مسائكم / صباحكم ورد


قصيدة من القلب الى القلب

ياشوووق المعنى

ياشين لحضات الفراق اللي تجي وقت الهجير

وياشين ساعات الرحيل اللي تجي عقب الوداع


من عادني يانجد طفلن دالهن وانا صغير

وانا اكره الفرقا وافل لبحرها مية شراع


والا انت ياللي تعشق الفرقا ولك قلبن كبير

وتقول لدموع الموادع مرحبا ياخير داع


وتوصي اركابك تحرك من ورى ذاك البعير

اللي خطامه في يدك وخطاه لفجوجن وساع


مير اسمع اسمع دامك اخترت لمعاناتك مصير

وسجيت رجلك لين ضايقت القدم بالاندفاع


وادميتها من واهج الرمضى وهي كنها حرير

يالين صاح القلب ارحمني وزدت الكيل صاع


وشلون ياشوق المعنى صار لك ظرفن عسير

وحنا شربنا من يدك فنجال واهدينا متاع


وشلون ياشوق المعنى صار لك قلبن ضرير

من بعد ماكانت عيون القلب حاجبها شجاع


اسف لاني انشدك وانته مكبل وسط بير

وماالله هدى صاحبك ينشد عنك من يم الشعاع


ياصاحبي ياللي رحلت وجيتنا وانته بخير

اربع سنين امضيتها ياصاح وعيونك شباع


انا احسب انك تاتي ومعك الفرس تجمح عصير

لكن جيت وهي تناظر فيك بعيونن جياع


خليتها تجلس مكانك كنها بالسجن طير

وهي بمجلس بيتهم وتقول ياقلب الضياع


الموت حق ولا تهاب الموت يالطفل الغرير

ياللي ليامنك نويت الحب تورده النخاع


لو ان قلبك يدفعك دفعة توردك السعير

فانته تقدم رجلك اليمنى وتحسن لستماع


كبير في عيني لو انك عشت بالدنيا فقير

لانك صدوق بقلبك وعينك ماهي تعرف خداع

صح بدنك يامذهلة

مروووركم بمتصفحي وإشادتكم وسام شرف اتقلده على صدري

حفظكم المولى وبارك فيكم
تحياااتي لك

الشاعر المبدع مضحي السلمي


صح بدنك وتسلم على المرور الكريم والراقي كعادتك

شاعرنا المبدع

لك مني كل الود والتقدير والاحترام
تحياااتي لك

شاعرنا المتميز والمبدع دائما عبدالله العطافي ابو عادل


تسلم تسلم تسلم والله شهادتك هذي وسام على صدري وتاج فخر على راسي

ومرورك بمتصفحي يضيف لي الشي الكثير

اشكر لك مرورك العذب
تحياااتي لك