بوش .. طاح مخروش !
السلام عليكم والرحمه
معبره عن نفسها ، مع التحيه والمحبه :) [poem=font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] الصبر نكبه لـ الاراضي والصدور=يا صبر الارض اللي عليها الابن بوش جت به وجاء بالشر في ثوب الغرور=سرق نهب قتل وحاش الظلم حوش الزور عنده صدق عكس الصدق زور=دبايره تاخذ لها فالشر غوش راح العراق احزاب واغراب وقبور=تمزّعت دوله تحت حشد الجيوش يا بوش اسمك بوش في شتى الامور=لـ أنك مبوّش ولو انك بشوش تصدر قرارتك تحت وطء الخمور=وتموش من سيجارة التدمير موش عصرك ابد ماهو مثل كل العصور=عصرك مثل فكرك مشتت ومغشوش تعايش ايامك دبورٍ في دبور=وتدور في صامولة النكبات بوش تبي المكاسب مير ما انته بمعذور=ضاعت قروشك مع مضيّعة القروش وأن ثار شعبك ما ورى شعبك سرور=الضيق متبيّن ولا هو بمخشوش سلم لـ اوباما وقله لا تكور=ترى التكوّر ينتف احيان الرموش واليا نتف رمشك ولحّقتك الدهور=خلك دمقراطي وحاول لا تشوش ما ضيّع العالم سوى كثر الفجور=واللي على دربه يمدون الطروش العالم اللي بين عمي وبين عور=اللي يحدرون الفروش اْمن الفروش ما عندهم غالي سوى حب الظهور=والكذب فالشاشه عبر صحن الدشوش يا مصوّر الموقف توقف لا تثور=صوّر لنا الموقف بلا ظل ورتوش واضبط كميراتك على روس الحضور=راس الظبي في تالي الوقت معروش المالكي جسرٍ على الشر معبور=والبوش بوّش بعد ما طاح امخروش جاته سريعه لا فلوس ولا زهور=يا بوش ما تقدر تصد ولا تهوش صبرٍ على شرواك جزمه لـ الصبور=تستاهل الجزمه على راسك يا بوش[/poem] وسلامتكـم ، |
رد: بوش .. طاح مخروش !
\7
|
رد: بوش .. طاح مخروش !
الله الله عليك يابومنصور مبدع دائمآ
صح لسانك وأعتلى شأنك تقبل مروري |
رد: بوش .. طاح مخروش !
\7
|
رد: بوش .. طاح مخروش !
سلـم لاوبامـا وقلـه لا تـكـور ** ترى التكوّر ينتف احيـان الرمـوش
هههههههههه والله نهايه حزينه لبوش بعد الهياط الأول مشكور وصح لسانك يامشخص |
رد: بوش .. طاح مخروش !
مشخص الســـــلمي ,,
صح لسانك يالعزوهـ والله ونعم الابيات صح لسانك من شروق الشمس لمغربها ويستاهل هالخنزير ماجاهـ واكثر من كذا اسمحلي ان اصفق لك بحرارهـ على هالجبليه الشامخه ,, |
رد: بوش .. طاح مخروش !
صح لساااانك ياشاعرنا العزيز
قصيده راائعه جداً ويستاهل الجزمه هي فاله وعقاله دمت بصحه وعافيه |
رد: بوش .. طاح مخروش !
بن عضيب
عبدالعزيز الوريكاني مرحبابك وحيّاك الله شرفتني بمرورك العذب سلمت ولاهنت يا الغالي :) |
رد: بوش .. طاح مخروش !
فواز الدملوكي
مرحبابك وحيّاك الله يا بوعتقان غالي ومرورك غالي / لا خليت منك أي والله صح بدنك يا بعدي محبه وتحيه لسمو جنابك :) |
رد: بوش .. طاح مخروش !
عزالله انها قصيده
تذكرني باغنية جبتها عالجرح بيض الله وجهك بياض يشيع ويطلع مع كل ريع ويعطيك العافيه قصيده في منتهى الروعه من هنا صقر النوادر |
الساعة الآن 06:40 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
كل الآراء المنشورة ( مواضيع ومشاركات ) تمثل رأي كاتبها و لا تعبر بالضرورة عن رأي القائمين على الموقع