الموروث وحقوقه
ماجيت ابيع الثمين الا على سوقه وأحرص على نقوته وآصل مواصيله اما المكسّر ومضروبه ومسروقه إن مال للسوق يبقى في مكاييله والتاجر اللي يغش السوق ويبوقه ما يشتري منه غير أدنى مهابيله ان قال ماضيه والا وصف معشوقه أكثر هـــل الذوق ما تبغى مواويـــله واللي على منهجه معجب بطاروقه اللحن لــحــنه متى مــــا وده يشيله إن ما تعدى على الموروث وحقوقه لـــه كامل الحـــق في وزنـــه وتفعيله إذا اعجب الناس قالوا صح منطوق والا على طـــول قالـــوا وش يــغنيله العرق من مشربه والغصن من سوقه واذا استوت شجــرته زانـــت محاصيله والرجل مجهول لين يفك صندوقه بعــديــن تسهل مضاهاته وتحليله اما على حسب ظنك فيه ويفوقه والا تقنّعت عـــن بــاقي تـفاصيله |
رد: الموروث وحقوقه
وأنا أقول : صح منطوقك ولا فض فوك
قصيــــــــــــدة جزلـــة ورائـعــــــة |
رد: الموروث وحقوقه
الله الله
والرجل مجهول لين يفك صندوقه بعــديــن تسهل مضاهاته وتحليله صح الله لسانك يابو عادل ولله درك شاعر مفردات سلمت وسلم منطوقك نعم الموروث غالي والرجال صناديق |
رد: الموروث وحقوقه
رائعة صح لسانك قصيدة جزلة من شاعر جزل . |
رد: الموروث وحقوقه
اقتباس:
ابو عادل بيض الله وجهك والمعذره راقت لي الابيات واحببت تحليلها حسب معرفتي اسف اذا اخطاءت في تحليلها |
رد: الموروث وحقوقه
الشاعر عبد الله العطافي
صح لسانك ابدعت باحترافيه ورقي في التعامل مع الشعر والشعراء ما فيك حيله يابو عادل ذكاء ودهاء اتقنت وامتعت بهذه المنظومه الجزله تقبل مروري وتحياتي |
رد: الموروث وحقوقه
الاخ \ الشاعر\ عبدالله العطافي
صح لسانك وصدق قولك قصيده تحكي واقع ملموس سلم منطوقك على هالشعر الجزل |
رد: الموروث وحقوقه
العرق من مشربه والغصن من سوقه واذا استوت شجــرته زانـــت محاصيله والرجل مجهول لين يفك صندوقه بعــديــن تسهل مضاهاته وتحليله الشاعر المبدع والمدرسسه الشعريه عبدالله العطافي صح لسانك على القصيده الجزله ابيات ومعاني لا يكتبها الا المتمكن اعجتني البيتين تشبيه وتوظيف للكلمات في اماكنها الصحيحه دمت متالق شاعرنا |
رد: الموروث وحقوقه
ما شاء الله تبارك الرحمن
قصيدة في منتهى الروعه ابا عادل كتبت وأبدعت فأمتعت صح لسانك مليارات ولا يسدون تحيتي وتقديري |
رد: الموروث وحقوقه
اقتباس:
السيف البتار البتار الجزالة مرورك وتواجدك لاعدمنااااااك |
الساعة الآن 08:54 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
كل الآراء المنشورة ( مواضيع ومشاركات ) تمثل رأي كاتبها و لا تعبر بالضرورة عن رأي القائمين على الموقع