اليوم الوطني
الوطن له يوم نفرح به وفيه الإحتفال
إحتفال مناسبة تأسيس دوله فالجزيره حكمها شرع الله وحكامها خيرالرجال حكمهم وفق الشريعه مانبي فالدار غيره نحتفل ماهو مثل ماقيل تفحيط وخبال إحتفال يليق به من شعب له نخوه وغيره العلم راية بها ذكر الذي رسىٰ الجبال الشعار اللي على فوق البنا في كل ديره لاإله إلا الله أكبر فوق شديد المحال من جهلها خاب فالدنيا وعند الله كبيره يالله اللي منزل الأمطار من غر الخيال تحفظ الديره وأهلها ياوليٍ ماش غيره الدول من حول دولتنا جنوب ومن شمال الفتن فيها مثل نارٍ لهايبها سعيره يالله اللي مالنا غيره عليه الإتكال تجبراللي مانفع فيه الصماد ولا الجبيره العرب ماعندها غير العجل والإنفعال والضماير مالقينا عندها للشام غيره العداء قامت تكالب فوقنا من كل جال كل منهم للطماعه يمنا يشعب بعيره والله إن الامن نعمه ياكريمين السبال مانبي غيره لو إن الزاد من تمر وفطيره يالله تديم الأمن دايم وترزقنا الحلال تبسطه فوق البلاد وتجعل النعمه وفيره في حكم دوله وحكامٍ لهم فيها ضلال الملوك اللي تحكم وحكمها نور وبصيره نفاع عواض الربيقي السلمي |
رد: اليوم الوطني
الاخ الشاعر والمشرف \ نفاع الربيقي
صح لسانك قصيده جزله ويستاهل الوطن كل القصائد والاحتفالات صح لسانك ولاهنت |
رد: اليوم الوطني
صح لسانك أبا ثامر على ماكتبت في هذا الوطن فمهما كتبنا من كلمات وجُمل وشعر لن نوفيه حقه نسأل الله أن يديم علينا وعلى جميع المسلمين نعمة الأمن ولأمان .
|
رد: اليوم الوطني
_‗ـ-ะǁ¦نفـآع الربيقـي¦ǁะ-ـ‗_ صح لسانـگ ومشكور على القصيدة يعـطـيــگ ربـــي ألف عــافـيـــــــه لـگ منـي أجـمــل و أروع تـحـيـــه ܢ܌ރ_‗ـ•−ـ‗_•−ـ‗_ •−ـ‗_ܢ܌ރ |
رد: اليوم الوطني
اقتباس:
الشاعر والمشرف القدير حمدان بن مقحص صح الله بدنك ورفع الله قدرك وماتهون يالغالي |
رد: اليوم الوطني
اقتباس:
أبو سامر صح الله بدنك ورفع الله قدرك شرفني حضورك مانعدمك |
رد: اليوم الوطني
اقتباس:
صح الله بدنك أخي البارودي ورفع الله قدرك شرفني حضورك سلمت يالغالي |
رد: اليوم الوطني
الشاعر نفاع الربيقي
قصيده رائعه في الوطن الغالي على قلوبنا كتبت وابدعت في صياغه ابياتها وفي ماتحتويه من اغراض شعريه مفيده وذكرت في طرق الاحتفال الصحيحه التي لاتودي الى مشاكل ومعاناه تجعل العيد الوطني محل من الخوف صح لسانك على القصيده |
رد: اليوم الوطني
الأخ العزيز صابر الصابري مساعد المدير العام
الروعه حضورك يالغالي صح الله بدنك ورفع الله قدرك مانعدمك تقبل أجمل التحايا |
رد: اليوم الوطني
لا فض فوك ولا كثر شانئوك قصيدة جزلة وفقك الله |
الساعة الآن 08:49 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
كل الآراء المنشورة ( مواضيع ومشاركات ) تمثل رأي كاتبها و لا تعبر بالضرورة عن رأي القائمين على الموقع