|
ديوان الشاعر حمدان بن عامر الشكري (ابن مقحــص)
أخواني الاعزاء في منتديات بني سليم سأطل عليكم من هنا لكتابة نصوصي الشعريه على شكل ديوان امل ان اكتب مايحوز على رضاكم واستحسانكم ويرتقي الى ذائقتكم الشعريه .. متمنياً من الله التوفيق والسداد.. اخيكم الشاعر / حمدان بن عامر الشكري |
قصيده دفاع عن الرسول صلى الله عليه وسلم ..}
هذه قصيده متواضعه دفاع عن الرسول صلى الله عليه وسلم
ســلآمتكم |
رد: ديوان الشاعر حمدان بن عامر الشكري (ابن مقحــص)
(غزه)
مطلع (1430) [poem=font="simplified arabic,5,blue,bold,normal" bkcolor="transparent" bkimage="" border="groove,5,darkred" type=0 line=1 align=center use=ex num="0,black"] يامسلمين الوضع ماعاد ينطاق=غزه ودكوها اليهود الملاعين شوفوا الضحايا كيف تسحب بلاعناق=بلغ عددهم فوق أميه وتسعين قتلى وجرحى وبعضنا مابعد فــــــاق =عرب عرب ميتين وهمه حيين وين العرب ياللي تناظر بلاطباق=الوضع مفجع يرحم الله فلسطين ترى اليهود كلاب وسخين فساق=لاعهد لاميثاق مثل الحياوين ليفي قبل مده توعد بالاحراق=تبي تغير وضع غزه مع الدين وحنا كما ماقيل ياطاق طرباق=نعرف نهز الروس ماأحنا بدارين الوعد بالدوله على بيض الاوراق=واللي يعارضهم يذكى بسكين لجنه رباعيه على غدر وأنفاق=خطه ومدروسه عرفها الملايين خمسين عامٍ(ن) يبَست كل الارياق=وحنا ابرجى دوله تسمى فلسطين متى العرب تصحى وتاقف على ساق=وتحرر الاقصى من ايد الصهايين [/poem] وســــلامـتـــــكـــــم... |
رد: ديوان الشاعر حمدان بن عامر الشكري (ابن مقحــص)
( بعض العرب ) اللي ذخر له طـيـب يـاناس يلقـــــــاه وأللي ذخر له غير فالوقت يضويه بعض العرب ياطيب نسله ومجنــــاه ماحــــدٍ عن علوم الرياجيل يثنيـه يرخصلـك الغالي وموقـفـــه يحمـــاه ويقول لك حاضـر وموقفـك يحميه وليا بــغـيـتـه فالـمـواجـيــب تـلـقـــاه سديد راي وعز منهو يخـــــاويه نـفـسه على أدروب المـعـزه موصاه يدرى الرفيق وموقفه مايخــليه وبعض العرب ياشـين قوله وممشاه مكروه من ربه وخلقه تعاديـــــه مافــــاد اخــوه ولا قريــبــه ولا آبــاه ولاذِكر بالطيَب فالاول وتالــــــيه الخــيـر مامـن خـيـر والشـر مـبـــداه هرجه على غير الحقايق يلوَيــه سرك لـكله مايـحـفـظـه ويـــــــــدراه يفشيه للعدوان ويقول مخفيـــــه عـــزاه من مثله على الدرب عـــزاه لاخير في دنياه وابليس مغويــــه |
رد: ديوان الشاعر حمدان بن عامر الشكري (ابن مقحــص)
(ماني على خبرك العام)
[poem=font=",6,black,normal,italic" bkcolor="burlywood" bkimage="" border="solid,4,black" type=2 line=1 align=center use=ex num="0,black""] ياصاحبي ماني على خبرك العام= خبرك عتيق وكل شييٍ تحول العام كنا فالهوى مثل الاعـــــلام = واليوم هونا عن العلم الاول عمنا ببحر الحب سوات من عـام = ولاندري أن الحب حبله مطول عشرين عام وبعدها عشرة أعوام = وحنا نقول انتوب والوقت طول أيام مرت طيفها مثل الاحــــلام = مثل الذي راكب مطيه وحول النفس تعشق حب والقلب به هام= اخذت منه اللي كفا ما أتسول واليوم شمنا دامته مثل الافـــلام = حبٍ مهول فالزمان المهول ياصاحبي ماني على خبرك العام= خبرك عتيق وكل شييٍ تحول [/poem] وسلامتكــم .... |
رد: ديوان الشاعر حمدان بن عامر الشكري (ابن مقحــص)
(سجات القدم) [poem=font=",6,black,normal,italic" bkcolor="burlywood" bkimage="" border="double,4,black" type=2 line=0 align=center use=ex num="0,black""] يازين سجات القدم عقب الامطار = مع الرجال اهل الوجيه المسافير مع خوةٍ تشفق على شبة النار = بعيد عن لفح الهوى والمعاصـــير الخوه اللي شوفهم يجلى الاكدار= أشفق لخوتهم واسوق التباشــير فالديره اللي علها الوبل تكـــرار = العشب فيها والزهر والنواويـــــــر فيها على مد البصر قشع واشجار= ونقع المطر فيها تقول المغاديــــر مانسمع الا الطير فالجو لطـــــار = مثل ام سالم والدرج والعصافــــير اخير من عيش المدن بين الاسوار= واخير من بعض السير والمشاوير واخير من دقة هل الطار لطـــار = واخير من صوت الطرب والمزامير يشفقلهااللي راكبٍ فوق فكس ار = ويشفقلها راع القنص والمداوير ويشفقلها اللي مايدور للاعذار = راع العلوم الطيبه والتعابير هذا هوى بالي وشفي يالاحرار = انسى التعب من شانها والمخاسير وصلاة ربي عد ماهلت امطار = على نبيٍ بشر الخلق تبشـــــير [/poem] وســـــــــــــــــــــــــــلامتكم ,,,, |
رد: ديوان الشاعر حمدان بن عامر الشكري (ابن مقحــص)
]بســـــــــــــــم الله الرحمــــــــــن الرحـــــــــيم[
هذه قصيده بسيدي صاحب السمو الملكي ولي العهد نائب رئيس مجلس الوزراء وزير الدفاع والطيران والمفتش العام الامير/ سلطان بن عبد العزيز آل سعود.. حفظه الله بمناسبه شفاءه وخبر عودته لارض الوطن.. [poem=font=",6,black,normal,italic" bkcolor="burlywood" bkimage="" border="double,4,black" type=2 line=0 align=center use=ex num="0,black""] مرحبا ياهلا بقدوم صقر الوطن=ابو خالد ولي العهد ماله نظير والله انا فرحنا ثم زال الحزن=يوم حنا سمعنا بجيتك ياالامير اشرقت لك قلوب الشعب قبل المدن=والمواطن من الفرحه بوده يطير من شمال(ن)وشرق اليا خليجي عدن=لين ناصل بحر جده نزف البشير والله انه خبرصحتك ماله ثمن=ولو نقول القصايد في سموك تحير عقب كل الفروض وعقب كل السنن=نطلب الله يعافيك العلي القدير ونطلب الله يبعد عنك كل المحن=وياعسي العافيه يمك تحث المسير الله انه يكافيكم شرور الزمن=والله انه يجنب كل علم (ن)خطير المدن والقرى في غيبتك امحلن= والغني في غيابك والله انه فقير انت غيث البلاد بدون شك(ن) وظن=وانت زبن الدخيل اليا بغا يستجير الصعايب ليا وصلت سموكم غدن=ثقلها مايساوي ثقل حبه شعير ترتكي للحمول وللمراجل تعن=انت خيالها بالرمح والاالشطير اشهد انك لحملك ماتكل وتون=شيال(ن)هم شعبك ياسمو الوزير ياعسي كل ماقدمت يصبح حصن=من صدوف الزمان وشره المستطير ربك الله ليا منه عطي مايمن=وانته اعطاك شعب(ن)حبهم لك مصير القصايد لها فيكم معاني وفن=فالمحافل نغنيها وعبر الاثير والنهايه عساكم ذخر لغلا وطن=ياعيال السعود ميسرين العسير [/poem] |
