منتدى سليم - أفة الزمن

منتدى سليم (http://www.solaim.com/vb/index.php)

- ميدان الشعر الشعبي (http://www.solaim.com/vb/forumdisplay.php?f=68)

- - أفة الزمن (http://www.solaim.com/vb/showthread.php?t=50352)

أفة الزمن

موضوع عن المخدرات حمانا الله وإياكم وأولادنا منها

لاتقولون العقيم اللي عقيم
العقيم اللي عياله عقته

كيف يقدم راعي العقل السقيم
يدبح أمٍ من لبنها ربته

والله إنه فعل شيطانٍ رجيم
ومن تبع شيطان هذي صنعته

ماحصل في سابق الوقت القديم
يظهر إن اليوم تقرب قومته

البلاوي خلت العقل السليم
مايميز كيف يفعل فعلته

نار تاكل فالعرب مثل الهشيم
كم من دمٍ نقيٍ سمته

ماسلم منها رجال ولا حريم
كارثه فالمجتمع وإفتزته

شي منها تاكله مثل القظيم
وشي منها غير ريحه شمته

يالله إصلح لي عيالي يارحيم
يالرحيم اللي وسيعه رحمته

نفاع الربيقي

رد: أفة الزمن

صح لسانك يا ابو ثامر

طرقت موضوع مهم وهو افة المخدرات الله يحمينا واياكم من شرورها

تقبل مروري وتقديري

رد: أفة الزمن

صح لساانك وعلا شانك

قصيدة جزله وهادفه

رد: أفة الزمن

صح لسانك واعتلا شانك

رد: أفة الزمن

نسأل السلامه ونعود بالله من العقوق

صح لسانك يا نفاع

اللهم اجعل كيد الكايدين في نحورهم

رد: أفة الزمن

قصيده جزله
صح لسآنك
ويعطيك العآفية
لآهنت !

رد: أفة الزمن

صح لسانك يابو ثامر قصيده معبره
حمانا الله وياكم من المخدرات وشرورها