مرثيه في الشيخ عبدالعزيزبن دخيل الله العلوي السلمي
 

[poem=font=",6,crimson,normal,italic" bkcolor="transparent" bkimage="" border="double,4,blue" type=2 line=0 align=center use=ex num="1,black""]
عزاه ياقلبي من الهم عزاه=وعزاه ياقلب همومه تشيله
وعزي لمن مثلي زمانه تحداه=وحده على شيل الهموم الثقيله
وامست همومه بين الاضلاع تصلاه=صلي الدلال الصفر فوق المليله
على زعيم راح لايمكن انساه=الموت قفى به وعجل رحيله
الموت يطلبنا ولامنه منجاه=عميل لابده يواجه عميله
واليوم قلبي زاد همه وبلواه=والروح من بعد المفارق عليله
ياهل الصبر مافاد صبراً صبرناه=القلب شمعه والمنيه فتيله
عماه انا من بعد ماغبت عماه=صارت حياتي صعبه ومستحيله
اجاذب الونات وألاف والأاه=وشيئ مقدرمامعي فيه حيله
كني كسيرالساق في ديرة اعداه=عظمه طحينه لونهض مايشيله
وان قام سال الدم فيض وتغشّاه=والدم وبله مثل وبل المخيله
ينظربعينه يم ربعه ومرباه=وده بهم مير المسافه طويله
وخيول عدوانه تمر وتعداه=ويبكي على ركض الجواد وصهيله
اسري مع الهوجاس لوطال مسراه=وارجع معه كني مظيع دليليه
واجاوب السرحان لاكرر اعواه=وقنب بصوته في الرجوم الطويله
عليك ياراع المواجيب والجاه=عليك يالابس ثياب الجميله
انت الذي في حزة الظيق ننخاه=وانت الذي بعد الولي نلتجيله
وانت الذي رؤس المناعير تنصاه=وانت الذي جور الدهر ترتكيله
ياهل الوفاء لو جيت اعدد سجاياه=الفين بيت تكون فيها قليله
الدين نوره ساطع في محياه=جامع درجات الفضل والفضيله
ون شاف له محتاج والوقت عناه=وشحت كفوف اهل اليدين البخيله
اغدق عليه الخير من كف يمناه=وملى يدينه بالعطايا الجزيله
يسراه ماتعلم عن انفاق يمناه=ويمناه تزرع لاجل تحصد حصيله
والظيف لن شافه نهضله وحياه=ويقلط على ام الهيل والزنجيله
عسل على اصحاب القلوب المصفاه=وسم على اصحاب القلوب العليله
وسيف ليا منه نطق يخرس اعداه=وليا بطش روس العداء تنحنيله
يالله يامن كل خلقه ترجاه=انت اله العبد وانت وكيله
عسى عيون مابكت لاجل فرقاه=تفقد بصرها بين يوم وليله
وعسى نفوس تكره اسمه وطرياه=تعيش مابين الخلايق ذليله
والله يعوظنا في شيخ فقدناه=نبراس جيل اليوم وعيال جيله
ماعاد لدنيا طعم بعد فرقاه=من يوم حول عن شداد الاصيله
شيخ الشيوخ اللي عصيرا دفناه= عبدالعزيز اللي يعادل قبيله
مرحوم ياقرم على الطيب رباه=حتى الصعايب كلها تستويله
يالله عسى الفردوس داره ومثواه=وتظل قصره بالغصون الظليله
وعسى عوضنا في القصورالمبناه =اعيال صلبه متعبين الكحيله
واخص ابو ماجد عسى النذل يفداه=سيف لمع بين السيوف الصقيله
رجل على درب الوفاء سارت اخطاه=ولاشال هم الوقت عدله وميله
اقولها واحمي كلامي ومعناه=ولاني من اللي يجلبون الهزيله
مايذكرافعال الرجال المسماه=الا الشجيع ابن الشجيع الهويله
ولاينكرافعال النشاماويكناه=الا الضعيف ابن الضعيف الهبيله[/poem]

