أكتفيت من الشقا

وش بقالك وش بقا

فيك والله ماهقا

آه منك يازماني

السنين اللي مضت

ماعلى غيري مضت

كل هم ٍ لي رضت

جات لي بشكل ثاني

لو بغيت أقول عنها

ماعرفت ألا هونها

ألبستني من لعنها

ثوب تفصيل وكساني

من صغر سني وانا

في مكاتيب العنا

كل ماجت دندنا

دندنت جوف المحاني

السعادة مااعرفها

كود غيري لي وصفها

والتعاسة مكتنفها

داخلي سوت مباني

آه من وقت المهونه

حط فعيوني عيونه

وقام يرخيلي جفونه

قمت احسبها ثواني

يازماني وش بقالك

صار كل اللي بدالك

المعذب ما طرالك

يوم تصفاله بأماني

جاه ماكفاه واكثر

اخضر أوراقه تنثر

كم من وقته تعثر

يازمن بالحيل جاني

ليش يوم انك تجنا

جيتني منا ومنا

ليش تظلم يازمنا

شخص مثلي وتعصاني

من ظلم يلقى مصيره

والحياه أصلاً قصيره

أفهومها يالبصيره

وكل بحر وله مواني


بقلم / لاحق الفني السلمي

لاحق الفني السلمي

صح ألسانك واعتلا شانك

كتبت وابدعت

تقبل مروري

بأنتظار جديدك

تحياتي,,,,