منتدى سليم - الشعر عند سليم مبني على ساس

منتدى سليم (http://www.solaim.com/vb/index.php)

- ميدان الشعر الشعبي (http://www.solaim.com/vb/forumdisplay.php?f=68)

- - الشعر عند سليم مبني على ساس (http://www.solaim.com/vb/showthread.php?t=47649)

الشعر عند سليم مبني على ساس

ياحبنا للشعر والشعر هوجاس
يكيّف بيوته على الوزن راعيه
,,
لسان ينطق به ومصداره الراس
هاجوس يلفي ساعة انك تناديه
,,
الشعر عند سليم مبني على ساس
ماهو من أسواق الرديات تشريه
,,

أخذ منه واعطي مع الناس بقياس
واللي يجاريني على الشعر أجاريه
,,
واخاوي أهل العرف طيبين الانفاس
والرجل فالطرقه خويه يباريه.
,,
وأبعد عن اللي حك الأضراس باضراس
يمشي معك بالوجه والصدر ماليه.
,,
يبين لك الحسنه ويخفي لك الباس
ونـهــــــــار تعــتـازه تباين مواريه

وترى جليس السوء يخشرك فالكاس
يخشرك كاس الحنضله لن تخاويه
,,

والوقت هذا في هقاويه محتاس
الظفر من يسلم غثاه وبلاويه
,,

هذا الزمان الكهربه وصلت الماس
وإحذر على عرضك ترا سمعتك فيه
,,

الناس تلقاهم على أشكال وجناس
والخيّر اللي يعجب الناس طاريه
,,

وهذي نصيحه جتك من راس قرناس
يقولها اللي صالي الوقت كاويه
,,

واللي على حشمه وقنن ونوماس
ماهي خساره ياعسى الروح تفديه

(((((نفاع عواض الربيقي السلمي)))))