رد: ديوان الشاعر حمدان بن عامر الشكري (ابن مقحــص)
قصيده مدح (في الشيخ عوض الله القايدي وابنائه و شيوخ سليم وربعي سليم )
[poem=font=",6,black,normal,italic" bkcolor="burlywood" bkimage="" border="double,4,black" type=2 line=0 align=center use=ex num="0,black""] سلام يانسل الرجال الميامين=اللي لهم تاريخ ثابت وعنــوان نسل الرجال الطيبين الشجيعين=كسابت الطاله طويلين الايمــان الاسم واضح فوق كل الميـــادين=الشيخ ابو منصور والفخذ همعان عوض الله بن احمد يفك المساجين=شيخ(ن) برز بين القبــايل كحـــيلان كريم من ساس الرجال الكريمين=يفرح ليا جوه الرياجيل ضيـــــفان يحق نفخر به ونفخــــر ملاييـــن=بسمه وفعله نفتخر سر واعلان والنعم فعياله رجـــالٍ مسميــــن=اصحاب فزعات ومواقيف واحسان آهل اللوآزم والموآقف براهـين=وقفاتهم مع ربعهم مالها اثمان وسلام للي عنـــدنا دوم غاليـــين=أللي حضر من ربعنا شيوخ وأعيان أنتم سليم معدلين الموازيـــــن=أهل اللوازم فاللقا شانكم شان حماية الدوله ونصرة هل الدين=أنتم هل المله قويين الايــمان رجال اهل رايه من اول وهلحين=يشهد بها التاريخ لو كان ما كان تاريخكم ماهو قبل عشرة سنين=تاريخ من عهد الرساله و الاديان الصف واحد في وجيه المضلين=لجا نهار(ن) فيه عج(ن) ودخان ياعزوتي ياسليم دايـــــم وفيين=الله يجمعكم على الطيب ياخوان قولوآ معي آمين وآمين وآمين=أنه يوفقكم على مـــر الازمان وختامها ياالـــربع ورد وريـــــاحين=مني لكم مهدآه من زين الاغصان [/poem] |
رد: ديوان الشاعر حمدان بن عامر الشكري (ابن مقحــص)
(ياشوق)
[poem=font=",6,black,normal,italic" bkcolor="burlywood" bkimage="" border="double,4,black" type=2 line=0 align=center use=ex num="0,black""] ياشوق انا لمقابلك حيل مشتاق =متى تجين من الغياب ونشـوفــك ودي امتع ناظري وارو الاحـــــداق=وارتاح لالمـست كفوفي كفـوفــك في غيبتك مارتاح فكــــري ولاراق=لكن عــذرك في غيابك ظــــروفك لولا هذيك الصوره اللي بمعـــلاق=هيــه تلملمني بـباقي حـــــروفك بها اوسع خاطري كل ماضـــــــاق=ولـيا نسيتك ذكــرتني وصــــــوفك ترى الغياب اليوم ماعاد ينـــــطاق=عودي قبل مركب غرامي يطـوفك يكفيني اللي قد مضى بعد وافراق=ودي تكوني قدم عيني واشــــوفك [/poem] وســــــــــــــــــــلامتكم |
رد: ديوان الشاعر حمدان بن عامر الشكري (ابن مقحــص)
( ألآمل والتنهــآت ) ..
[poem=font=",6,black,normal,italic" bkcolor="burlywood" bkimage="" border="double,4,black" type=2 line=0 align=center use=ex num="0,black""] زاد الـحـنــيــن وزاد تـــرديــــد الآهـــــــات=عــلــى حـبـيــبٍ طــــال عــنــي غـيــابـه الـعـيـن تـــذرف دمـــع والـقـلــب ونـــــات=وألــلــي يــــودي الـعلم مـاعـنــه جــابـــه تــعــبــت وأتــعــبــت الـقلـم والــعــبــارات=وتـعـبـت مـــن كــثــر الــحــزن والـكـآبــــه يـامــا عـلــى شـانــه تـلـقـيـت طـعـنـــات=والـــنــــاس فــــوقــي قــومـــوهــا حـرابه عـــــامٍ ورى عـــــامٍ تــوجـــد وحــسـرات=وانا اشكي من الحب واشكي عذابـــــــه قـضـيـت عــمــري فــالأمــل والـتـنــهــات=وانـــا أتـبــع المـحـبـوب مــدري سـرابـه مـاعــاد ابـصـبـر لـــو يـــومٍ وسـاعــــــات=القـلـب وقــف نـبـض والـحـزن صـابـــــــه أمــا يـجـي ونـجــدد أحـلــى الـعـلاقـــات=وألا بــلاشـــي حــــب ونــصــك بـــابــــه [/poem] |
رد: ديوان الشاعر حمدان بن عامر الشكري (ابن مقحــص)
(الــــدين)
[poem=font=",6,black,bold,italic" bkcolor="burlywood" bkimage="" border="double,4,black" type=2 line=1 align=center use=ex num="0,black""] ياالله تقض الدَين يارب عــــــني = بصالح اعمالي ولو ثقل ذره من قبل يفنا العمر والموت يدني = يوم العمل يكتب بخيره وشـــــــره الدين سبب لي قلق وامتحـــــني = عسى الصديق يموت ماذاق حره ذلٍ وهمٍ واخذوا العلم مني = حتى العدو وهو العدو ما يســره رجلٍ بليا دين عاش أمتهــني = ورجلٍ عليه الدَين مارتاح مره الدَين وظروف السنين اتعبــــني = ولافيه حيله بالزمان ونفـــــــــره يالله لن كان الليالي حــــــــــــدني = على ضعيفٍ دوب رزقه يصره أنك لتغنيني عنه لايغبــــــــــــــــني = لوكان ماأشرب غير مويه بجَرَه ياواهب الارزاق من غير مَـــــــــــني = توهب لنا رزقٍ وفيه المـــبَره [/poem] |
رد: ديوان الشاعر حمدان بن عامر الشكري (ابن مقحــص)
( البر)
[poem=font=",6,black,bold,italic" bkcolor="burlywood" bkimage="" border="double,2,black" type=2 line=1 align=center use=ex num="0,black""] زين شب النار فالبر البراحي = فالديار اللي بها عشقي وزادي الدلال تغوش فيها البن فــاحي = والنشاما حولها والشعر ســــــا د ي مبعدين اعن المدينه والصياحي = في شعيب(ن) سايله والجو هــادي توها ممطورة (ن) وقت الصباحي = جوها لاهو بحـــــــــــر ولا بــــرادي مابها الا الطير رفاف الجــــــناحي = كن لارفرف جناحه لك ينادي متعة الانظار للصدر انشــــراحي = نبتها نوار وازهــــار (ن ) وكـــــادي شوفها يبري عطيبات الجـــراحي = الجراح المبطيه واللي جـــــــــدادي ذي طراة العمر من كل النــواحي = جربوها يامشجعت النـــــــــوادي [/poem] وســـــــــــــــــــــلامتكم |
