منتدى سليم - محاورة قويه بين الشاعر صقر سليم والشاعر حمدان العصيمي

حمدان العصيمي

مرحبا يا شاعرن مختلف ما انت بعـلا = وضعك الأول وأكيد إن عنـدك مشكلـه
أحد معطيك الولاء وأحد ما أعطاك الولاء = شايلن حتى القرى فوق رأسك بأكملـه

صقر سليم

نحمد الله ما إختلفنا على عز وغـلا = والليالي مـا تغيـر رفيـع المنزلـه
العرب صلوا سوى يا مصيح فالخـلا = وأنت تقرأ لك على الناس حجه باطله

حمدان العصيمي

إنكشف سر الإداره وعرفوه المـلا = يا مدير الدايره فـك بابـك وإقفلـه
العصيمي لابس البشت جنب أبا العلا = والبقيلي مبتلش في عيال الأرملـه

صقر سليم

أنت ماشاء الله على منهجك كلك حلا = يالعصيمي تحسب إن العباد مغفلـه
ما ابتلشنا غير فيكم ويا كافي البـلا = يوم ننهي مرحله تبتـدون بمرحلـه

حمدان العصيمي

نعلم إن الحنظلـه لا ظـلال ولا كـلا = لو نسورها بريحـان تبقـى حنظلـه
يا حددنا فرقوا في جماعـه وزمـلا = ءيعلو الحاجب على العين والعين أسفله

صقر سليم

البلا في قلوبكم طول الأيام تغلا = تطلعون كدي وتعودن المسفلـه
يا كثيرين الصوايح قليلين الحلا = تتبعون القافله في مسير القافله

حمدان العصيمي

نجمنا فوق المجـره تعـلا وإعتـلا = وأنت نجمك في نطاق النجوم المهمله
الذيابه قامت تحوف رعيـان الفـلا = وش مصير الراعي اللي فقد مستقبله

صقر سليم

العلم مرفوع حول السموات العلا = وأطلق الشعار تنهيه منا البسمله
تدري إن القلب ماله حياه بلا كلى = وأنت لو قلنا لك القلب ما تستاهله

حمدان العصيمي

أنت قلبك من صدى الغبن باقي ما انجلا = يمكـن الله يغسلـه فالليـال المقبـلـه