تبكي سليم
تبكي سليم رثاء ومشاعر لم أستطع كتمها في الفقيد الغالي الشيخ ساعد بن فراج الثلابي السلمي رحمه الله وأسكنه فسيح جناته. خيم علينا الحزن وأرخى سدوله = واختارنا من بين كل القبايل مادام ابن فراج في أول فصوله = لا والله ألا حزن ماهو بزايل واديه سيّل دمع عرضه وطوله = يبكون شيخ المرجلة والجمايل يبكون ابن فراج ساعد وآقوله = تبكي سليم اليوم شيخ الفعايل مافيه مجد ألا يقول ويطوله = حط القبيلة في الصفوف الأوايل حلاّل صعبات العقود بسهولة = حكيم رأيه يثبته بالدلايل شاعر وناقد والمعاني ذلوله = بيته بناية والقصايد جزايل مات الشجيع اللي تقوله فعوله = فارس وخيال الجياد الأصايل مات الكريم اللي يدينه بذولة = الجود من مدّه سحابه همايل مات الرفيق اللي يشيل الحمولة = جمّال بقعاء لو تزيد الحمايل مات الصديق اللي نقي العمولة = أبيض من المحلوب عند العمايل حاكم سياسي والمراجل خيوله = مثل الصقر ميقاع والرأس طايل مثل العلم مرفوع والناس حوله = وليا تكلم مثل حد الصقايل ماشفت مثله في الوفاء والرجولة = يصبر ولا يبدي جروح علايل يقوله اللي من بعد فقد زوله = دمعه خفير وخطوته في الغلايل كسر القبيلة كسر تصعب حلوله = يوم الجبارة مالها من بدايل ليت النخل ماينحني في نزوله = والنار ماتطفي بروس الفتايل واللي يمثل صدق دور البطولة = قولوا له الهمّال خير المخايل ومرحوم ياساعد وكل يقوله = عساك في الجنة نهار الهوايل |
رد: تبكي سليم
ومرحوم ياساعد وكل يقوله . عساك في الجنة نهار الهوايل اللـهـم انقله من مواطن الدود وضيق اللحود إلي جنات الخلود " اللـهـم إحمه تحت الارض واستره يوم العرض ولا تخزه يوم يبعثون "يوم لا ينفع مال ولا بنون إالا من أتي الله بقلب سليم " اللـهـم انزل على اهله الصبر والسلوان و ارضهم بقضائك. |
رد: تبكي سليم
\7
|
رد: تبكي سليم
الاستاذ / عبدالله
صح لسانك أنت شهداء الله في ارضه رحمه الله رحمة واسعة |
رد: تبكي سليم
الاخ الشاعر والاعلامي \ عبدالله السلمي
صح لسانك على هذه القصيده الرثائيه المحزنه في الشيخ \ساعد فراج رحمه الله واسكنه فسيح جناته وعظم الله اجركم والهمكم الصبر والسلوان |
رد: تبكي سليم
بيض الله وجهك وهذافعل ربعي من سليم امثالك
|
رد: تبكي سليم
صح لسانك أخي الاستاذ: عبدالله السلمي
مرثية حزينة في شيخ لن ينساه أبناء قبيلة بني سُليم وكل أبناء القبائل الأخرى ممن عرفوه وقد اشتملت على بعض من الصفات التي كان يرحمة الله يتصف بها . |
رد: تبكي سليم
\7
|
رد: تبكي سليم
\7
|
رد: تبكي سليم
\7
|
الساعة الآن 06:16 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
كل الآراء المنشورة ( مواضيع ومشاركات ) تمثل رأي كاتبها و لا تعبر بالضرورة عن رأي القائمين على الموقع