منتدى سليم - سوق الطيب

منتدى سليم (http://www.solaim.com/vb/index.php)

- ميدان الشعر الشعبي (http://www.solaim.com/vb/forumdisplay.php?f=68)

- - سوق الطيب (http://www.solaim.com/vb/showthread.php?t=47398)

سوق الطيب

اسعد الله صباحكم / مساكم بكل خير من جديد نااتي لنصافح قلوبكم ومشاعركم بهذه المتواضعه وكلي امل ان تحوز ع رضاكم

اترككم مع القصيده

الله من ليل شكى من طواريه
قلب مع الايام زاد اهتمامه

حتى من اسباب الليالي بدا فيه
ضيقه عجز عنها يعبر كلامه

اليا افتكر بالعالم اللي حواليه
قرا على الدنيا واهلها سلامه

احد يهايط لاجل لاش مخاويه
واحد هياطه لاجل بنت ولثامه

لكن انا ماجيت اسوق المشاريه
وقتي واعرف الوقت زايد ظلامه

به ناس تال الوقت صاروا بهابيه
ماميزوا بين الرسن والمسامه

عاشوا ترف وقت كثيره بلاويه
ضاعت موازينه وخبط نظامه

انصحك ياللي طييب الناس تشريه
لا تلفت لاهل الحكي والملامه

الطيب سوقه يبطي اللاش مايجيه
الطيب خامه غير عن كل خامه

اهل المراجل فيه تبني مباديه
كل مع الاخر يزيد احترامه

والمرجله مثل البحر مع موانيه
تصعب على راع الزرا والهلامه

ارزاق والدنيا توافيق ياهيه
والطيب اللي زاد قدره مقامه

يقولها اللي فكرته من معانيه
شاعر سليم اهل الوفا والزعامه

المجد له وان طول الله لياليه
ياصل مرام المجد وابعد مرامه

تحياتي للجميع

اخوكم

ابراهيم السلمي

رد: سوق الطيب

يقولها اللي فكرته من معانيه
شاعر سليم اهل الوفا والزعامه

المجد له وان طول الله لياليه
ياصل مرام المجد وابعد مرامه

صح لسانك وبيض الله وجهك وماقصر شاعر سليم لو إنه ماوصل مرامه لكنه سيصل بيض الله وجهك كفيت قصيده جزله من شاعر جزل وفي محلها الله يعطيك العافيه ولاتحرمنا من عطأك لاعدمتاك

رد: سوق الطيب

الاخ العزيز عبدالله الربيقي لك جزيل الشكر والامتنان وصح الله بدنك

الصديق العزيز والاخ الغالي ابو عادل صح بدنك وسلمت يالغالي ولا عدمناك

تقبلوا فائق مودتي واحترامي

رد: سوق الطيب

شاعرنا المبدع

ابراهيم النقريني

قصيده جزله من رأس جزل

صح لسانك يالذيب

تحيتي وتقديري

رد: سوق الطيب

الشاعر ابراهيم النقريني صح لسسانك قصيده رائعه من شاعر فذ وبني سليم اهل الشعر من العصور القديمه دمت ودام قلمك في طاعه الله

رد: سوق الطيب

الاخ الشاعر \ ابراهيم النقريني

صح لسانك على على هذه

القصيده الجزله المعبره

سلم منطوقك

رد: سوق الطيب

اشكر كل من شرفني بالمرور من خلال هذه القصيده

وصح الله ابدانكم جميع وبيض الله وجيهكم

دمت لنا سند وعوون

محبكم

ابراهيم السلمي

رد: سوق الطيب

أخي الشاعر : إبراهيم النقريني صح لسانك وسلم منطوقك ياراعي الجزلات لاعدمناك .