المعروف والمنكر
المعروف والمنكر
قصيدة للأستاذ مقبول مبارك العرابي 5-7-1433هـ 1- يامحارب الخير وأهل الخير خاف الله = ولا تشوش على المعروف بالمنكر 2- أهل العقل والحيا والحل والملة = دارين باللي بنى واللي يبي يدمر 3- والسيف دون الشرف والدين من سله = غير السلاطين وأبناهم قبل تكبر 4- رعتك دارك وغذتك الغلا كله = وحمتك وأهلك من كلاب البشر وأكثر 5- واليوم بعد الغلا والعز في ذلة = رميت ثوب الحيا والسوس بك ينخر 6- طير لحاك الجهل وافكار مختلة = واللي لنا من خلالك للبلا صدر 7- وباتت رجولتك والأوضاع منحلة = لا غيرة ولا حيا واللي خفي أنكر 8- ياهيه وين أنت رايح مامعك خله = أنته بدار بأهلْها والفخر تفخر 9- حرة أبية سنام المجد تحتله = والشرع نبراسها وسيوفها تشهر 10- تجتث كل الفتن وتداوي العلة = ودون الحيا والشرف بالروح ماتذخر 11- ما للدنس في حماها ضل ومْضلة = الشمس حية وعيدان العرا تبتر 12- وشيوخنا فضلهم الكل صاحن له = كم شر صدوا وكم عاري بهم يستر 13- وياكم بهم من تطمن في غياب(ن) له = عيونهم ساهرة والبعض يتنكر 14- والبعض يرمي هل الحسبة بعار(ن) له = الله حسبي على أهل الزيف والمنكر 15- شيوخنا تاج روس ودرع للملة = والكل منهم رفيع القدر ومْقدر |
رد: المعروف والمنكر
الاستاذ / مقبول العرابي
صح لسانك وسلم بنانك والتوفيق فالك والطيب عنوانك قصيدة رائعة بروعة قائلها شامخة بشموخ الجبال الله يعطيك الف عافية وتقبل مروري وتقديري |
رد: المعروف والمنكر
الشاعر مقبول صح لسانك على القصيده الجزله
دمت ودام قلمك في طاعه الله |
رد: المعروف والمنكر
الاخ الشاعر \ مقبول العرابي
صح لسانك على القصيده الجزله في مبناها ومعناها سلمت وسلم منطوقك |
رد: المعروف والمنكر
صح لسانك واعتلى شانك
قصيده جزله من عنوانها بين موضوعها الله يكتبها في ميزان حسناته وماعلينا وانا اخوك القافله تسير والكلاب تنبح وفقك الله واسعدك في الدارين |
رد: المعروف والمنكر
ما شاء الله تبارك الله لا فض فوك قصيدة جزلة ورائعة
|
الساعة الآن 09:50 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
كل الآراء المنشورة ( مواضيع ومشاركات ) تمثل رأي كاتبها و لا تعبر بالضرورة عن رأي القائمين على الموقع