لو الرجل ماتهزه بنت عاشقها. . . . . ماكن دمعي يطيح لخاطر بنيه
إلسﻶﻵم عليكم ورحمة آلله وبركـآته******..
ـالدمعه اللي لي اسبوعين خانقها. . . . . طاحت قصيدة غرام بقروح مرثيه****** وانا بدل ما أمسح الدمعات أوثقها. . . . . عسى دموعي تخفف حرّ مافـيه****** لو كل اﻷحﻼم نحلمها نحققها. . . . . ماكان شفت الفراق وجبت طاريه فارقت مجبور مافكرت أفارقها. . . . . ﻻشك حكم القـدر مايـعرف النيه من قبل ﻻ أحب ضحكتها وأرافقها. . . . . من قبل نار العنى تطغى على الفيه يوم ان شمس المعرفه ﻻح بارقها. . . . . حسّيت فيهـا دلع طيبه وعفويه وبديت أرتب من أبياتي وأذوقها. . . . . وأقول من ذوقها ماهي طبيعيه لين سرقتني غﻼ وأصبحت سارقها. . . . . وبدا غﻼنا يـزود شويّه شويه شهرين لين استوت فيني مطارقها. . . . . وقيمة شهر من غﻼها دور حوليه ونكست كل البيارق من بيارقها. . . . . وتفنى بيارق غرام لعين مهويه****** صارت تشفق لوصلي وأتشفقها. . . . . ونبادل الحب حنيه بحنيه لكن ردى الحظ ضايقني وضايقها. . . . . يوم ابتدت قصة الحزن الحقيقيه يوم اشتكت والبكى والدمع يغرقها. . . . . وبان الخبر !! ياهي اﻷقدار مخفيه!! قدرت أخفف حزن روحي وأروقها. . . . . محروق لكن بكاها زادني كيه****** وصدقت في حاجة ماكنت أصدقها. . . . . كيف اﻷوادم تموت وبعدها حيه****** أو كيف تفلت من يديني وانا أعشقها. . . . . أو كيف تعشقني وتفلت من يديه****** أو كيف ابن عمها يقدر يعلقها. . . . . ياعل ابن عمها تفنى مساعيه تأخيرها حاجة ماكنت طـايقها. . . . . وشلون أبتحمل الروحه بﻼ جيه وشلون أبلقى بهاﻷرض ومناطقها. . . . . من فيه عقل المﻼك بحسن حوريه منهو يعوض خفوقي حسن منطقها. . . . . منهو يزيد الحكي لمسات سحريه****** يوم أتبلى على نفسي وأضايقها. . . . . تقولي ياعل مافيك يحصل فيه ماني بقاوي عقب هذي مفارقها. . . . . وﻻنيب ناقـص تعب والروح مبليه وﻻني أناني وأقول الله يوفقها. . . . . وأحيان من حبها كلي أنانيه ياعل منهو فرح فيها يطلقها. . . . . حتى ترد ونعيش أحﻼم ورديه حتى ولو ماتجي بـيدي وأطوقها. . . . . أقلها ماتمسي ماهي بليّه والكلمه اللي بتحرجني وأبنطقها. . . . . ماينفع البدو حب بدون حريه****** ولو الرجل ماتهزه بنت عاشقها. . . . . ماكن دمعي يطيح لخاطر بنيه الشاعر بدر البتال المطيري إن شاء الله آعجبتكم القصيدهـ اتمنى التقيييم وآلردود .. ُُ |
رد: لو الرجل ماتهزه بنت عاشقها. . . . . ماكن دمعي يطيح لخاطر بنيه
جميلة ورائعـــــــــــــــــــــــة بورك فيك
|
رد: لو الرجل ماتهزه بنت عاشقها. . . . . ماكن دمعي يطيح لخاطر بنيه
تسلم اخــــوي
يشرفنـــــــــي مروورك |
رد: لو الرجل ماتهزه بنت عاشقها. . . . . ماكن دمعي يطيح لخاطر بنيه
يعطيك العافيه وتسلم اناملك ع النقل الرائع .. تقبل مروري |
رد: لو الرجل ماتهزه بنت عاشقها. . . . . ماكن دمعي يطيح لخاطر بنيه
الله يعافيك.
..مشرفني مرورك.. |
رد: لو الرجل ماتهزه بنت عاشقها. . . . . ماكن دمعي يطيح لخاطر بنيه
قصيده جميله صح لسان الشاعر ولاهنتي على النقل
|
رد: لو الرجل ماتهزه بنت عاشقها. . . . . ماكن دمعي يطيح لخاطر بنيه
مشرفني مرورك....منور الصفحه
|
الساعة الآن 06:39 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
كل الآراء المنشورة ( مواضيع ومشاركات ) تمثل رأي كاتبها و لا تعبر بالضرورة عن رأي القائمين على الموقع