منتدى سليم - حمدان يا حمدان .......... أمك توصيك

منتدى سليم (http://www.solaim.com/vb/index.php)

- منتدى التراث الشعبي والمحاورات الشعرية (http://www.solaim.com/vb/forumdisplay.php?f=42)

- - حمدان يا حمدان .......... أمك توصيك (http://www.solaim.com/vb/showthread.php?t=6525)

حمدان يا حمدان .......... أمك توصيك

حمدان يا حمدان .......... أمك توصيك
قصيدة كتبتها عجوز بعد أن اودعها أبنها في دار المسنين
وطالت المدة لثلاث سنوات بدون أن يزورها
ورغم كل هذا كانت القصيدة مليئه برحمه وعطف الأم
الله يخلي لنا امهاتنا يارب
ويارب تكون هالقصيدة درس للكثير من الأبناء
ودرس لزوجات الأبناء اللي يحرضون الأولاد على عقوق أمهاتهم
والدنيا دوارة

اترككم مع القصيده

وين انت يا حمدان امـك تناديـك .. وراك مـا تسمـع شكايـا وندايـا

يا مسندي قلبي على الدوم يطريـك .. ما غبت عن عيني وطيفك سمايـا

هذي ثلاث سنين والعيـن تبكيـك .. ما شفت زولك زايـر يـا ضنايـا

تذكر حياتي يـوم اشيلـك واداريك .. والاعبـك دايـم وتمشـي ورايـا

ترقد على صوتي وحضني يدفيـك .. ما غيرك احدٍ ساكن فـي حشايـا

واليا مرضت اسهر بقربك واداريك .. ما ذوق طعم النوم صبـح ومسايـا

ياما عطيتك من حنانـي وبعطيـك .. تكبـر وتكبـر بالأمـل يـا منايـا

لكن خساره بعتني اليـوم وشفيـك .. واخلصت للزوجه وانا لي شقايـا

انا ادري انها قاسيـه مـا تخليـك .. قالت عجـوزك مـا ابيهـا معايـا

خليتني وسط المصحه وانا ارجيك .. هذا جزا المعروف وهـذا جزايـا

يـا ليتنـي خدامـة بيـن اياديـك .. من شان اشوفك كل يوم برضايـا

مشكور يا ولدي وتشكر مساعيـك .. وادعـي لـك الله دايـم بالهدايـا

حمدان يا حمـدان امـك توصيـك .. اخاف ما تلحق تشـوف الوصايـا

اوصيت دكتور المصحه بيعطيـك .. رسالتـي واحروفهـا مـن بكايـا

وان مت لا تبخل علـي بدعاويـك .. واطلب لي الغفران وهـذا رجايـا

وامطر تراب القبر بدموع عينيـك .. ما عـاد ينفعـك النـدم والنعايـا

رد: حمدان يا حمدان .......... أمك توصيك

لا اله الا الله

عز الله قصيده تدمي القلب ، نسئل الله السلامه والعافيه
والله انه شي يقهر ، الام وش بعد الام

والرسول صلى الله عليه وسلم يكرر فالحديث .. امك ثم امك ثم امك

يارب اجعلنا من البارين بوالدينا ولا تجعلنا من العاقين

جزاك الله خير يا ماجد .

رد: حمدان يا حمدان .......... أمك توصيك

مشكور يا ولدي وتشكر مساعيـك .. وادعـي لـك الله دايـم بالهدايـا

حمدان يا حمـدان امـك توصيـك .. اخاف ما تلحق تشـوف الوصايـا

اوصيت دكتور المصحه بيعطيـك .. رسالتـي واحروفهـا مـن بكايـا

وان مت لا تبخل علـي بدعاويـك .. واطلب لي الغفران وهـذا رجايـا

وامطر تراب القبر بدموع عينيـك .. ما عـاد ينفعـك النـدم والنعايـا

هذه الابيات تبكي العين وتحزن القلب

شوف قلب امه كيف رقيق عليه

بيندم ولا راح ينفعه ندمه

الله يعينها وهو بيجازيه ربه

مشكووور اخي على النقل

تحياتي لك

المشتاف

رد: حمدان يا حمدان .......... أمك توصيك

مشكور على المرور نورتو الموضوع بوجودكم الله يعطيكم ألف عافيه