رد: ديوان الشاعر حمدان بن عامر الشكري (ابن مقحــص)
( الغطرسه )
[poem=font=",6,black,bold,italic" bkcolor="burlywood" bkimage="" border="double,4,black" type=2 line=0 align=center use=ex num="0,black""] واوجودي وجد من هلت دموع عــــــيونه = والسبايب غروةٍ مرت مع العصريـه طالعتني بالعيون وقفَت المـــــــــــــزيونه = آه من حالي بعد نظراتها الســــحريه ياحليل الموت مع نظراتها ياهـــــــــــــونه = والله الموت البطي بعيونها الحوريه صوبت داخل حشاي اسهامها المسنونه = بنت ماهي فالبشر حيا الله وعاديه اتصبر والدموع من القهر مســـــــــــجونه = كلها لجل العرب ماتكشف السريـه طالبك بالله قلبي لايزيد جـــــــــــــــــنونه = من جفاك اللي بلا رحمه ولاماويــه خافي الله لايبيح من القهر مكـــنــــــــونه = ولاتضيع بغطرستك احلامنا الورديـه [/poem] [/quote] |
رد: ديوان الشاعر حمدان بن عامر الشكري (ابن مقحــص)
هذه قصيده مرسله لي من زميلي مثيب عايض الزبالي في عام 1423 هـ وهي كالتالي::
[poem=font=",6,black,bold,italic" bkcolor="burlywood" bkimage="" border="solid,4,black" type=2 line=0 align=center use=ex num="0,black""] نمت وصحيت وجاني الهم جوال =قلت انصرف قال انت تصبح عميلي قلت السبب قال انت نازل ورحال=الله يعوضكم بدارٍ جميلي ونيت ونه خلت الدمع همال=لا باس ياعينٍ تصب الهميلي وصرت الحكم مابين عاذل وعذال= والقلب ينخا العين وهوه عليلي وابوك ياالدنيا نزولٍ ورحال= المسعد اللي كل فعله جليلي احد فعل طيب واحد فعله اشكال= قددمك شجيع وفي غيابك ذليلي قسمه مع الشجعان صفرٍ من المال= وليانطق مثل المريض العليلي شفت القرار وصار فالقلب ولوال= مثل الحزين اللي في قلبه مليلي وذكرت خوياي القداما بالامثال= وجدي عليهم وجد خل الخليلي ماظن ابلقا مثلهم قول وافعال= خوت شرف مثل الظلال الظليلي صعب الوداع وبالسلامه يالابطال= قلبي صبورودمع عيني يسيلي [/poem] **** الرد كالتاي [poem=font=",6,black,bold,italic" bkcolor="burlywood" bkimage="" border="double,4,black" type=2 line=0 align=center use=ex num="0,black""] لاباس ياشاكي من الهم والحـــــال= اصبر على الدنيا وهمك يزيلي هذي ظروف الوقت من حال لحال= احدٍ نزل فيها والاخر رحيلي يابو صقر ياصاحبي طيب الفال= مبداك دايم فوق راس الطويلي لن رحت والا جيت موجودفالبال= وانته على ما قيل قلبك دليلي الطيب فيكم مايقدر بالاموال= واللي ذخرله طيب ماهوبخيلي الله يبعدنا عن الناس الانذال= ونكسب جميلة مثلكم يازميلي الوقت مايصفي على كل الاحوال= ولاكل من يبرك لحمله يشيلي ربك عليم بسر خلقه والاعمال= والناس فالدنيا تحط وتشيلي والله ماننساك مهما الزمن طال= لو كان فالديره تشد وتحيلي روح عسى ربي يوفقك فى ارجال= مثل الرجال اللي علاهم تويلي وقبل الموادع لك تحيه وفنجال= تكرم بها والله علاها وكيلي [/poem] وسلامتكم |
رد: ديوان الشاعر حمدان بن عامر الشكري (ابن مقحــص)
الجــــــــــــــــــــــــــــــــــــــــــــنهـ ...}}
[poem=font=",6,black,bold,italic" bkcolor="burlywood" bkimage="" border="double,2,black" type=2 line=1 align=center use=ex num="0,black""] يـــــاالله انـا طــالــبــك يــــــارب يـــاحـــي =يـاخـالـق الانـســان مـــن نـطـفـة الــمــي يــــارب يـامـنـشـى الــمــزن والـسـحـايــب =يـامـرســل الـظـلـمـا ويـامـرســل الــضــي لاتـــردنـــي يــــــارب مــكــســـور خـــايــــب =انـــا بـدونـك يـــاآلـهـي ولاشــــي رحـمـتــك لاحــطــت عــلــي الـنـصـايــب =مــــودٌع الاصــحــاب والاهــــل والــحـــي ولاعـــــاد يـنـفـعـنـي صـحــيــب وقـــرايـــب =والصحف تطوى وسطهااعمالنا طي يـــاالله تـغـفـر لـــي وانــــا جــيــت تــايــب =من ذنب اكبر من جبل شمـر وطـي يــــــاالله يـــاجـــزل الــعــطــاء والــوهــايــب =يـامــخــرج الـمــيــت ويـامــخــرج الـحـي المطـلـب الجـنـه بـعــد صـــرت شـايــب =والاالعـمـل مـامــن عـمــل واكـثــره ســـي والخـتـم يالله جـيـرنـي مـــن المـصـايـب =واجعل ظلالـك فوقـي اكبـر مـن الفـي [/poem] وسلامتكم.... |
رد: ديوان الشاعر حمدان بن عامر الشكري (ابن مقحــص)
(رفيع المقام)
[poem=font=",6,black,bold,italic" bkcolor="burlywood" bkimage="" border="solid,4,black" type=2 line=0 align=center use=ex num="0,black""] وش يبدد ظلام الليل ياكود نـــــــور = وانت نوري ليا فكري غشاه الظــــلام وانت مبعث سروري فالمساء والبكور= والامل سيدي والحلم واحلى الكلام انت مركزك مخي والخلايا عــــــــبور = اعبر ابها على كيفك وسل العظــام شوفتك فالمحافل عن جميع الحضور= وطيفك ان مرني ليه يطيب المــنام كل ماهب ريح من الشمال بعطـــور= قلت ريحة حبيبي كالنفل والخـــــزام المشاعر تجدد كل يوم(ن) تــــــزور = والمحبه تزود بكل يوم(ن) وعـــــام حبنا اكبر من اللي نكتبه في سـطور = وانته اكبر من اللي يكتبون الانـــــام كم نقول ونخفي في حنايا الصـــدور = والصدور القبور لسر بعض الكـــــــــلام العهد بالعهد وانته وفي ماتبــــــــور = دوم وافي وغالي يارفيع المقــــــــــام لايهمك كلام اهل الحسد لو تثــــور = دامني حي والله ياالغضي ماتضام [/poem] وســـــــــــــــلامتكم |
رد: ديوان الشاعر حمدان بن عامر الشكري (ابن مقحــص)
( اول اجتماع في استراحة الالوان بمكه)
