منتدى سليم - ــــ { ياداره دوري} ــــ

{ ياداره دوري }
0
0
0
تعلاّ ياقصيـدي وان زهمتـك بالمواقـف عـون
ونجـم ٍ فـي سمـا حلـو القوافـي و أعـذب لحونـه
00000
يا أجمل شيطنة تلقى لها مـن كـل شكـل ولـون
تجـي تعثـى بصـدرٍ ضمّهـا مـن زايـد المـونـه
00000
لو أسكت عنك ياشيٍ بصـدري صار همّـي كـون
تجبـّر واحكـم القبضـة علـى الخفـّاق وركـونـه
00000
وانـا لـولا نَفَسْـكْ يعودنـي مـع جـرة الملحـون
خطيـر أصيـر مجـروح الزمـان المـرّ و طعـونـه
00000
أحرّر بك أسيرٍ طوّل أسره فـي رجـا : يعفـون
وأفـكّ البـاب للكلمـة بعـد مـاهـي بمسجـونـه
00000
أقـول اللـي ينسيّنـي جنـون وعـالـمٍ مجـنـون
وألمّ الريـح لأسـراب الحمـام وتِنشـد غصونـه
00000
أحـس إنـي نسيـت اليـا فتحـت البـاب للمكنـون
وطويت الصفحة بصفحـة بهـا الآمـال مقرونـه
00000
تمرّك يالسهـر كـل الجهـات وتحترفـك عيـون
وأجي في بال همّي وأفتـح المقفـول لضعونـه
00000
زمان ،ونـاس ،وأضـداد ،وشبيـه ،ودايـن ومديـون
وصبرٍ طال بالـه فـي سبيل أرواح مرهونـه
00000
لك الله ما انولدت أحيا الفتات ولاخِلقـت لهـون
ولا سولفـت لأبـواب السـؤال بنـفـس محـزونـه
00000
يظلّلني شجر قاعـي والا شـح الشجـر ممنـون
تساوى الموت مـع لحظـة سـؤال وذل ملعونـه
00000
دروبك يالوفا تذكر خطا مـن طبعهـم يوفـون
وطبع أهـل الـردى لـو وردّوا مـوردك يخطونـه
00000
يمدّون الشمال لْمن يمـد لْهـم يميـن العـون
وكـيـد الله أعـظـم لو بـقـى كـيـدٍ يكيـدونـه
00000
سلى عن فعلهم خاطـر خطـر بأفعالهـم يبقـون
تشدّ الهم ركايـب تطـوي البيـدا علـى دونـه
00000
على دونه سمرت الجمرة اللي شبـّت الغليـون
على دونه تعديت السحاب وجيـت مـن دونـه
00000
على دونه عطا الدنيا عطت واللي عطته الدون
على دونه على دونه بقى مـن صبرنـا لونـه
00000
يـادارة كثـر مـاودّ السهـارى للفجـر يشكـون
كثـر ماخابـت ظنـون وكـذب حلـمٍ يعيشونـه
00000
يادارة دوري باطفـالٍ نسـوا لأوجاعهـم ينسـون
يـادارة دوري ودوري اليـن الـحـزن ينسـونـه
00000
وعسى الله يحفظك يامن تقول اليا شكيت تهـون
تقـول تهـون ويهـون الصعيـب بقـول ياهونـه
00000
تمـر أنفاسهـا فـ الجمرتيـن وتستمـيـل غـصـون
ويذوب الشمع ويمـوت الحـزن فينـي وفرعونـه
00000
على شاني تصبّ الما لملحه والسحاب جفـون
وعلى شانه عـلا شـان القصيـد وجـاد بفنونـه
00000
عليها كثـر ماتطـري سـلام الخالـق المسنـون
سلامٍ يرتكـز بيـن الضلـوع العـوج مضمونـه
00000
عليّ أبطت وأنا ما شغلـت فكـري بالـذي يبطـون
ولكنّ الــغلا يفرض ، على المغلين قانونــــه .
0
0
0
شعر : سعود بادي