منتدى سليم - عسى ثعول الغيث تنهل مدرار.تسقي ستاره ديرتي راس مالي

المصافحه الاولى
لمجالس بني سليم
قصيده من ابو نواف السلمي

[poem=font="Simplified Arabic,6,black,bold,normal" bkcolor="transparent" bkimage="backgrounds/13.gif" border="groove,4,gray" type=2 line=0 align=center use=ex num="0,black"]
يا صاحبي وقف على باقــــي الـــدار = رسم(ن) تهدم قفر خالي وبالي
مد النظر يا صاحبي مــد الأبصــار = ونظر بواقي رسمها والخوالي
تلعبها ريح الصبـا وقـــت الأسحــار = وتجلا سوافيها هبوب الشمالي
يا صاحبي شوف الأثافي والاوجار = وين القرى للضيف وين الدلالي
قمت أتوجد وابكي آثارها أشعـار = امن الضحى والقلب يصلاه صالي
لـــين أدلهــم الليـــل واقـف بالآثـار = ودموع عيني فوق خدي همالي
ويوم أشفق الصاحب وجاني بالأعذار = يقول حال الوقت يابن الحلالي
اصبر تصبر وأخبرك دوم صبـار = عقبى الحيا ياصاحبي لالزوالي
يقطعـــك دنيـاً ما تجمـل للأحــرار = ويقطعك دنيا(ن) حلوها ما ينالي
من عاش ينعـالــه قريــبه ويحتــــار = من هول دنيا(ن) كلها له نبالي
وتفرق الخلان فـي كـل الأمصـار = وتقطع رجى من يرتجيله وصالي
ويعيش عمره في صحاصيح الاكدار = وتهيجه ذكرى وانا بالمثالي
ويامل قلبن فيه من صالي النــــــــار = جمر الغظى والحال فيه اعتلالي
وياونتــي يا صاحبــي ونتٍ ســار = منها صدى صوتي لروس الجبالي
ونات عود(ن) جرها ليل ونهار = على يتاما ومّهم فالهيالي
ايجاذب الونات ونات محتار = انا يتيم الام والا عيالي
باتت فوسط القبر خلتهم اصغار = وسط الخلا شال الحمول الثقالي
وياوجد حالي وجد من عظمه اكسار = في صحصحٍ قفرٍ بعيدٍ وخالي
يصيح باعلا الصوت في يمين ويسار = لين انقطع منه الرجا مايشالي
علـيك ياوقــت مضــى بين الأخيار = وتقطعت بيني وبينه حبالي
اقرب قريب (ن) بينــي وبينــه اسفــار = والرجل حفيا مالشوفه مجالي
وليل(ن) مع الخـلان ساعــاتـه اقصـار = وليلة بعيد الخل فيها ليالي
ياليتني ياصاحبي بين الادوار = ماحطت اركابي ومنزل رسالي
اهل المدينه ناس حضر(ن) وتجار = ماجوهم جوي ولاحدن صفالي
جنبي وفوقي واسفل البيت لي جار = محدن نشد في ليلةٍ كيف حالي
هذا اجنبيّ وذاك فالسوق سمسار = بين الحضر مالي قريب(ن) موالي
يا ليتني يا صاحبي كنـت سمــار = في ديرتي مع ربعي الي قبالي
ربعي هل المعروف ركاب الأخطــــار = واهل المواقف يوم شد النزالي
ربعي هل المعروف وافين الاشبار = مرخوص لجل اربوعها كل غالي
عسى ثعول الغيث تنهل مدرار= تسقي ستاره ديرتي راس مالي
يسقي حياه اسهول واشعاب وحرار= يسقي بني عمي ويسقي خوالي
ناس(ن) على سلم العرب طول الاعمار= امكرمين الضيف واهل الجزالي
تسمع لصوت النجر وتشوف الانوار= في كل ليله للموانس عجالي
جاوب صدى صوته هل الكيف زوار= يفرح لشوفتهم كريم السبالي
ينصى ضيوفه بالتراحيب تكرار=كنك عطيته من جزيل النوالي
يامرحبا في مرحبا قالها امرار= يامرحبا بالضيف يومن عنى لي
ايقولها ماهو علي الضيف سبار=مايسبر اعلومه بكثر السؤالي
طلابت العليا على كل مضمار=وياكم غدا منهم طليب المعالي
لاشاف من ربعه عذاريب ستار = مالد عينه يم ذيك الخمالي
ون جا لاحد ربعه من الهم عسار = كنه نصيف الهم فيه اجتوالي
ودار الزمن والوقـت ياصاح دوار = في دورته ياصاحبي ماوفالي
من بعدهم شربت انا كاس الامــرار= نوخ عسير الهم ماله زوالي
من بعدهـم صحبــت انا كل غـدار=لاجا لزومي راح دور بدالي
وقت السعة لي صحبة ورفقة اكثـار = وفساعة الحزات محدن بقالي
ولرخا رفقة مثل ظــل الأسـوار = لاجا هبوب القيظ مابه ظلالي
ناسن تبيع الرفقه ابربع دينار= تحسب مراجلها فجمع الريالي
دار الزمن واليوم انا منه محتار = ماعاد اميز صدق والا احتيالي
فيه العفيف اتجيه زلات واغبار = اخير منهم وحدتي وانعزالي
وياصاحبي حذرا مقاريد الاشرار = اصحب وفي(ن) لك كريم الخصالي
الي رزين العقل في نطقه اوقار = والرجل عقله من لسانه يكالي
وقول الفتى للعقل لاشك معيار = والله فرق ياصاح بين الرجالي
والعرف لاهل العرف منهج ومعبار = حذرا ردي الراي شوره سفالي
هذي حقيقة عرف ماني بثرثار=يكفي قليل(ن) دل والطيب فالي
والله لو اتبع مشاريد الافكار=لاتعب مفاهيم العرب في مجالي
والا من ابياتي يجفن الاحبار= اكتب وابين بالشعر مابدالي
لا ياهجوسي من بساتين الاثمار =يكفي ثمرها لا يطول الجدالي
هذا اولاني للمدافين حفار = ادرى واداري دقها والجلالي
واكتم وابين واحفظ السر واختار = وانظم بيوت الشعر فاللي طرالي
واختامها صلوا على سيد الابرار=صلى عليه الله رب الجلالي
اعداد ماخط القلم حرف واسطار= واعداد مادن الرعد فالخيالي
واعداد ماهلت مراديف الامطار= على الجناب المضميه من زلالي[/poem]

خالد السلمي