وصيه لشامخ
قصيده الشاعر سلمان هديان الشاماني يوصي فيها ولده على مكارم الأخلاق راقت لي فحبيت انقلها لكم: [poem=font="advertisingbold,6,darkred,bold,italic" bkcolor="blue" bkimage="http://www.solaim.com/vb/mwaextraedit2/backgrounds/25.gif" border="double,4,black" type=0 line=0 align=center use=ex num="0,black""] يا شامخ اسمع جعل حظك يقومي= انا على ما قيل يا ابـوك اوصيـك اعرف ترى ما فيه حـيٍ يدومـي= الا دوام الله مافـيـه تشـكـيـك والموت له حين ومكان محتومـي= تلفيـه والا تستضيفـه ويلفـيـك وفيه الخلايق تستوي بالقسومـي= اهل القصور العامرة والصعاليـك واعرف ترى قافي رحيلك قدومـي= واطلب لعـل الله يزيـن ملافيـك يذريك من نارٍ لهيـب وسمومـي= وعساه عن برد الزمهرير يدفيـك لله صـل وزك وانسـك وصومـي= واخلص لربك والريا لايجي فيـك احرص على دينك وصون السلومي= كمّل فروض الله وواجب عوانيـك وعن والديك ادرى الكدر والهمومي= واتبع رضاهم يتبع ابنك مراضيـك وخللك لربعك في نهـار اللزومـي= حيدٍ على العدوان عسرة مراقيـك لا تحتري فيهم تبيـن الوهومـي= من دونهم حوّل بمالـك واياديـك والحق قارع به جميع الخصومـي= الحق حق وحجة الحـق تنجيـك واليا بـلاك الله بخصـمٍ ظلومـي= عطه النحر قدام يقضـب علابيـك واليا استوالك في مرامي السهومي= ارمه قبـل لا تستويلـه ويرميـك وفي المرجله خللك قوي العزومي= لا تنسدح عنها وتـردي هقاويـك وحذراك لا تاخذ بنـات الرخومـي= بعيالهن تبلـش وتكثـر بلاويـك وترى النشاما ما عليهم وسومـي= وافعالهم عنهم بـلا شـك تنبيـك لا تصحب الا الطيبيـن القرومـي= اللـي مماشاهـم يعـزك ويعليـك وعن الخطا تراك ما انت معصومي= احذر خطاك ينوش جارك ويشكيك والضيف لو يلفيك في كـل يومـي= افرح ورحب به ليا جـاك ناصيـك وتراه له في المال حـق معلومـي= وقراه لا مفقـر ولا هـو بمغنيـك ودون الدخيل ارقا السنود الزمومي= واحماه لو اللـي يبونـه بنيخيـك خله بعد جاك بحجـاك محشومـي= ينشر لك البيضاء ليا حل طاريـك وابذل لهم حسناك قبـل العدومـي= وان عدّموا يا ابوك ماني موصيك عليك باللي عقبها مـاش لومـي= والعمر لك مكتوب من عند باريـك [/poem] |
رد: وصيه لشامخ
قصيدة رائعه ونبيلة ومعانيها سامية .
تحيااتي |
رد: وصيه لشامخ
قصيده جميله ووصيه طيبه
صح السان الشاعر ومشكور على النقل ياعبدالرحمن المبطي |
رد: وصيه لشامخ
اقتباس:
الاخت نور الهدي اشكرك على تواجدك ومروك العطر وثنائك الجميل تحياتي |
رد: وصيه لشامخ
\7
|
رد: وصيه لشامخ
اشكرك أخي الشاعر عبد الرحمن المبطي على أختيار هذه القصيدة الهادفة ، تقبل مروري والسلام عليكم ، دمت في سعادة وهنأ.
|
رد: وصيه لشامخ
اخي الشاعر عبدالرحمن المبطي
صح لسان الشاعر وسلمت على الاختيار الرائع والجميل والمفيد وتقبل خالص تحياتي وشكري وتقديري ومروري المتواضع |
رد: وصيه لشامخ
اقتباس:
الاخ الفاضل ريان الترجمي اشكر لك تواصلك وجميل ثنائك لاهنت ولا عدمتك |
رد: وصيه لشامخ
اقتباس:
المشرف الفاضل والشاعر الكبير عبدالله العطافي اشكرك على تواصلك وتواجدك هنا وثنائك الجميل دمت بكل خير |
رد: وصيه لشامخ
اخوي الشاعر
عبدالرحمن المبطي نقل وذوق راقي حكم ووصايا ونصح من والد لولده ومن شاعر متمكن صح لسانه وسلمت ع النقل |
الساعة الآن 05:16 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
كل الآراء المنشورة ( مواضيع ومشاركات ) تمثل رأي كاتبها و لا تعبر بالضرورة عن رأي القائمين على الموقع