منتدى سليم - خذني معك / الشاعر محمد العسكر

منتدى سليم (http://www.solaim.com/vb/index.php)

- منتدى القصائد المنقولة (http://www.solaim.com/vb/forumdisplay.php?f=82)

- - خذني معك / الشاعر محمد العسكر (http://www.solaim.com/vb/showthread.php?t=35733)

خذني معك / الشاعر محمد العسكر

السلام عليكم ورحمة الله وبركاته

قصيده تستحق النقل لمنتدانا الغالي عسى ان تنال اعجابكم

خذني معك .. من وين ما رحت .. وياك
...............خذنـي بقلبـك .. دام قلبـي .. رهينـك

صعبه ترى لو شفت .. وشلون ابسـلاك
.................لو طفـت هالعالـم .. ترانـي سجينـك

عذبتنـي .. واشقـيـت روح ٍ تمـنـاك
................لـو الهـوى ينطـق .. وربـي يدينـك

مات الغلا .. ينزف علـى درب ذكـراك
.................رغم الجفا .. لا زال .. يرجـي حنينـك

بعدك حياتي .. كلها ضيـق .. واربـاك
.................الواقع .. اللـي .. مـا تمنـاه .. عينـك

كل المشاعر .. فـي غيابـك .. تحـراك
...............تصرخ عليك من الوله .. حيل .. وينـك

مقدر على بُعدك .. حشى كيـف فرقـاك
.................هذي الحقيقـة .. خلهـا .. فـي يقينـك

ادري تساومنـي بروعـة .. مـزايـاك
................وتدري اضيع .. إليـا بدالـي .. جبينـك

همك عذاب .. اللي نسى الناس .. لرضاك
................وهمي اشوفك .. مهتني .. فـي سنينـك

لو تطلب اسنين العمـر .. مـن فدايـاك
...............سلمت لك عمري .. براحـت .. يمينـك

منك احتملت من الشقى فوق .. ما جـاك
.................ذقت العنـاء والهـم .. كنـي ..حزينـك

يكفي .. دخيلك ( حس ) باللـي ترجـاك
.................لا عاش منهو .. يـا حياتـي .. يهينـك

تعبت مالي .. بالهـوى غيـر .. دنيـاك
................مديت لك يمنـاي .. عطنـي .. يدينـك

اعاهدك .. ببقى على الحـب .. منسـاك
..............عهد ٍ قطعتـه .. بيـن قلبـي .. وبينـك