[poem=font=",6,black,bold,italic" bkcolor="burlywood" bkimage="" border="double,4,black" type=2 line=0 align=center use=ex num="0,black""] سلام الله علاكم عد مايبدي شــــعاع النور= ســــلام الله علاكــــــــــــم فاول الحفله وتاليها سلام الله علاكم ياعيال سليم بن منصور = اقوله وابتديبه والنفـــــــــــــــوس الرب واليـــهـا وهلا يامرحبا باللي يشرفنا وفا وحضــــــور = تحيه وافيه مني لــــــــــــــكم والناس توحـــيها ومن بعد التحيه والسلام نقول لك مشكور = ياراع الفــــــــــــــكره اللي جمعتنا كفو راعـــيها وعبدالله ومضحي والرجال اللي طوال شبور= هل التأسيس في مجلس سليم رجال نغليها وللكتاب والشعارواهل الفكر واهل الشـــــور= تحـــياتي وتقدـ يري لهـــم من قلبي اهديــــها عسى ليله تجمعتوا بها ليلة فرح وســـــرور= على عز ومعزه والعـــــــــــرب من ذكر طاريــــها ولاياربعنا نبغى التكاتف والعلم منشــــــور = على قمة جبل والممــــلكه بالروح نفـــديـــــها نبا نعمل سوى مانلتفت للحاقد المسـعور = نسطر فالزمان امـــــــــجاد للتــــاريخ نبنيــــها ترى فعل الرجال انشهد انه فالزمن مــذكور = وذكر الطيبين يبين فالحاضــــــر ومــاضيــــــها ونختم قولنا بسم الذي نزل لنا دســــــتور = آلــهٍ خالق الاكــــــــوان والافـــــلاك مجريـــــها [/poem] وســـــــــــــــــــــلامتكم ،،،،،، |
رد: ديوان الشاعر حمدان بن عامر الشكري (ابن مقحــص)
(صاحب المال)
[poem=font=",6,black,bold,italic" bkcolor="burlywood" bkimage="" border="solid,4,black" type=2 line=1 align=center use=ex num="0,black""] جماعه له كُثر من كثر ماله = يجيله من بعيد اخ وقريبي يطيب اله النبا ويطيب فاله = وقوله لو خطا قالوا مصيبي يسمى شيخ والناس تعناله = ويدعى ذيب لو ماهو بذيبي ليا جا فالمجالس طاب حاله = من التقدير له اكبر نصيبي وكل الناس تفزع وتحماله = وترفع له شعارات وتجيبي ولايخضع لتطبيق العداله = رجل له سمعته رجل(ن) حبيبي ومن هو قل ماله ويل حاله = الادنى من الجماعه له حريبي كفو لكن حظه ماوفاله = على هذا الزمن الله حسيبي ليامنه هرج واحكم مقاله = جميع الناس قامت له تعيبي شجاع بكل وقت وكل حاله = جويد الساس مضرابه عطيبي يقول الحق لامنه بداله = صليب الراس فالموقف صليبي ولاهانوا رياجيل الجماله = هل الفزعات فالوقت العصيبي وقصر الهرج يكفي عن طواله = بقدر المال تلقالك صحيبي [/poem] وســـــــــــــلامتكم |
رد: ديوان الشاعر حمدان بن عامر الشكري (ابن مقحــص)
( المعزه)
[poem=font=",6,black,normal,normal" bkcolor="burlywood" bkimage="" border="double,4,black" type=2 line=0 align=center use=ex num="0,black""] الــــلــــي يــــعــــزك لازم انــــــــك تــــعـــــزه =وتـبـادلـه نـفــس الـشـعــور وتـصـافـيـه ولايــســـتـــفـــزك وانـــــــــــت لاتـــســـتـــفـــزه=يـــــدراك وانـــتـــه لازم انــــــك تـــداريـــه ولـــيـــا حــصــلــه مــــــن لـيــالــيــه لـــــــزه=اقـــف مـعــاه وحــــاول انــــك تـواسـيــه والـوقـت مـــا يـصـفـي لـنــا كـــل حـــزه=مـر(ن)يـجـافـيــنــا ومـر(ن)نــجــافــيــه ورفـــيــــقــــك احــذرلــلــغـــلـــط لاتــــــــــــدزه=دلــه طـريـق الـصــح لـنـكـان غـاويــه وخـلـك مــن اهــل المـرجـلـه والـمـعـزه=اسعى لها واجن الثمر من مجانيه وخـلـك جـبـل مــا كـــل ريـح(ن)تـهـزه=والـلــي نـقـلــك هــــرج لاتـسـتـمـع فــيــه واتـــــرك ردي الــحـــظ والـــلـــي يــــــوزه=وأطـلـب مــن الله ربـــك أنـــه يعـافـيـه [/poem] |
رد: ديوان الشاعر حمدان بن عامر الشكري (ابن مقحــص)
قصيده مجاراه لقصيدة الشاعر \ طلال بن جفين الصانع والخراز
(ابن جفين)) [poem=font=",6,black,normal,normal" bkcolor="burlywood" bkimage="" border="double,4,black" type=2 line=0 align=center use=ex num="0,black""] على المهل واصحي تضيق ابك الوسيعه ياطلال = وانته ولد شيخٍ رفيع القدر عال المنزله محمد بن جفين شيال الحمول اللي ثقـــــــال = يشيل حملٍ لو كثير من البشر ما يحمله شيخٍ على العليا رقا من طيب ساس وطيب فال = وانته هنا بين الرجال الطيبين تمثــــــله انتم هل البيت المبنا من قديم ولايـــــــــــــــزال = واللي يقلل من مكانتكم ضيعفٍ ما اخبله ابن جفين اللي له البيضا ودون سليم حـــــــــال = رجل الشجاعه والكرم يوم السنين الاوله افعالكم بين العرب تذكر على مر الليــــــــــــــال = ماتنمحي لو السنين احيان تبقى ممحله اذكاركم بين القبايل من جنوب ليـــا الشمال = علمٍ مثبت للعرب مافيه واحـــــد يجهـــــــله جدك وعمك ثم ابوك شيوخ اهل فعل ومقــال = اقولها وانا ولد شكر المعرب من هــــــــــــله مدحي لكم ماهو مجامل اوضرب من الخيال = هذى حقيقه واضحه لو الفلاني تزعلــــــه والمعذره كان القصيده ماحوت كل الخصال = لكن يكفي عن كثير من الكلام قليـــــلــه [/poem] وسلامة الجميع ،،، |
رد: ديوان الشاعر حمدان بن عامر الشكري (ابن مقحــص)
{جرح الاقارب ) [poem=font=",6,black,bold,italic" bkcolor="burlywood" bkimage="" border="solid,4,black" type=2 line=1 align=center use=ex num="0,black""] نشكي على الله جرح ناسٍ قريبين=قامت شياطين الاوادم تزيده جرحٍ يطيب وجرح يبقى له سنين =وجرحٍ على طول الحياه المديده الجرح لوانه من الناس الاقصين =ان طاب والا نبتره من وريــــــده المشكله جرح الاقارب والادنين=مايطيب ياخذله سنينٍ ٍعــــــديده جرحٍ تغلغل فالدما والشرايين=دخل بوسط القلب يمكن يبيده والله مايحزن وتبكي له العين=أنه حصل من ناس ماهي بعيده ماودنا نبديه للناس ويبــــين =لو كان في اقسى الظروف العنيده نبي نحاول بالدوا دام حيين= عساه يشفى والاطبا تفيــــــــده ومن قبلها نطلب وندعي ملايين=عسى الله المعبود يهدي عبيده [/poem] وسلامت الجميع..~ |
