استفسار لابيات لابن جدلان نرجو التفاعل
 

السلام عليكم ورحمة الله وبركاته
اخواني اعضاء منتدى سليم
هناك بيتين سمعت من صغري انها لابن جدلان وعندما اكون في سفر او ساهي بالفكر فاني اغنيها وارددها
واليوم كنت ابحث عنها في قوقل علني اجدها قصيده كامله******
لكن الغريب اني لم اجدها وانما وجدت ان كل شطر منسوب لشاعر******

وقصة هذه البيتين ان ابن جدلان ذهب للمستشفى ووجد معه فقر دم
فقال :

يافقر قلي وش تبي من ورانا
...... زود ن على فقر الدراهم فقر دم
وان كان بنك الراجحي ماعطانا
...... ان يبطي الديان ماقلت له تم


لذا نرجو من اي شخص لديه معلومات عن هذه البيتين ان يزودنا بها******

رد: استفسار لابيات لابن جدلان نرجو التفاعل
 

وعليكم السلام ورحمة الله وبركاته

هذي القصيده يقال انها للشاعر زامل الحميدي السبيعي
وهذي القصيده كامله ..




يافقر قلي وش تبي من ورانا
......... زودٍ على فقر الدراهم فقـر دم

ما حاشت ايدانا غدابه عطانـا
.......... تبذل ولا نحسب ايدينا عطت كم

ولا به رصيد عندنا من بدانـا
........... الا الفعول الطيبه وخشية الـذم

ولو ان تسلف للغداء مع عشانا
............. نصبر ولو أحوالنا كلهـا هـم

والضيف ليا منه لفانـا وجانـا
........... نفرح ويبشر بالكرامه ويكـرم

بالدين والا بالسلف من حدانـا
.......... ويروح مبسوطن وبالذكر نغنـم

في عيالنا نزرع عوايـد ابانـا
............ نبقا ونحيا مـا بقينـا ونسلـم

فقر لو يظلم علينـا سمانـا
............ رجالنا بالجود والطيـب يهتـم

البخل ينبذ ما يجي فـي نحانـا
.......... والجود نسعى له وبالخير يقـدم

يا فقر لو با الجور همك وطانا
............. وهاماتنا ما تنثني لـك نكـرم

نشوم عن فعل الردا والهوانـا
............. ونروم لفعول تنومس بني عـم

وليا منحنا الوقت منـه خذانـا
...........الطيب والشيمه ومع الحزم نحلم

يا فقـر بالله لا تـزود عنانـا
...... أرحل لعل من الغنا الحال ينعم

مدامنا بالعمرو نمشي أخطانـا
..... وليا رحلنا عندك الأرض به عم

رد: استفسار لابيات لابن جدلان نرجو التفاعل