منتدى سليم - زومالة سليم في زواج ابن زيد العضيله

بسم الله الرحمن الرحيم
زومالة قبيلة سليم في زواج ابن الشاعر / زيد بن سلمي العضيله المطيري في يوم الخميس الموافق 5/5/1430 في قاعة اليخت بالرياض وحضر العديد من شيوخ وشعراء قبيلة سليم

الأوله :
سلام يا قـوم لـنـا معـهـم مواقـيـف عنـيفـه
يوم السنين الأوله كلن صـحيـبه حـد سـيفه
واليوم في حكم السعود قلوبنا معهم نضيفه
نزورهم ونجيب داعـيـهـم لـيـا مـنـه دعـانا

الثانيه :
حـنـا سـلـيـم ولا تـعـامـلـنـا بالأوزان الخفـيفـه
رد البراء مابينـنا متـقـاسـمـيـنـه بالـنـصـيـفـه
واليوم عصرا فيه خير وفيه أمان ومنه خيفه
الرجل يرسم فيه ماد وقـبـل يـصـل الماد عانا

الثالثه :
أسـالكم عن بنت في حظن امها عذراء شريفه
في سـايـر الـبـلـدان مـامـعـها حلي ولا وصيفه
عشاقها من كل صوب ولـبـسـها مـثـل القطيفه
نـدعـي لـهـا وأدعـو لـهـا مـعـنا لـيـا منا دعانا

الرد :
الأوله :
يامرحبا من خاطر اللي ما ينقص قدر ضيفه
من السنين الأوله والطيب له مثل الوضيفه
والـوقـت الأول كم فـرقـنـا وليف عن وليفه
والله يحيي من لفا والنور بادي في سمانا

الثانيه :
حـنـا مـطـيـر أهـل الـمـواقـيـف الصـعيبه والكليفه
نرسي كما ترسي الجبال اللي على البيداء منيفه
والـيـوم حـنـا فـي أمـان وكـل وقـت لـه خـلـيـفـه
ولـيـا سـمـتـو بـالـعـلـوم الطـيـبـه حـنـا سـمـانـا

الثالثه :
أخذ الاجابه كان تنـشـدني عن البنت العفيفه
هذي تراها الكعبه اللي كل مسلم تستضيفه
الله مشرفها عن اللي رغبته نفسه ضعيفه
ما يـنـقـتـل فيهـا نـفوس ولا حمام ولا سمانا

وهنا بعض الصور من الحفل

هذي صور يظهر فيها صقر سليم وتركي عبدالعزيز

http://up3.m5zn.com/photo/2009/5/15/...ylsng8.jpg/jpg

http://up3.m5zn.com/photo/2009/5/15/...4t34gv.jpg/jpg

http://up3.m5zn.com/photo/2009/5/15/...tiuqbc.jpg/jpg

http://up3.m5zn.com/photo/2009/5/15/...989xfx.jpg/jpg

الف مبروك للشاعر زيد العضيله

للأمانه الموضوع منقول