|
من راس رجال
[frame="13 80"] ( ال ـ كل متصفح وناقد وقاري واللي يحبون القصايد والمثال ابعتذر هل تقبلون اعتذاري عن الغياب اللي على رايكم طال ماهو على كيفي ولا هو قراري انا غيابي ما طرالي على بال من شئ حاديني ومن ظرف طاري خذوا كلام الصدق من راس رجال علمي صحيح وكل مكتوب جاري والحمد لله ربنا ساتر الحال واذا سألتوني غيابي جباري لكن زال وعدت والحول ما حال لو كان باقي له رسوم ومواري اليوم من دونه هلالين وهلاَل والناس ما واحد عن العلم داري يدري به اللي للصعيبات حلال ومن اعتذر ما اقول عذره تجاوي اقول يكفي منه دله وفنجال وان كان قلتوا لي مجامل مداري انا احترم وجهة نظر كل من قال ان شفت مقبل جيت مقبل وشاري من مد لي مكيال رديت مكيال اعرف يميني زين واعرف يساري والحق حل ولا عن الحق محوال ولا كل من قالوا إداري إداري ولاتحسب إن أمْر الإدارات بالمال والطيّب اللي كان مقفي وساري يقبل ويلقى عندنا فال وعقال اما يجي في الصف والا يباري ويجيب معداله وانا اجيب معدال اما الكلام اللي من الصدق عاري في المجتمع يوم اجتمع كيف ينقال ((عبدالله العطافي)) [/frame] ) |
رد: من راس رجال
الله الله
صح لسانك وبنانك وقلبك على هذه الرائعه العذر مقبول يابو عادل مع أعلى تقييم بيض الله وجهك وأعتلا شانك وهذي بيتين هديه لمقامكم الكريم لو بمدحك لايمكن أوفي بالمديح فالشعر بحر وفالعوارف عارفه ماحدٍ بجابرني على قول الصحيح الشعر من بحر المعاني غارفه |
رد: من راس رجال
الاخ الشاعر /، عبدالله العطافي
صح لسانك على هذه القصيده الجزله في معناها ومبناها شاعر جزل ومتمكن بكل الاحوال وعذر مقبول وافي وراعي وفا دائماً سلم منطوقك |
رد: من راس رجال
الله الله
الشاعر القدير والمدرسسه الشعريه عبدالله العطافي صح لسسانك قصيده جزله وابيات ذهبيه من شاعر ياتي بالمفردات النادره صح لسانك على ماكتبت دمت ودام قلمك في طاعه الله |
رد: من راس رجال
الشاعر / عبدالله العطافي
صــح لسانكك واعتلا شانكك جزله القصيده ولا يستغرب منك فانت شاعر عرف بالجزالة دمت بخــــــــير |
| الساعة الآن 05:41 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
كل الآراء المنشورة ( مواضيع ومشاركات ) تمثل رأي كاتبها و لا تعبر بالضرورة عن رأي القائمين على الموقع