كوب لاتيه☕️
 

ياللي تسلّيتي على كـوب لاتـيه
يوم الوصل مضمي خفوقه سـرابه
حبٍ رسـمـنـا لـه طـريقٍ مـحـيتيـه
من عقب ماعلـن مع غـيابكـ غيابه
حـاولت اشـده في كـتابٍ كـتبتيـه
واثر الـمحـبه جـاهـلـه بالـكـتـابـه
يكفي خفوقي جرحك اللي جرحتيه
حتى تـغـرّب عن مـكـانٍ نـشـا بـه
كـم لـيـلـةٍ في حلو الأحـلام زرتـيه
وانتي سـهـيره بيـن جـمعـة قرابه
او كم صباحٍ في عـيونـه شـرقتيه
او كم كتب لكـ مـا لقي لكـ إجـابـه
إمّــا رجـعــتي بـالـمحـبـه رعـيتيـه
ولّا الـوصل قـافل من اليـوم بـابه
أعمارنا تمضي على صحصح التيه
أسرع من اوراق السعف باشتبابه

رد: كوب لاتيه☕️
 

الوصل

صح لساااانك وسلم ينااانك
غزلية مترفه ابدعت في صياغتها
تستحق التميز. *****

رد: كوب لاتيه☕️
 

رد: كوب لاتيه☕️
 

تشكر يامدير لاهنت
وصح قلبك ملايين

رد: كوب لاتيه☕️
 

لاهنت ياعدنان
وصح بدنك

رد: كوب لاتيه☕️
 

رد: كوب لاتيه☕️
 

الشاعر / الوصل

صح لسانك على هالنص الجميل
بفكرته واسلوبه وكذلك بالفاظه
ومفرداته وصوره الشعريه
اعجبني سلم فكرك

رد: كوب لاتيه☕️
 

أخي البارودي
صح قلبك ملايين
وعساك عالقوه يارب

رد: كوب لاتيه☕️
 

صح نبضك ياحمدان
وسلمت يالامير
ولا عليك زود

رد: كوب لاتيه☕️
 

صبحكم الله بالخير جميع

قصيدة عفوية وخفيفة على النفس

والحقيقة عجبني عجز هذا البيت كثير:

يكفي خفوقي جرحك اللي جرحتيه
حتى تـغـرّب عن مـكـانٍ نـشـا بـه

صح منطوقك ولا هان غاليك

ناصر الراشد