رد: ديوان الشاعر حمدان بن عامر الشكري (ابن مقحــص)
بسم الله الرحمن الرحــــــــــــــيم
اكتب لكم هذه الابيات القليله امل أن تنال استحسانكم واعجابكم ااه من قلبي اللي صار يرجف رجيف من عيون الهنوف ومن تدلاعهــــــا ولعتني وانا فالحب قلبي صخيــــــف واطلقت في سفينة حبي اشراعـــهـا رمشها والجدايل والقوام النحـــــيف ساحره في وصايفهــــــا وفطباعـها صابت اهل القلوب الطيبه بالنزيـف والقلوب المريضه زادت اوجاعــها شفتها في ربوع بلادنا بالمصيـــف شيخةٍ فالبلد قليله انــواعـــــــــهــا زايره للمصايف عايشه وسط ريـف بالمحبه من اللي يقدر اقناعــــــــها منوة اللي يدورله عشيرٍ وليـــــــف سعد من حطت اذراعه على ذراعها وســــــــــــــــــــلامتكم ،،،،،،، ابــــن مقحص ] صح لسانك مليون ولايكفون تقبل بويتات محاوله قــولوا لراعي القـلب الخضر والرهــيف والنصيحه تقال وسعد من طاعـــــــهـا ابـن مقـحص يحـد القلب على الرصيف بالـبـيـوت الجزال الـلي لــــها باعـها مـحـكمات(ن) ثـقال ولادخـلها خـفـيـف والعوارف بعشر(ن) تبــصم اصباعــــها تشغل اللي عشق بالوقت جنسن لطيف كـل مـاصــــــد مـنـهـا زاد بـارجـاعـهـا قالها اللي غداله يابـن مـقـحص وليف ضاع بـيـن النعـيـريه على انطاعــــــها ذود ابـوهـا بـقـفـرن مال عشبه وصيف والـبـنـيـه بـوسـط القـلـب مـرباعــــــها مير جـيـتـه نـظيـف وراح مني نـظـيـف غير عن حب ناس(ن) يكثر خداعــــها اخوك الـداهـيـه |
رد: ديوان الشاعر حمدان بن عامر الشكري (ابن مقحــص)
( أحَزآن وُهموُم )
[poem=font=",6,black,bold,italic" bkcolor="burlywood" bkimage="" border="double,4,black" type=2 line=1 align=center use=ex num="0,black""] انا ابكي اللي مضى والا ابكي الباقي= والا بلاشي بكا ودموعي اسجنها والا ابكي اللي عنيد وناوي افراقي = والا ابكي احزان فاوراقي مدونها والا ابكي سنيني اللي شدت اوثاقي = من حيث ماروح في وجهي مكامنها والا انثر الدمع من عيني على اوراقي =واكشف همومٍ بجوف القلب دافنها حملت حملٍ ثقيل وفوق ما اطاقي = واعصابي من الهموم الله يعاونها من كثر حزني تعبت وضاقت اخلاقي = حتى القريَب حزين وضايقٍ منها اصبر واجامل يلو إن الصدر ضاقي = واطلب من الله عليَ انه يهونها [/poem] وســــــــلامتكم ،،،،،، |
رد: ديوان الشاعر حمدان بن عامر الشكري (ابن مقحــص)
ــ((قصـــيدة مـــدح))ــ
[poem=font=",6,black,bold,italic" bkcolor="burlywood" bkimage="" border="groove,4,black" type=2 line=1 align=center use=ex num="0,black""] الحمد للــــــه مالحـــــــــقنا ملامه=حاضر و فالمـاضي لنا مجد واذكار ياأللي تقول الامر ماسك زمامــه=لا تامن الايـام والوقـــــــــــت دوار يمكن يجي فالوقت عج غمامــــه=فيها يضعن الاوامر والافـــــــــكـار بعدين ماتنفع حســـوف ونـدامــه=وتصير بين الناس ماضي و تذكــار في حينها تظهر رجـــال الزعامه=أللي ظلمهم وقتهم سر وجهــــــــــار أللي لهم مــــاضٍ يشـرف مقامه=خُصٍ مع الاقراب وافين الاشبــــار ذكرٍ بلـــــغ فالمجد ذروه سنـامه=يشهد به العدوان و الدار والجـــار وهلحين في حكم المليك ونظامه =فالدوله أللي دونها أنسوق الاعمار [/poem] |
رد: ديوان الشاعر حمدان بن عامر الشكري (ابن مقحــص)
| بــــــــحر جــــــده |
[poem=font=",6,black,bold,italic" bkcolor="burlywood" bkimage="" border="ridge,4,black" type=2 line=1 align=center use=ex num="0,black""] لايابحر يابحر جده مقــــــابلك ذووق=يصفى بك البال وتزيل العـنا والهـــــموم لجيت جالك صفا جوي وبالـي يروق = وبنات فكري مع امواجــــك تســج وتعــوم يبحر خيالي مع امواجك ويزداد شوق=ويسري على الموج في ضوالقمروالنجوم في مدك وجزرك استانس ونفسي تتوق =لمشاهدك لهديت وعانقتك الغيــــــــــــوم نسمت هواك العليله فالمسا والشــروق = تسعد مساي وصباحي كل ليلٍ ويــــــوم تحيي شعور المشاعر فالدما والعـــــروق=وتعيد للذاكره احلى الامل والحلـــــــوم تبري الجروح وتداوي كل قلب محـــروق =وتشفي فؤادٍ محمل بالعنا والهمــــوم ليه معك يابحر قصة محبه وشـــــــــــــوق =ايام تنسى وبعض ايام معنا تـــــــــدوم اناعلى ضفافك من الهم اصحى وافــــوق= وارتاح من شوفت القفرى ولفح السموم ياحظ منهو سكن في عالي البرج فـــــوق=ويناظر طيور في جالك تجول وتحــــــوم [/poem] |
رد: ديوان الشاعر حمدان بن عامر الشكري (ابن مقحــص)
( بلغوله سلامي)
[poem=font=",6,black,bold,italic" bkcolor="burlywood" bkimage="" border="double,4,black" type=2 line=1 align=center use=ex num="0,black""] كل ما قلت همي بالسهر ينجلي = زاد همي وسببلي جروح والــــــــــــم وكل ما قلت ابصبر غصب واتحملي= ما قويت الصبر والزاد ماله طعــــــــــم وكل ماجاء يطيب الجرح واتأملـــي = جددته المشاكل ثم ضاع الحلــــــــم والسبب صاحبٍ فالكون ماله حلي= أبعدته الظروف القاسيه وانظلـــــــــــم اثر جور الليالي ياعرب مذهــــــلي= يحرق القلب ويكسِر صليب العظـــــــم والله اني بحبه ياهلي مبتلــــــــي= حسبي الله على الايام زاد السقــــم بلغوله سلامي والغلا ياهلــــــــي= ثم قولوا ترى بعده تجرعت ســـــــــــم اشتكي لله اللي ماش غيره ولي= يفرج الكرب يجلي كل همٍ وغــــــــــــم [/poem] |
رد: ديوان الشاعر حمدان بن عامر الشكري (ابن مقحــص)
(الرفيق)
