|
مشاعر بحرية
هذه ابيات كتبتها في احد رجالات حرب وهو ناشي بن نفاع السهلي الحربي عندما عاد من رحلة علاج في المانيا اثر وعكه صحية المت به ويتعالج من اثرها نسأل الله ان يشفيه ويشفي جميع مرضى المسلمين وابو فواز هوا من اصدقأنا الوفيين الله يعطيه الصحه والعافيه ويطول في عمره واقول
يامرحبا باللي لفاء بعد غيبه غيبة علاج الله من الشر يحميه راح لديار الغرب محدا دريبه الصاحب اللي غاب والقلب مشقيه يوم غاب وابطاء ثم طول مغيبه زادة همومي يوم زلة حراويه ومن لامني فالطيب الله حسيبه العاني اللي يفتخرفيه عانيه عسى العلوم الغانمه من نصيبه والشر يبعد عنه والخير يعطيه يالشيخ يالي لك مع الناس هيبه ناشي ولد نفاع يالله تعافيه حرا من الاحرار نار لهيبه ومن لايعرف الصقر فالناريشويه****** من حرب ******والحربي عقوبة حريبه يومن جيش الترك خابت مغازيه حرب وقفت للترك شيب وشبيبه والحر يعرف عند ذكره وطاريه اما الردي لو غاب محدا شقبيبه جيت اذكر الطيب وفيكم مواريه ويارحامنا حرب الرجال المهيبه الطيب فيكم والكرم عند راعيه اهل وجيها طلق ماهي شحيبه لاجاتها الخطار والركب تقريه وماهي على حرب الحريبه غريبه تزبن دخيلا قاسي الوقت مجليه اقولها ونا اسم ابوك استميبه من خندف اللي جارهاماتخليه اسليم لاجات العلوم العصيبه عند اللزوم تسابق اللي تباريه وما فالقبايل ******شك فافيه ريبه كلا يعبر الكيل والكيل يوفيه ويامرحبا ترحيبة بعد غيبه ترحيبة اللي يعتزي يم تناديه****** نفاع عواص الربيقي السلمي****** ****** ****** |
رد: مشاعر بحرية
هلا ومسهلا. والفين هلا بالشاعر. نفاع. الربيقي السلمي
قصيدة. شامخة بشموخ. كاتبها والنعم بالخادم والممدوح. عزالله كفيت ووفيت وبيض الله وجهك على هذه الشامخة التي. كتبتها في صاحبك ناشئ السهلي بعد عودة وسلامته الله وديم الصداقه والعلوم الفانون بينكما وتقبل مروري وتقديري |
رد: مشاعر بحرية
صح لسانك وتسلم يمينك
عساك على القوه دوم |
رد: مشاعر بحرية
ابو ثامر
صح لسانك على هذه القصيده المعبره والداله على الوفاء لمن قيلت فيه وعسى الله يرفع عنه وعن كل مريض |
رد: مشاعر بحرية
صح بدنك يابن مقحص وبارك الله فيك
|
رد: مشاعر بحرية
ابو ثامر الربيقي
صح لسانك وسلم بنانك قصيدة رائعه بما تحمل كلمة رائع من معنى كتبت وابدعت وامتعت واشفى الله مرضى المسلمين عامه تقبل مرور أخيك ولك تقديري واحترامي |
رد: مشاعر بحرية
صح بدنك وبارك الله فيك اخي خالد العلوي لاعدمتك
|
رد: مشاعر بحرية
\7
|
| الساعة الآن 03:56 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
كل الآراء المنشورة ( مواضيع ومشاركات ) تمثل رأي كاتبها و لا تعبر بالضرورة عن رأي القائمين على الموقع