بحر السياسة
بحر السياسة
قصيدة للأستاذ مقبول مبارك العرابي 23-9-1436هـ 1- يالله ترحم طيب الخبْر والخبر = الحر نسل الحر عم الكود 2- الليث شبل الليث والغيث والمطر = وسيف السيوف الصارم المجرود 3- بحر السياسة عمها فيلسوفها = بدر المكارب والليال السود 4- تاج الفخر والعز والطيب والشمم = طب الجروح وفزعة المضهود 5- رمز النزاهة والوفا والشجاعة = رمز السمو وسامي المقصود 6- عز العرب فخر العرب سامي الرتب = المجد نفح المسك فوح العود 7- اللي ليا منه طرى شاش راسي = واضرب تحية لو ماهو موجود 8- ويشوش مثلي كل نشمي ويفتخر = عرْب وعجم والخصم والجلمود 9- اللي نذر نفسه لدينه وموطنه = وبالعز عاش ولا ذخر مجهود 10- اللي بنظرة منه كم هز وأرسى = الأرض قول وفعل ولْه شهود 11- وأهدى عبر ودروس وبْعبقريته = كل(ن)يدور من سناها الفود 12- اللي خبر موته به اهتزت الكرة= وجض الصخر قبل الفتى والعود 13- ماهي غريبة موت ابن فيصل الفخر = تفطًر مْن الحر منه كبود 14- سعود سعْد الدين والعرْب والوطن = سعود نسل ملوكنا آل سعود 15- ولْهم تعازينا بحرقة نزفها = وللمسلمين ونرجي المعبود 16- يرحم سعود الفيصل العز والغلا = ويجعل له بْعالي الجنان خْلود |
الساعة الآن 09:20 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
كل الآراء المنشورة ( مواضيع ومشاركات ) تمثل رأي كاتبها و لا تعبر بالضرورة عن رأي القائمين على الموقع