منتدى سليم - خبلٍ آذآ جآب آلسوآلف سردهآ...

تقول العرب خذ علوم القوم من سفهاءها.

لأن السفيه يتحدث بكل علومه بدون حساب ولا معرفه. وفي هذا قصة صقر بن مسلم النصافي يقال ان مجموعة من الناس خمسة وعشرين رجل شخص خرجوا في قرب ايام عيد ببضاعة محملينها على الركايب. من صحراء الكويت . بقيادة ( صقر بن مسلم النصافي ) فقالت له احدا قريباته يا صقر خذ هذا الورع خله يتعلم منكم المرجله والرجالة والشجاعة وكان اسمه ( علي )
فاخذه معهم عشان يتعلم وكان الصغار يتعلمون من الكبار ومجالستهم والسفر معهم.
وكان كلمة الورع تطلق على الطفل منذ الطفولة حتى يتزوج
ولاحظ صقر على الولد ( الورع ) كثرة الكلام .
فكان يحرصه على عدم الكلام، وخاصة فيما عندهم من بضائع وحمل.
فساروا حتى وصلوا إلى مكان ينامون فيه ويرتاحون وبعد العشى ناموا من التعب غير الورع لم ينام وذهب يتمشى فإذا به ينظر إلى خيام قريبه فيها عرس وقرب منها يتفرج على الرقص والحفل.
وكان العرس فيه اختلاط شريف يكون الرجال في جهة والنساء في جهة مقابلة
فقرب الورع يتفرج على الرقص والغناء والقصيد واذا ببنت جميلة ترقص في صف النساء عليها دناديش ( زينه )
فرآه احد الرجال ودعاه للدخول واكرموه وياخذون علومه وفيه شايب ذكي قاله يسال الولد وش رايك بعرسنا شفت الرقص شفت البنية راعت الدناديش.وبدأ يضحك معه ويوانسه بهدف ياخذ علومه ، وانت من وين جاي وش اسمك وبدا الولد يتونس ويسولف وقالهم انا اسمي علي وجاين من مكان كذا وكذا ومعنا كذا وكذا حتى قال كل العلوم اللي عن ربعه وعن القافله وعن البضاعه.
وبعدها رجع الولد لقافلته بعد ما اخذ منه اهل العرس كل علوم قافلته واسرار بضاعتهم .
ونام وفي الصبح سآل صقر النصافي الولد وين كنت البارحه في الليل وين رحت ومن قابلت فخبرهم انه راح يتفرج على عرس قريب، وقال الولد انه سولف معهم وسألوه عن القافله فعرف انه قال لهم عن كل شي فقال صقر بن مسلم النصافي هذه الأبيات :
يا ( علي ) خل العيد لأم الدناديش
اللي تنظف كل يومٍ جسدها
تبغي تماري ناقضات العكاريش
في كل ملفاحٍ تنقض جعدها
العيد عيد الله ولو فات حتيش
من حسبت أيامٍ يمرك عددها
نبي نعلمك المساري على الجيش
تمشي ذلولك لين يفتر جهدها
خابرك منت بضاري للمطاريش
نبيك تونس حلوها من نكدها
ليله على مسرى وليله مغابيش
وليله نخلي نومها لمن رقدها
وليله على تمره وليله على عيش
وليله نوكلك الشحم صيد يدها
يا علي وان جيت العرب لا تصير ديش
خبلٍ إذا جاب السوالف سردها
احفظ لسانك لايجي فيه تبطيش
تصبح عيونك كايداتٍ رمدها
يجيك من ينشدك نشد التفاتيش
يبي يسنع هرجةٍ يعتمدها
خله يقوم مفلتٍ في يده ريش
يروح منك وحاجته ماوجدها
ترى دعابيل الخبول الفوانيش
تبدي بما فيها ولاحدٍ نشدها
يجيك واحدهم يورش تواريش
سحابته يسبق مطرها رعدها
ولا لعمقات السواليف مناقيش
عند قرايت الكلمة على أول عددها
تجي سوالفهم بضحكٍ وتبهيش
وقلوبهم محد يفكك عقدها