير وركاده

ويحفظ الله من على القول الثمين معودينه
والله ان الجود لأهل الجود وان الطيب عاده

وليت حلمه ينتشل محمود من شوك القنينة
ثم يسقْ العير فأقصى ضيعته فنجان سادة

والرؤى مرت ولا بقت على قلبي سكينه
مؤلمه للقلب وادناها مثل خرط القتاده

ايه ياعايض نبشت الجرح ياكبر الغبينة
مصرنا والشام وإطراف اليمن حرب وقرادة

ليت رؤيانا حقيقة ليت وحدتنا متينة
ليت محمود اتّعظ ثم اتّعظ عمه حمادة

ليت نظرتنا بعيدة ليت فكرتنا فطينه
كان ما شفنا على السنة حروب بلا هوادة

مالنا غير الرؤى والذكريات المستكينة
ما استفدنا من دروس الوقت لو ربع استفادة

وحلمنا اللي تذكره مديون والرحلة مدينه
لين صار الحلم حِمل وصارت ديونه قلادة

ماتوا اعمامه على ما اظن والعمة لعينة
والسفينة ما أشتراها العام شاحذها شحادة

و حقنا نحلم ولو أحلامنا صارت بدينة
لين نصحى من لذيذ النوم وأحلام السعادة

عبد الله العطافي

رد: محمود و شوك الجنينة

صح لسان الشاعر عايض العتيبي وصح لسانك يابو عادل قصيده رائعه من الشاعر عايض وهادفة المعنى ومجاراه في رد رائع سلمتما على هذا الإبداع وتقبلا تحياتي

رد: محمود و شوك الجنينة

وحلمنا اللي تذكره مديون والرحلة مدينه
لين صار الحلم حِمل وصارت ديونه قلادة

ماتوا اعمامه على ما اظن والعمة لعينة
والسفينة ما أشتراها العام شاحذها شحادة

الله الله مجاراه من الشاعر المبدع دائماا عبد الله العطافي كبير ي ابو عادل ابيات رائعه
ابدعت في صياغتها صح لسانك على ماكتبت وصح لسان الشاعر العتيبي عايض على ابياته

دمت ودام قلمك في طاعه الله

رد: محمود و شوك الجنينة

ايه ياعايض نبشت الجرح ياكبر الغبينة
مصرنا والشام وإطراف اليمن حرب وقرادة

إبداع ماشاء الله تبارك الله صح لسانك ابا عادل على هذه المجاراة .

وصح لسان الشاعر / عايض العتيبي .

رد: محمود و شوك الجنينة

صحت الالسن ,,

رد: محمود و شوك الجنينة

الاخ الشاعر / عبدالله العطافي

صح لسانك وصح لسان الشاعر العتيبي

قصايد جزله بل في منتهى الجزاله

رائعه رائعه بحق معنا ومبنا

بيض الله وجيهكم وسلم منطوقكم

ابداع ابداع

رد: محمود و شوك الجنينة

صح لسانك مليووون ومايكفووووون وسلم بنانك والإبداع دائمآعنوانك