رد: مرثيه في الشيخ عبدالعزيزبن دخيله العلوي
 

الاخ الشاعر \ عبدالرحمن عبدالرحيم العلوي



صح لسانك على هذه المرثيه المعلقه


ورحم الله الشيخ \ عبدالعزيز العلوي


واسكنه فسيح جناته وعظم الله اجركم


والهمكم الصبر والسلوان


هذه معلقه في رثاء الشيخ

وذكر افضاله ومزاياه


بيض الله وجهك وجعلها

في ميزان حسناتك

والطيب ما يستغرب من

هل الطيب

رد: مرثيه في الشيخ عبدالعزيزبن دخيل الله العلوي السلمي
 

(إنّ لله وإنّ إليه راجعون)

نسأل الله العظيم رب العرش العظيم أن يرحم شيخنا الحبيب الغالي /عبدالعزيز العلوي

ويجعل قبره روضة من رياض الجنة ويجعل الفردوس الأعلى من الجنة منزله .


شعر وشعور ومشاعر حزن تحمل إحساس صادق في قصيدة ذهبية (*****)

من شاعر متمكن ومتألق فقد أحب الناس وأغلى الناس .

أسأل الله أن يجبر عزاكم ويرحم الشيخ عبدالعزيز

وصح لسانك وسلم بنانك والطيب والتميز والتألق والإبداع طبعك وعنوانك .

كتبت وأبدعت وتألقت وأمتعت بإحتراف راقي فلله درك وفالك التوفيق دائماً .

نسأل الله أن يرزقنا وإياكم الإخلاص في القول والعمل . فالك الفردوس الأعلى .

دمت بكل الحب أخاً وصديقاً مبدعاً ومتميزاً ومتألقاً في حفظ الرحمن

رد: مرثيه في الشيخ عبدالعزيزبن دخيل الله العلوي السلمي
 

مرثية حزينه


رحم الله الشيخ عبد العزيز العلوي رحمة واسعة واسكنه الفردوس الاعلى

وصح لسانك ياعبد الرحمن

انت شاعر كبير ولا يستغرب منك هذا الابداع


تقبل مروري

رد: مرثيه في الشيخ عبدالعزيزبن دخيل الله العلوي السلمي
 

رد: مرثيه في الشيخ عبدالعزيزبن دخيل الله العلوي السلمي
 

الشاعر القدير

عبد الرحمن العلوي

صح لسانك وسلم بنانك

ورحم الله أب الجميع

الشيخ عبد العزيز دخيل الله العلوي

أوفيت وكفيت وبارك الله فيك وفي قلمك

ودمت بهذا العطاء الباذخ

تقبل تحياتي ومروري وتقديري

رد: مرثيه في الشيخ عبدالعزيزبن دخيل الله العلوي السلمي
 

رحم الله الشيخ عبدالعزيز العلوي

رحمة واسكنه ويجعل مسكنه الجنه

وصح السانك يالشاعر عبدالرحمن عبدالرحيم

على هذه المرثيه المميزه ويعطيك العافيه

رد: مرثيه في الشيخ عبدالعزيزبن دخيل الله العلوي السلمي
 

مامات من يذخر رجال مطاليق -- يحيون ذكره لا اخذته الليالي
الشاعر الغالي عبدالرحمن العلوي

رحم الله الشيخ عبد العزيز رحمة واسعه وادخله فسيح جناته

ومتعكم الله بالصبر والسلوان

صح لسانك والله يسعدك دنيا وأخره ويمد بعمر والدك ويصبغ عليه الصحه

رد: مرثيه في الشيخ عبدالعزيزبن دخيل الله العلوي السلمي
 

رد: مرثيه في الشيخ عبدالعزيزبن دخيل الله العلوي السلمي