[poem=font=",6,black,normal,italic" bkcolor="burlywood" bkimage="" border="double,4,black" type=2 line=0 align=center use=ex num="0,black""] ماني رفيقٍ للضعايف والانذال = انا رفيق اللي على الطـيب ممشـــــاه ولاني رفيق مولف الهرج نقال = يجيبلك هــــــــــــــــرجٍ وللغـــــير وداه ولاني رفيق اللي مايوفي ليا قال= اللي كــلامه يختلف عــن نوايـــــــاه رفيقي الوافي وفي قول وافعال = اللي ليامنا بغينـــــــــــــاه ننصـــــــاه ورفيقي اللي ماشكيناه في حال = دايم مابين الناس تحمد ســــــــجاياه صادق صدوق الوعد مضرب للامثال= من دون ربعه يبذل المال والجاه ساس الفخر والمجد في كل لاحوال = عسى الردي واللاش ياخوك يفداه طيٌب نبا ماهو على الناس محتال = الطيب منهاجه وحلمه ومبــــــــداه صاحب مقام معرب الجد والخال = فيه الشكاله والســعد في محــــياه في مجلسه تلقى رياجيل عقــــال = اهل الكرم واهل البيوت المبنــــاه هذا الرفيق اللي القبيله له عيال = والناس الاقصين اصدقائه وخوياه وهذا الرفيق اللي به ترد الامثال = يفرض على الناس احترامه ويلقاه [/poem] وســـــــــــــــــــــــــــــلامتكم،،،،،، |
رد: ديوان الشاعر حمدان بن عامر الشكري (ابن مقحــص)
((بسم الله الرحمن الرحيم))
( الايالله زبنتك يالهي من عذاب النار) [poem=font=",6,black,bold,italic" bkcolor="burlywood" bkimage="" border="ridge,4,black" type=2 line=0 align=center use=ex num="0,black""] الايا الله زبنتك ياالهي من عذاب النــــار = انا داخل عليك اتجيرني منها وتحميني انا مالي سواك يجيرني ياحي ياغــــفار = انا مذنب وجيت اطلبك ياربي تنجينــي الاياالله طلبتك ياالهي والذنوب اكثـــــــار = طلبتك تغفر ذنوبي وتمحيها وتهـــــــــديني انا عبدك وابن عبدك اصلي واعرف الاذكار= عليك ابتكل واعمل وللجنه توديـــــــــــنــي سألتك ياالهي رحمتك لجتني الاقـــــدار = ومن غيرك الهي لطلبته شيي يعطــــــيني الهي ارفع يديني تحت كعبتك والاسـتار = ودمعت عيني اذرفها على الوجنات ويديني تبلل ثوبي الابيض واخفي داخلي اسرار = تحت حدب الضلوع الخوف والاحزان تشقيني انا تايب وانا نادم ولاليه حجج واعـــــــذار = وانا اقول العفو بيديك ياربي تعـــــــــــــافيني تعافيني وتحشرني مع الابرار والاخيار = نهار العرض بين يديك ياربي لاتخـــــــــــزيني الاياالله زبنتك ياالهي من عذاب النـــــــار = انا داخل عليك تجيرني منها وتحمــــــــــيني [/poem] |
رد: ديوان الشاعر حمدان بن عامر الشكري (ابن مقحــص)
( بسم الله الرحمن الرحيم)
قصيدة بمناسبه عــــــودة اصحاب السمو ( سلطان وسلمان ) من رحلت العلاج [poem=font=",6,black,bold,italic" bkcolor="burlywood" bkimage="" border="double,4,black" type=2 line=0 align=center use=ex num="0,black""] تزيني يابلادي والبسيلك عقود = وارقصي لجل ابو خالد فرح واحترام وانثريله بكل ارجاك فل ورود = وطرزي من حروف اسمه وشاح وسام وغطرفن يابنات ونكشن الجعود = وصف ياشعب واستقبل رفيع المقام عاد سلطان جعل اللي مضى مايعود = بعد رحلة علاج استغرقت حول عام الله اللي لطف ربٍ رؤؤف ودود = قد شفاه الذي يحيي رميم العظام عاد واستقبلوه الشعب وآل السعود = فرحةٍ عمت الدوله سوات الغمام افرحوا يااليتاما جا عريب الجدود = صاحب المده اللي مالحقها ملام كم تبرع لجمعيه بليا حدود = وكم تبرع لمستشفى واشاد واقام خير سلطان ماهو مختصر ومحدود = خير سلطان شامل للمواطن وعام اشهد انه على شعبه بجوده يجود = واشهد انه على الجزلات سيد الكرام يحفظ الله ولي العهد واف الوعود = الامير الوزير ابن الملك والامام قايد الجيش دون المملكه به يذود = في نهار الوغى والشر والاحتدام لن دعانا حضرنا له وفود وحشود = دعوته واجبه في حرب والاسلام احترامٍ لسلطان اوقفوا ياقعود = واضربوله تحيه واعزفوله سلام وبيض الله ياسلمان وجهك وزود = وقفتك مع طويل العمر اكبر وسام راعي الفزعه اللي ماتبيلك شهود = كاسب الطيب من عود وخوال وعمام منك ماهي غريبه وانت رجل معدود = ترتكي للحمول وتحتزم بالحزام قبلها لك مواقف بالوفا والصمود = مع فهد جعله الجنه بعالي المقام والنهايه هلا يامرحبا ياالفهود = عد من حج بيت الله وصلى وصام [/poem] وســـــــــــــــــــلامتكم ،،،،،،،، |
رد: ديوان الشاعر حمدان بن عامر الشكري (ابن مقحــص)
(تــــوئم الـــروح
[poem=font=",6,black,bold,italic" bkcolor="burlywood" bkimage="" border="double,4,black" type=2 line=1 align=center use=ex num="0,black""] نورت دارك ونورت البلد كله = نورت في جيتك يانور هالديره يانور قلبي ويافيه وياظله = ياطيب القلب والاخلاق والسيره ياعنبر ورد ياكادي ويافله = ياعطر فاح بسحر نسمت تعابيره انت الوفا والغلا والقلب محتله = بحساس نبضك وتفكيرك وتصويره طلتك نور القمر ياباهي الطله = تشرق سما دنيتي ويحل تنويره ان غبت عيني علاك دموعها تهله= ويضيق كل الفضا باوسع معاييره وان صرت قربي تراها منتهى الفله = احس باني ملكت الكون واديره ياتوئم الروح غيرك ما قبله لله = هاذي قناعات وجداني وتفكيره اخترتك انته مابين الخلق ذا كله = قرار قلبي وقلبي صعب تغييره [/poem] وســــــــلامتكم ،،، |
رد: ديوان الشاعر حمدان بن عامر الشكري (ابن مقحــص)
( يبين الرجال)
[poem=font=",6,black,normal,italic" bkcolor="burlywood" bkimage="" border="ridge,4,black" type=2 line=0 align=center use=ex num="0,black""] تبيُن الرجال من بين الرجــــال = سود الليالي ثم قوله وعمـــــله رجلٍ مابين الناس يضربه مثال = بالصدق والاخلاص ربك كمله ورجلٍ يبين للحرام من الحلال = بالقول والحكمه وعلمٍ حاملـــه ورجلٍ يشيل الحمل ويشيل الثقال= الحمل لو كايد لربعه يحملــــه ورجلٍ ليا جات اللوازم كالهــلال = علاه ماتصعب حلول المشكله ورجلٍ عطاه الله جاه وكثر مــال = لكن ما الله في حياته جملــــــه ورجلٍ حبيب وفيه من زين الخصال = بس الفقر لاعن ثواه مزلزله ورجلٍ يصنف من صناديد الرجال = ابعد رفيقٍ له كنه من هلــــه ورجال لو انه على الظاهر يقال = رجال لكن فالحقيقه ما اخبلــه لوكان يلبس بشت وشماغ وعقال = حرام لو بريال ما يستـاهلــه ورجلٍ مابين الناس لجاله مجال = تثني علاه الناس دون مجامله ورجلٍ كما الدخان والجرف الهيال = انحش عنه لاتلمسه لاتاصله ورجلٍ تشوفه كن شايله جبال = من القهر والهم شييٍ مذهلــــــه ياكثرلو نبغي نعدد بالرجــــال = بس الرجل يعرف بقوله وعمـــله [/poem] وســــــــــــلامتكم،،،،،، |
