من دور أدروب المراجل لقاها
 

السلام عليكم ورحمة الله وبركاته
مساكم الله بالخير
من القديم
(من دور أدروب المراجل لقاها)

من عاش عيشت ماش يبقى على ماش
ومن دور أدروب المراجـل لقاهــا

واللي مفرّغ راس بالرآس. ماشاش
يشوش رجلٍ بالمعزه بناهـا

واللي يدور لاش يلقى مية لاش
البوم تلقى بوم من مستواها

يحوش بعض الناس ويقال حواش
البيعه اللي باعها واشتراهـا

واللي مايبذل طيب للطيب ماحاش
الطيب باكرام الرجال . ونباها

واللي مغير ينبش الهرج نباش
كل إذن تصغيله بكذبه حشاها

نمام مغتابٍ وللناس غشاش
يشذب عراقيب العرب في قفاها

دايم على سود السواليف معتاش
كلمه يوديها وكلمه بناهـااا

ناسٍ على خم السواليف عطاش
سوالفٍ ما نومست من حكاها

واللي مابين أفكاره العمي منداش
عليه تفتر السنين برحاهــــا

واللي شرى بالرخص بياع ببلاش
خسران ياللي بضاعته مانقاها

واللي يدور للكرامات ما عاش
يموت وآدني حاجته ماقضاها

واللي يعيش بماش يبقى على ماش
واللي يبا أدروب المراجل لقاها

واللي مفضا راس بالراس ماشاش
يشوش من درب الشجاعه بغاها

حمدان بن مقحص

رد: من دور أدروب المراجل لقاها
 

الشاعر القدير

ابو ماجد صح لسانك قصيده جزله وابيات فيها من الحكم .

دمت ودام قلمك في طاعه الله .

رد: من دور أدروب المراجل لقاها
 

رد: من دور أدروب المراجل لقاها