منتدى سليم - قصيدة

منتدى سليم (http://www.solaim.com/vb/index.php)

- ميدان الشعر الشعبي (http://www.solaim.com/vb/forumdisplay.php?f=68)

- - قصيدة (http://www.solaim.com/vb/showthread.php?t=21613)

الناس فرحانه على طاري العيد
والعيد عندي ينتهي في ثواني
مدري أبلقاها من الناس تحديد
والا من ايامي وقاسي زماني
ما لي غير العافية شف واريد
ألا العفو والمغفره لا خذاني
وغناي في دنياي عن زيد وعبيد
راسن عزيز ولا أقبل إنه يهاني
هذا الحياة العابسة والتناكيد
أقدار مكتوبة على المودماني
والصبر قالو لي هو اعلاج ويفيد
وعونن من الخالق لكل المعاني
ويا الله يا خلاق يا باسط البيد
اقسم لنا التوفيق سر وعلاني
وفي كل خطوة طالبن منك تسديد
وتوفيق دايم للجزال السماني
وصلاة ربي عد ما هل بالعيد
وشروق شمس ايامنا والاماني
على الرسول اللي امرنا بتوحيد
رب ن صمد ماله شريكن وثاني

رد: قصيدة

صح لسآنك ياعبدالمجيد وعلآ شآنك ,,

قصيدة جزله من رجآل كفو ,,

بإنتظآر جديدك ,,

دمت بخير

رد: قصيدة

يامرحبا ياللي ترد التناشيد
ياللي غلاتك ثابته في كياني

رديت قيافنن ثمينه مفاريد
مكتوب حيه من جزيل المعاني

الرزق والاعمار بالنقص وتزيد
مع طاعة المولى له آعز شاني

ان قلت فالاعياد فالعلم له قيد
ماكل من يفرح من اقصى المحاني

البعض منهم صدق فرحان وسعيد
والبعض الآخر له بعد الثواني

والوقت فيه اعلوم لعبيد مع زيد
ولاكل من عيد فرح بالتهاني

والجرح دوم ادواه ياكود تضميد
بالقطن ولا شاشة الصيدلاني

مكتوب هيض خاطري بالتناشيد
وذكرني الاقدار ياللي تعاني

واقول لك ماجود فالناس اجاويد
عينك تقديك بدروب البياني

واختامها صلوا على سيد البيد
قولي بدعته لجل شين حداني

رد: قصيدة

إخواني الأعزاء
ــ سمو المعاني
ــ ساكن الحرة
ــ رجاالله السلمي
شاكر مروركم وتقييمكم
ودمتم بعافية

رد: قصيدة

صح لسانك على هالابيات الجميله ويعطيك الف عافيه

تحياتي لك

رد: قصيدة

صح لسانك

والله يعطيك الصحه والعافيه

ابيات جميله

رد: قصيدة

صح الله السانك يالعبيدي

قصيدة رائعة

وننتظر جديدك

وتقبل تحياتي

رد: قصيدة

الأخ / عبدالمجيدالعبيدي .. صباح الخير
أبيات جداً رائعه تستحق القراءه . ننتظر منك الجديد
ايظاً اعجبني الرد الجميل من ساكن الحره شكراً لكم جميعاً

مدري ابلقاهامن اللناس تحديد ...ولامن ايامي وقاسي زماني
صح السانك تحياتي

رد: قصيدة