رد: ديوان الشاعر حمدان بن عامر الشكري (ابن مقحــص)
( حال الدنيا )
[poem=font=",6,black,normal,italic" bkcolor="burlywood" bkimage="" border="solid,4,black" type=2 line=0 align=center use=ex num="0,black""] سلام والدنيا تفر وتجتول = واللي معه فكر وعقل يصحالها يشيب منها الراس ويشيب العقل = واللي معه حيلها عجز يحتالها احدٍ نزل فيها والاخر قد رحل = كل العرب منها تشد رحالها اهل القصور الشاهقه واهل الفلل = ماعاد ينفعها رؤؤس اموالها حتى الملوك اهل الممالك والدول = ماعاد فيه الايكود اطلالها وين الصحابه ياولد وين الرسل =خير البشر ففعالها واقوالها هم صفوة العالم بلاشك وجدل = امه خلفها امها وحنا عيالها راحوا من الدنيا على سرع وعجل = ما باقي الا ذكرها وافعالها ترى دوام الحال ماعمره حصل = الا لرب الكون مفن اجيالها دنيا تلف براس مهبول وخبل = حتى كثر على العباد اخبالها العاقل من اهوالها باح العقل = لو قالوا الشرهه على عقالها ناسٍ تلف الحبل وتعقد الحبل = ثم ضاعت العقده على حلالها حتى الرجال اللي ترسي للحمل = راحت مابين بروقها وخيالها اصغر قضيه كنها كبر الجبل = كبرت على عمانها ورجالها كل المشاكل مالها دبره وحل = مادامت امر القوم في جهالها خلاص ماينفع مشاريه وزعل = كلٍ على الغارب يجر احبالها يالله ياربي علاك المتكل = تصرف عن الامه شرور اعمالها [/poem] وسلامتكم،،،، |
رد: ديوان الشاعر حمدان بن عامر الشكري (ابن مقحــص)
(بسم الله الرحمن الرحيم ) تهنئه بمناسبة عيد الفطر لعام : 1431هـ [poem=font=",6,black,bold,italic" bkcolor="burlywood" bkimage="" border="solid,4,black" type=2 line=0 align=center use=ex num="0,black""] بدينا وابتدينا بسم ربي خالق الاكوان = بدينابه تعالى مهدي الكافر للاسلامي وحنا مسلمين وديننا من خيرة الاديان = بفضل الله مفضلنا بدينه عز واكرامي بدا شهر الكرم والجود والقرأن والغفران= وفيه المسلمين المخلصين صيام وقيامي عملنا واجتهدنا نطلب المعبود فالقبلان = عسى يقبل عملنا ويتجدد وصل الارحامي عسى ربي يثبتنا وينصرنا على العدوان = ويعلي كلمة الحق ويتحقق كل الاحلامي ومن بعد الشهر خلص هذه وقت التهاني حان = نترجمها لكم ببيات شعر بفكر والهامي نهني قايد الشعب المليك وسيدي سلطان = تهانينا بعيد الفطر واجب والهدف سامي ونهني كل الاسره ونتحمد بالشفا لسلمان = نيابه عن سليم سليم ربعي ربعٍ احشامي ومن بعده نهنيكم بعيد الفطر ياالسلمان = من العايد علاكم هالسنه وبكل الاعوامي عسى الفرحه تعم ويفرحون الاهل والصدقان = عساها فرحةٍ تبقا لكم في كل الايامي نهني شيوخنا واعلامنا ونهني الاخوان = وتاصل كل فرد بدون ذكر اشخاص واسامي تهانينا تصل كل سلمي في ساير البلدان = وتاصل كل شخصٍ بالسعوديه له اشمامي تعم الشعب شعب المملكه والنا الوفا عنوان = ترى طبع الوفا ياربعنا من طبع الاكرامي وهذيه تهانينا لعله مابها نقصان = كتبنها لكم من نظمنا و بخط الاقلامي كتبنها لكم في منتدنا منتدى السلمان = ونرسلها لكم عبر الوسايل صحف واعلامي [/poem] وسلامتكم ,,,, |
رد: ديوان الشاعر حمدان بن عامر الشكري (ابن مقحــص)
فيلا واف جي ي[poem=font=",6,black,bold,italic" bkcolor="burlywood" bkimage="" border="solid,4,black" type=2 line=0 align=center use=ex num="0,black""] ياشيخ ياشيخٍٍ تصــوم وتحجي = والله عـــطاك قصور واسواق وابراج جيتك بعد ربي وطالبك وارجي = جيتك وانا ياشيخ ناصي ومحتاج افــــــزع لنا قبل نضيع وندجــي = لوكــان فيـهالـك مغثه واحــــــراج ودي بفله ياابن الاجـواد واف جي = فلـــه بها نسـكن وننــعم بديباج ينـومس المجلاس فيها ويهجي = ونــفرح ليا جـــونا المســـايير هراج والجيب نعطيبه علي كل فجي = ونركب عليه اليا نــــــوينا بمنهاج اليا عطينا البــــر جال اله عجي = ماركــــــــبه اللي فالبلد دوم دواج من وارد اليابان جـــــديد لنجي = صوت المكـــينه يشبه لصوت ميراج يشق صعبات الرمال ويفـجي = فج السفينه لضربت عرض الامواج منوة هل المرواح واهل المسجي =واهل المطاليع السفيره والاسهاج لب الطلب ياصاحبي ياابن حجي =عساك محمي من الصواديف ومناج اما عطى ولا لعامين حــجي = والله يقـــــض الدين بيديه الافــــــراج حيث الزمن صاير علينا يعجي = والحـــــــــظ لامنا عدلــــــــناه ينعاج يالله من جور اللــــــيالي تنجي = وتكتب لنـــــا من كل ضيقه بمخراج [/poem] |
رد: ديوان الشاعر حمدان بن عامر الشكري (ابن مقحــص)
(السهر والانين)
[poem=font=",6,black,bold,italic" bkcolor="burlywood" bkimage="" border="solid,4,black" type=2 line=1 align=center use=ex num="0,black""] ياماجد القلب مابين السهر والانين= وانا احسب الوقت جيتها وترحالها شفني وانا منتظر في كل لحظه وحين = والعين تذرف دموع وزاد همالها ياكم مضى من سنين وكم بقا من سنين= واقول لابد اجي يوم(ن) على بالها ماكني الامكبل وسط سجن وسجين = طاوعت نفسي ولاطاوعت عذالها ياخافقي لايضيرك هالزمان المشين = مادام انا عشت بالدنيا على امالها لو شان وجه الزمن وجهي لها مايشين =في جوف صدري مرابعها ومنزالها ياماجد القلب مابين السهر والانين = وانا انتظر وقت جيتها وترحالها [/poem] وسلامتكم،،، |
