محاوره ماجد العتيبي وزرياب
 

محاوره حصلت بتويتر بين ماجد العتيبي وزرياب


ماجد العتيبي

الله وأكبر .. على زرياب وش قومه******
لاهو سياسي ولاهو شاعراً هادي
الليله الليله .. آباخذ من اعلومه******
وشب نار الشعر واقدح من زنادي

زرياب

يامرحبا والشعر مانجهل سلومه
ليتك تسلّم حسب عادات الاجوادي
الليله الليله الشاره على دومه
واحذر ترا فالعرب شاعر ونقّادي


ماجد العتيبي

كبرت تكبيرةٍ .. تعرف و مفهومه******
مانيب والله على حضرتك متحادي
اسري بضوء القمر واتركلك انجومه
واللي عرف صيدته ماهوب منصادي

زرياب

لا تخلط المعرفه وتقول معلومه
وتصير مثل الذي في طرقته غادي
ياللي ظربت البحر بدري على عومه
وان طعت شوري توّقع واطلب الهادي

ماجد العتيبي

المعرفــه سلعتةٍ بالعلـم مدعومـه******
والناس تمشي علي هجري وميلادي
اطب سوق البلد وافرق عن السومه******
والعسر والله على صاحبك ماكادي

زرياب

الناس في سلعتك ماهيب ملزومه
ظربت وادي وباق الناس في وادي
ياللي نفخت القرب شفّتك مشرومه
مافاد نفخك ولو تصيح وتنادي

ماجد العتيبي

علمي يصحي قرير النوم من نومه
قامت يدين الحسد وقلوب الاحقادي
من لاستر عورته بأشياه واهدومه******
تراه ما نقص بقوله ولازادي