|
ابريق شاهي
اسعد الله صباحكم / مساكم بالخير ابريق شاهي ليلة البارح عقب ما كنت ساهي في فراشي والظلام اسدل قناعه صاحبي نادى لكني كنت فاهي صارخ وفزيت يمه ياجماعه قال لي سهران ؟ ثم شد انتباهي احسبك نايم ولك بالنوم ساعه قلت انا البارح شربت ابريق شاهي طار معه النوم والراس بصداعه والحقيقه ياجماعه كنت لاهي مع حبيب(ن) راح واعلن لي وداعه كان حبه لي مثال للتباهي هو جسد روحي وانا كني ذراعه طفل انا عنده وهو لي الملاهي كيف اعيش اليوم من عقب انقطاعه حالتي حالة غريب اوطان تاهي في غياهيب الدجى واعلن ضياعه صاحبي وانته من الناس الدواهي من رموز اهل الكرم واهل الشجاعه لا تحسب ان البلا في ابريق شاهي البلا باللي خذا روحي وداعه وسلامتكم ابراهيم السلمي |
رد: ابريق شاهي
الاخ الشاعر \ ابراهيم النقريني
صح لسانك على هذا النص الغزلي العذب الجميل بصوره الشعريه الجميله وتركيبته الشعريه السلسه وجمال القافيه الرائعه سلمت وسلم منطوقك |
رد: ابريق شاهي
المشرف المميز حمدان مقحص صح الله بدنك
سلمت يالغالي على المرور لك مني اجمل الود محبك ابراهيم السلمي |
رد: ابريق شاهي
\7
|
رد: ابريق شاهي
الاخ / ابراهيم النقريني
صح لسانك ولا هنت ابيات جزله من شاعر جزل تقبل تحياتي ومروري |
رد: ابريق شاهي
اقتباس:
صح الله بدنك يا ابو عادل ههههههههههههه ولولا هذا التاثير لضاع التفكير شاكر لك مرورك الرااائع واشادتك المميزه دمت بود |
رد: ابريق شاهي
الرائع والمميز منصور نايف البقيلي صح الله بدنك
سررت بمرورك الجميل دمت رائعا ك حضورك |
رد: ابريق شاهي
\7
|
| الساعة الآن 10:21 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
كل الآراء المنشورة ( مواضيع ومشاركات ) تمثل رأي كاتبها و لا تعبر بالضرورة عن رأي القائمين على الموقع