رد: ديوان الشاعر حمدان بن عامر الشكري (ابن مقحــص)
بسم الله الرحمن الرحيم
هذه قصيده بعنوآن : اترك كلام افلان قال وفلاني [poem=font=",6,black,bold,italic" bkcolor="burlywood" bkimage="" border="solid,4,black" type=2 line=0 align=center use=ex num="0,black""] يارجل ياللي تصد ماني براجيك = ارجي من اللي لارجيته عطاني والا انت مخلوقٍ تلون مباديك =كل يوم لك لونٍ ولك شكل ثاني والله ماقف عند بابك ولاجيك = حتى ولو أن الزمان يحداني ياهيه لاتنفخ وتكبر علابيك = اصحى لدورات الفلك والزماني احفظ لسانك للغلط لايوديك = وتوب عن هرج القفا واللعاني الرجل لامنه حكالك حكا فيك = قولٍ صحيح ولايباله بياني وانته كثر هرجك وكثرت حكاويك = اصحى لهرجٍ تنطقه باللساني نصيحتي لك كب قولٍ يزريك = واترك كلام فلان قال وفلاني لله توب وخل عنَك دواديك = من قبل لابكره تذل وتهاني نصيحةٍ لك من محبٍ ويغليك = يبغالك الخير ودروب الاماني [/poem] وســــــلامتكم ،،،،، |
رد: ديوان الشاعر حمدان بن عامر الشكري (ابن مقحــص)
\7
ياسلام الله عـــلاكم ياالعمـــــوم ** في مجالسنا عسى الخوه تــــــــدوم ياالرجال اللي تسدون اللـــزوم ** والحقيقه ماعــــــلى البــــــاقين زود ياعسى من اسس الفـكره يدوم ** وياعساه من الاجر ماهو مـــحروم لم شمل سليم في شـعر وعلوم ** والحقـــيقه ماعـــــلى البـــاقين زود صرحكم شامـــخ وعلو فالبــــنا ** ومن يعارضــكم لعــــــله للفــــــــنا والشكر تستاهلــــونه والثــــــنا ** والحقيقه ماعلـــــى البـــــاقين زود ياعساكم ياجمـــاعه سالمـــــين ** وعلى دروب الجماله واصـــــــلين انتم احفاد الصحابه واهل دـــين ** والحقيقه ماعــلى البـــــــاقين زود انتم سليم الرجــــال العـــــارفين** ربعي اللي فالمواقف صــــــــادقين افتخر فيكـــم امام الحاضــــرين ** والحقيقه ماعلى البـــــــــاقين زود مكرمين الضيف مزبنة الدخــيل ** ولابهم رجـــــــــــــلٍ ردي ولابخيل من عمل طيب نجازيه ا لجمــيل ** والحقيقه ماعلى البـــــــــاقين زود محتمين الجار من عصر قـــديم ** ولو بغا البـــــــاغي عــلانا مايهيم محكمين العلم والراي الســـليم ** والحقيقه ماعلى البـــــــــاقين زود مجدنا ماهو سرابٍ في ســـراب ** مجدنا تاريخ محــــــفوظ بكتـــــاب والله انا مانــذل ولانهــــــــــاب ** والحقيقه ماعلى البــــــــاقين زود نفتخر باسم القبيله والجــــــدود ** والحكم حكم المـــلوك ال الســعود والله انا مانخون الهم عهــــــود ** والحقيقه ماعـــلى البــــاقين زود والعذر كان ان جاء مني قصور ** لو مدحت سلــــيم ربعــي ومعذور ويعلم الله ماكتبنـــــــــا شي زور** والحقيــقه ماعـلى البـــاقين زود وسلامتكم..... |
رد: ديوان الشاعر حمدان بن عامر الشكري (ابن مقحــص)
( اخر لقا والوداعي )
[poem=font=",6,black,bold,italic" bkcolor="burlywood" bkimage="" border="solid,4,black" type=2 line=0 align=center use=ex num="0,black""] ارسل لك شعوري عبر كل نسناس = تعبير عن حبي وصدق انطباعي ارفق على قلبي ترى مابه انفاس = حافظ عليه من التعب والضياعي ذبحتني بعيونك الهدب الانعاس = كنك بها ترسل عليه شعاعي عيشتني مابين همٍ ووسواس = وحسستني بانك حبيب وتراعي صمتك وهجرك والقهر شيب الراس = صار الحزن والصبر موضع صراعي اثرك بلا كل المشاكل والاتعاس = وانا احسب اني فالهوى شخص واعي ارحم ترى صاحبك شاعر وحساس = والا تراه اخر لقا والوداعي [/poem] وســلامتكم |
رد: ديوان الشاعر حمدان بن عامر الشكري (ابن مقحــص)
( يالله يافارج الهم لاتخليني [poem=font=",6,black,normal,italic" bkcolor="burlywood" bkimage="" border="solid,4,black" type=2 line=0 align=center use=ex num="0,black""] ياحلمي اللي على الاحزان ترميني = وياهمي اللي تغلغل وسط شرياني الهم والحزن والغربال تكويني = حتى السهر والالم بـ سمي وعنواني لو قالوا الناس وشبك قلت مافيني= م غير كثر السهر والنوم ماجاني قامت سنيني على الجنبين تكويني= والحلم راح وتبخر في سما احزاني لوكان ابجمع شتات العمر بيديني = ماعاد للوقت باقيه ولامداني ولوكان ليل السهر صبحه يداويني = ماكان شفت الجروح اللي بالاجفاني ماعاد كل الذي حولي يسليني = صديقي الحزن خاويته وخاواني يالله يافارج الهم لاتخليني = ياباسط ايديك للي مثلي يعاني تفرج همومٍ ضحاياها شراييني= وتزيل عني معاناتي والاحزاني [/poem] |
رد: ديوان الشاعر حمدان بن عامر الشكري (ابن مقحــص)
( بسم الله الرحمن الرحيم )
قصيده بمناسبة هطول الامطار .. يوم الارعاء الموافق 23/1/ 1432 [poem=font=",6,black,bold,italic" bkcolor="burlywood" bkimage="" border="solid,4,black" type=2 line=1 align=center use=ex num="0,black""] يوم الربوع اليوم في طلته غير = يومٍ جميل وغير عن كل الايام اشرق علينا بغيمته حامل الخير= والسحب في كبد السما كنها اركام يوم السعد يوم المطر والتباشير= يالله عسا ذا الغيث لديارنا عام عساه يمطر قبل مانمشي عصير = من شان نلقى السيل والنقع قدام نمتٌع الانظار ونواصل السير = للديره اللي شوفها عشق وهيام تنبت بعده الارض ويغرد الطير = وتحيا النخيل الباسقه ذات الاكمام ويزين جو البر بعد المعاصير = وتحيا النفوس بشوفته حب والهام ولاعاد من عذر ولافيه تبرير = نبي نطوي العفش والطلعه الزام [/poem] ســـلآمتكم . . |
| الساعة الآن 11:45 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
كل الآراء المنشورة ( مواضيع ومشاركات ) تمثل رأي كاتبها و لا تعبر بالضرورة عن رأي القائمين على الموقع