محاوره بين مواطن وغلاء المعيشه
 

هذي محاوره نقلتها لكم بين مواطن وغلاء المعيشه وجدتهم على قارعة الطريق يوم رجعت من الدوام وكانو يتداولون هذا الطاروق


المواطن
يامرحبا في خمسه وعشرين
حلّ المعاش الي ندور له
صحن الضيافه نجعله صحنين
والعود والمقداع والدله

الغلاء
دام البقى يالصاحب المسكين
يالي مناهجكم على المله
ياصاحبي وش بك نسيت الدين
امدينك لابد ترسله

المواطن
لوجيتني بالسيف والسكين
الجود منا منت محتله
الدين مقضي والرجال اتبين
ماني مضريها على الذله

الغلاء
من وين تذهب قوللي من وين
ابشر لك بضربه على القله
مالك جدا الا منتجات الصين
والصين منتوجه ترا عله

المواطن
نصبر على الضربه ليوم الدين
والا العدو بيموت في غله
الصين ماهو عيب ماهو شين
******وكنز القناعه نملكه كله

الغلاء
منته بصابر واعرفك يازين
قدم الغلاء الاوضاع منهله
ماتملكون الا بيوت الطين
يوم ان حلمك تملك الفله


وسلامتكم
القلم

رد: محاوره بين مواطن وغلاء المعيشه
 

احمد ربي على اللي انت فيه

والنعمه والخير الوفير

ماهناك غلا روح الدول الاخرى وترى الغلا

انسان لا يحمد الله لن يرى الخير

رد: محاوره بين مواطن وغلاء المعيشه
 

الحمدلله نحن بخير ونعيش بأمن وأمان

رد: محاوره بين مواطن وغلاء المعيشه
 

رد: محاوره بين مواطن وغلاء المعيشه
 

القلم ـــ. الله يبارك فيك اخي

والله جيت على الجروح.


وصدق اخي مشعل الهميعي يوم قال الغلا شاعر

ونحن وش بقولنا غير الشعر ووده يشاركنا فئه


بكرة تحصله في شاطئ الراحة يبي يفوز بالمليون

ويروح تعب ربعنا بلاش والتصويت سوف يكون معه وحتى اللجنة

سوف تعطيه الدرجة كاملة

اشكرك على انتباهك الشديد للمحاورة

وحفظ أبياتها ونقلها لنا هنا

تقبل مروري وتقديري

رد: محاوره بين مواطن وغلاء المعيشه
 

صح لسان المواطن

لاكن اول مرة اشوف الغلأ يتكلم

لو يتكلم قطعت لسانه قطع

رد: محاوره بين مواطن وغلاء المعيشه
 

بعض العادات التي لانستطيع ان نتهرب منها اسهمت في ان الشخص لايستطيع ان يهتني براتبه
وهي البذخ في الكرم
طيب لو ان احدكم اتاني ضيف وبدل من اذبح له ذبيحه جبت له دجاج او لحم من الجزار اكيد بيجي في خاطره ويمكن يتشرهه علي بالمجالس
لذا لازم الفين ريال تروح لأرضائك اذا كان الطبخ في البيت مع العلم انك انت والمعازيم تأكلون وانتم متخمين وليس لكم شهيه للاكل لكن العاده لابد ان ترأ هذه البهيمه مجدوعه ع الصحن
انا بالنسبه لي الحمدلله ماعلي راتبي سيساعدني لكن بعض الناس راتبه لايتعدا الخمسه الألاف
ماذا يفعل ميزانيته لاتسمح له
يعني لابد من الدين والدين عمى العين
لذا لابد من نحن ايها المجتمع ان نكون عون لمحدودي الدخل وان لانجعلهم يتحملون الخسائر
اكرام الضيف هو توفير له الطعام وانا متأكد ان فيه بدائل لذبائح التي اجهدت بعض الناس الذين يحلمون ان يعيشو الحياه من دون الديون
يمكن ان احارب من بعض الناس على هذا الطرح لكن الله يعين

رد: محاوره بين مواطن وغلاء المعيشه
 

مشعل البارودي
لاهنت وشكرآ ع المرور

رد: محاوره بين مواطن وغلاء المعيشه
 

عبدالله العطافي
الشكر لك ع مرورك الجميل

رد: محاوره بين مواطن وغلاء المعيشه
 

ال شويبر
لاهنت ع المرور