الجمعه اللي مابعدها سبت
 

[poem=font=",6,,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/10.gif" border="ridge,4,black" type=1 line=0 align=center use=ex num="0,black""]
عداك اللوم ياراسٍ تحـــــــــــديت الصعاب وشبت=صمدت بوجـــــــــــــه تيار الزمان وعارضك شابي
تحطم قدمك الياس وعبرت البحــــــــــــر ماجربت=وعلى ســــــيفه رمــــــيت الخوف كله والتهيابي
تقلطك العزيمه وأهل الأرياء كـل ما أخطــــو صبت=وصلت أسمى هدف دونه تداحم عكف الأشنابي
وعلى هيبة منصــــات الأكــــــــابر جيتها ماهبت=أقدرهـــــــــا ولي فيها قــــــــــــدر للمجد يرقابي
كبر قدري يوطي روس حســـــــــــادي ليا قربت=وأنا ظامـــــن مكانــــــــي وأعرفه ومريح أعصابي
ماغبت من المكان اللي يعــــــز الراس لو غيبت=على عرش العـــــلا من يوم قمت مشيد أطنابي
لكني همت في موسوعة أحلام العمر وأسهبت=أصك كتاب بأســــــــم أحلام عمري وأفتح كتابي
أغامر في فضاء الأحلام لن شرقـــــت وإن غربت=أبي لكنـــــــها ماجتنــــــــي الدنيا علــى ما آبي
فتحت أجروح صدري بالتــــــوجد من بعد ماطبت=على ذمة وفاء بوعــــود منها خاطـــــــــري طابي
وانا مومــــــــن رضاء بالله وحـــــده كافرٍ بالجبت=وراضــــــــي بالقــــــــدر وإن صك بابٍ ينفتح بابي
عروق الصدر فجرها كبـــــــر صبري وكثر الكبت=ولسان الحـــــــــــال جردني من الصمت وتعدابي
فقدتك ياالحسام اللـــي بهيبة صطوتك حاربت=تطول أرقاب مــــــــــن طيبك وقدمك تقصر أرقابي
فقدتك يوم جت وقفتك مدري وين عنها غبت=وأنا اللي فيك مرهي بالسعد من جملة أصحابي
من أول كنت أفاخر بك مع العالم ولا حسبت=وعــــن شفي ورا طيب النـــــديم معقـل أركابي
أحسب إني بصفقة بيعة أصحاب الزمان أكسبت=أثر حظي خدعنـــــــــــي لين يم الشرق صلابي
حجب شوفك كلام الناس يوم بهــــرجهم رحبت=مزورة الحكــــــي بالظلــــم من ودى ومن جابي
وعدهم في نهار الجمعه اللـــي مابعدها سبت =لياحط بنهـــــار الآخـــــــــره ميـــــــزان وحسابي[/poem]

رد: الجمعه اللي مابعدها سبت
 

قصيدة جزله , و معبره عن صدق المشاعر

بوركت على النقل

رد: الجمعه اللي مابعدها سبت
 

لله درك ثم لله درك

صح الله لسااااانك ملالالالالايين

كبير ياشاعراً الكبير موسى السلمي

درة من العيار الثقيل

راقت لي كثيراً

سلمت يداك على ماتقدم من أبداع

مصعب الدميحي الله بيض وجهك

ودمت بخييييير

رد: الجمعه اللي مابعدها سبت
 

رد: الجمعه اللي مابعدها سبت
 

قصيده جميله جدا
صح الله لسآن القائل مليون
وصح الله لسآن الناقل مليون ولا يسدون

رد: الجمعه اللي مابعدها سبت
 

الاخ المبدع عوض البنوي

كل الشكر لك على هذا

المرور الراقي والرائع

الذي اضاء متصفحي

وصح الله بدنك يالغالي

ولاعدمتك ولاعدمت حضورك المشرف





تحياتي واحترامي

رد: الجمعه اللي مابعدها سبت
 

رد: الجمعه اللي مابعدها سبت
 

رد: الجمعه اللي مابعدها سبت
 

صح لساااان الشاعر


قصيدة رائعة ونقل جميل

مشكور يا مصعب

لا عدمناااااك