خيبة بطة
 

خيبة بطة
قصيدة للأستاذ مقبول مبارك العرابي 15-6-1433هـ
1- يقول مقبول مما شفت واشيب راسي = آخر زمن تدعي عز الشياهين بطة
2- والا تحاول بطول لسانها تحجب الشمس = ياليت بيضة غراب البين مابيضتها
3- في عشها حاولت تفريخ بومن وغربان = وتسمم الدين وتهد البنا والأخوة
4- والمشكلة لابسة تمويه جلباب ونقاب = لكن كل العفن والزور في حنحنتها
5- شذت عن السرب بالتغرير والمكر والكاش = من شرق جاها البلا يوم إن ربي بلاها
6- بغت تحقق هدف غربانها مير خابت = وخابوا أسيادها واللي سند دندنتها
7- مادريوا إن الحرار أو كارها وكر واحد = ولا تعشعش بها والا تهقوى الخفافيش
8- وإن الجبال الرواسي شامخة ماتفرق = وإن جر ماجور فيها مشكلة عالجتها
9- ياحر ياشهم ياضرغام بالروح نفداك = أنا أشهد إنك دوا العيلات ياتاج راسي
10- إن جات للعندلة ما راس من راسك أصلب = وإن جات للطيب طيبتك الكسور جْبرتها
11- ماهي غريبة عليك الله يا الشهم يرعاك = والله يرعى وطنا من ردى كل رادي
12- وأبواق قوم الفتن وأهل الفتن تحت الأقدام = ماضر غر السحاب أم الصوي وهْرشتها
13- حنا الغلا والفخر والعز وأهل الشهامة = حنا السباع الضواري الشهب في حر وبْراد
14- حفاة نمشي ونفخر وإن بغينا انتعلنا = عز ورجولة ظروف الوقت ما ميعتها
15- ونرعى الغنم والإبل ونعيش في عز وعزاز = ونفخر كما كان يرعاها بمكة محمد
16- وبْكل الأمجاد في عالي المبادي بدينا = ومْزوننا كم ديارن ممحلاتن سقتها
17- ونجبر كسور الكسير ونرجي الله ثوابه = وعلى الصفا والوفا نعيش في عز وأسياد
18- ولا نناظر لرزق الغير ونْلف ونْدور = وسْلومنا العولمة نموت ماغيرتها
19- على كتاب الله المحيا وسنة نبيه = ولا نضلل ولا نتبع دروب المضلين
20- ومن حاول يبث في جسم العرب سم الأعدا = يجتث ويخيب مثل البطة وحاضنتها

رد: خيبة بطة
 

رد: خيبة بطة
 

مقبول الحارثي

صح لسانك وسلم بنانك

قصيدة تعبر عن الاحداث الاخيرة

وعن حكمة الحكماء حيال هذه الاحداث

اعجبني العنوان { خيبة بطة} هههههه نعم خابت تلك البطة ولم تحقق مرادها

الله يعطيك العافية



وتقبل مروري ******

رد: خيبة بطة
 

رد: خيبة بطة
 

الاخ \ مقبول العرابي


صح لسانك على هذه القصيده

الجزله بيض الله وجهك

مروبعه رائعه

سلم منطوق